Paltiing 15:7 - Ti Baro a Naimbag a Damag Biblia

⁷ Maysa kadagiti uppat a sibibiag a parsua ti nangted kadagiti pito nga angheles iti pito a malukong a balitok. Napno dagitoy iti napalalo a pungtot ti Dios a sibibiag iti agnanayon nga awan inggana.

Ti Biblia (1973)

⁷ Ket maysa cadagidi uppat a parsua a sibibiag intedna cadagidi pito nga angel dagiti pito a malocong a balitoc, a napno iti pungtot ti Dios, isu nga agbiag iti agnanayon.

Paltiing 15:7 Iomraidhean Croise

Dagiti Salmo 75:8

Adda kopa nga iggem ni Yahweh; napno iti naingel nga arak ti pungtotna. Ibukbokna daytoy ket inumen dagiti managdakdakes, inumenda agingga iti aridaedna.

Jeremias 25:15

Imbaga kaniak ti Apo a Dios ti Israel, “Daytoy ti kopa ti arak a napno iti pungtotko. Alaem ket ipainummo kadagiti amin a nasion a pangibaonak kenka.

1 Taga-Tesalonica 1:9

Saritaen amin dagidiay a tattao ti panangawatyo kadakami idi simmarungkarkami kadakayo, ken ti panangtallikudyo kadagiti didiosen tapno agserbikayo iti napaypayso ken sibibiag a Dios.

Paltiing 1:18

Siak ti sibibiag! Natayak idi, ngem kitaem, sibibiagak iti agnanayon nga awan inggana. Adda kaniak dagiti tulbek ni Patay ken ti Hades.

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.

Paltiing 14:10

inumendanto a mismo ti arak ti napalalo a pungtot ti Dios, ti arak nga imbukbokna nga awan lalaokna iti kopa ti pungtotna! Matutuokdanto iti apuy ken asufre iti sangoanan dagiti nasantoan nga angheles ken ti Kordero.

Paltiing 15:1

Nakitak sadi langit ti sabali a naindaklan a pagilasinan, maysa a nakaskasdaaw a buya. Pito nga angheles nga addaan kadagiti pito a didigra. Dagitoy dagiti maudi a pakatungpalan ti napalalo a pungtot ti Dios.

Paltiing 16:2

Napan imbuyat ti umuna nga anghel ti linaon ti malukongna iti daga. Gapu iti daytoy, nagtaud dagiti nakabutbuteng ken naut-ot a gaddil kadagiti tattao nga addaan iti marka ti narungsot nga animal, ken kadagiti nagdaydayaw iti ladawanna.

Paltiing 17:1

Immasideg kaniak ti maysa kadagiti pito nga angheles nga addaan iti pito a malukong ket kinunana: “Umayka, ket ipakitak kenka ti pannakadusa ti reyna ti immoralidad, dayta agdindinamag a siudad a nabangon iti asideg dagiti adu a karayan.

Paltiing 21:9

Inasitgannak ti maysa kadagiti pito nga angheles nga addaan iti pito a malukong a napno kadagiti pito a maudi a didigra. “Umayka,” kinunana, “ket ipakitak kenka ti babai nga ikasar ti Kordero.”

Paltiing 4:10

agrukbab dagiti duapulo ket uppat a panglakayen iti sangoanan ti trono ket agdaydayawda iti situtugaw sadiay, isu nga agbiag iti agnanayon nga awan inggana. Ipurruakda ti koronada iti sangoanan ti trono sada kuna:

Paltiing 5:8

Bayat ti panangalana, nagruknoy dagiti uppat a sibibiag a parsua ken dagiti duapulo ket uppat a panglakayen iti sangoanan ti Kordero. Adda arpa ti tunggal maysa ken balitok a malukong a napno iti insenso nga isu dagiti karkararag dagiti tattao ti Dios.