Paltiing 16:13 - Ti Baro a Naimbag a Damag Biblia

¹³ Ket nakakitaak iti tallo a narugit nga espiritu a kasla tukak a rumrummuar kadagiti ngiwat ti dragon, ti narungsot nga animal ken ti sinan-profeta.

Ti Biblia (1973)

¹³ Ket nakitac a rumrummuar idi ngiwat daydi dragon, ken idi ngiwat daydi animal ken idi ngiwat daydi saan a pudno a mammadto dagiti tal-lo nga espiritu a narugit, a cas da la tucac:

Paltiing 16:13 Iomraidhean Croise

Dagiti Salmo 105:30

Napno iti nakaad-adu a tukak ti dagada uray pay iti palasio ti ari, nagdudupudopda.

Dagiti Salmo 78:45

Nangibaon iti pinangen a ngilaw a namarigat kadakuada; nangyeg kadagiti tukak a nangdadael kadagiti talonda;

San Mateo 7:15

“Agannadkayo kadagiti sinan-profeta. Umayda kadakayo ket agparangda a kas karnero, ngem iti kinapudnona, narawetda a lobo.

Paltiing 16:14

Isuda dagiti espiritu ti demonio nga agiparparang iti pagilasinan. Mapan dagiti tallo nga espiritu kadagiti ari iti sangalubongan tapno ummongenda ida a makigubat inton dumteng ti naindaklan nga aldaw ti Mannakabalin-amin a Dios.

Paltiing 18:2

“Natnagen!” impukkawna. “Natnagen ti Babilonia nga agdindinamag a siudad! Taeng laengen dagiti demonio ken dakes nga espiritu. Pagaponanen ti amin a kita ti agkakarugit ken nakarimrimon a tumatayab.

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

Paltiing 20:10

Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.