Paltiing 16:14 - Ti Baro a Naimbag a Damag Biblia

¹⁴ Isuda dagiti espiritu ti demonio nga agiparparang iti pagilasinan. Mapan dagiti tallo nga espiritu kadagiti ari iti sangalubongan tapno ummongenda ida a makigubat inton dumteng ti naindaklan nga aldaw ti Mannakabalin-amin a Dios.

Ti Biblia (1973)

¹⁴ Ta isuda dagiti espiritu dagiti demonio, nga agar-aramid cadagiti datdatlag; isuda a mapan cadagiti ar-ari ti amin a lubong tapno urnungenda ida a maisagana iti gubat ti dackel nga aldaw ti Dios a Mannacabalin-amin.

Paltiing 16:14 Iomraidhean Croise

1 Ar-ari 22:6

Inayaban ni Ahab dagiti profeta—agarup uppat a gasutda—ket sinaludsod ti ari, “Rumbeng ngata a rautek ti Ramot?” “Rautem, pagballigiennaka ti Apo,” insungbatda.

Ezekiel 14:9

“No maallilaw ti maysa a profeta ket saan a pudno ti ipakaammona, siak ti nangallilaw kenkuana. Ilaksidko kadagiti tattao ti Israel.

San Mateo 24:14

Maikaskasabanto iti entero a lubong daytoy Naimbag a Damag maipapan iti Pagarian kas pammaneknek iti sangkataoan. Kalpasanna, umayton ti panungpalan.”

San Mateo 24:24

Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios.

San Marcos 13:22

Ta agparangto dagiti sinan-cristo ken dagiti sinan-profeta, ket agipakitadanto kadagiti pagilasinan ken datdatlag tapno yaw-awanda dagiti pinili ti Dios.

San Lucas 2:1

Kadagidi nga aldaw, impaulog ni Emperador Augusto ti bilin a mailista ti amin nga umili iti Imperio ti Roma.

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

Taga-Roma 1:8

Umuna unay, agyamanak iti Diosko babaen ken ni Jesu-Cristo para kadakayo amin. Agdindinamag ngamin ti maipapan iti pammatiyo iti entero a lubong.

2 Taga-Tesalonica 2:9

Umayto ti Managdakdakes nga addaan iti pannakabalin ni Satanas. Agaramidto kadagiti amin a kita ti milagro ken kadagiti makaallilaw a pagilasinan ken datdatlag.

1 Timoteo 4:1

Nalawag ti kuna ti Espiritu a kadagiti maudi nga al-aldaw, suminanto ti sumagmamano a tattao iti pammati. Ipangagdanto dagiti mangallilaw nga espiritu ket surotenda ti pannursuro dagiti demonio.

Santiago 3:15

Saan nga aggapu sadi langit daytoy a kinasirib, no di ket agtaud ditoy lubong. Nagtaud iti demonio ken saan a naespirituan daytoy a kinasirib.

Josue 11:5

Pinagtitipon dagiti amin nga ari ti buyotda ket sangsangkamaysada a nagkampo iti Waig ti Merom tapno gubatenda ti Israel.

1 Juan 5:19

Ammotayo a kukuanatayo ti Dios, nupay iturturayan ti Managdakdakes ti entero a lubong.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Paltiing 13:3

Kasla nasugat ti maysa nga ulo ti animal. Nagistayanna impatay daytoy ngem immimbag met laeng. Nasdaaw dagiti amin a tattao iti lubong iti napasamak ket simmurotda iti animal.

Paltiing 16:16

Ket inummong dagiti espiritu dagiti ar-ari sada impan ida iti lugar a maaw-awagan Armagedon iti pagsasao a Hebreo.

Paltiing 16:7

Nangngegko ti timek a naggapu iti altar: “Apo Dios a Mannakabalin-amin, awan duadua a napudno ken nalinteg dagiti panangukommo!”

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 20:8

Rummuarto a mangallilaw kadagiti nasion iti entero a lubong, kayatna a sawen, da Gog ken Magog. Ummongento ida ni Satanas a kaduana a makigubat. Adunto ti armadada kas iti kaadu ti darat iti igid ti baybay.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Paltiing 6:17

Dimtengen ti naindaklan nga aldaw a panagdissuor ti pungtotda ket awanto ti makalasat.”