Paltiing 15:4 - Ti Baro a Naimbag a Damag Biblia

⁴ Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Ti Biblia (1973)

⁴ Siasino ti di agbutengto kenca, O Apo, ken saan a mangidaydayawto iti naganmo? Ta sicsica laeng ti santo: ta isu-amin dagiti pagpagarian umaydanto ket agdayawdanto iti sangoanam; ta dagiti ar-aramidmo a nalinteg naiparangarangda.

Paltiing 15:4 Iomraidhean Croise

Dagiti Salmo 105:7

Ti Apo ti Diostayo; dagiti bilinna agpaay iti entero a daga.

Dagiti Salmo 111:9

Winayawayaanna dagiti tattaona; nangaramid iti katulagan nga agnanayon nga awan inggana. Nasantoan ken mannakabalin ti naganna.

Dagiti Salmo 22:23

“Dakayo nga adipen ti Apo, agdaydayawkayo kenkuana; dakay a kaputotan ni Jacob, itan-okyo; dakay a tattao iti Israel, agrukbabkayo kenkuana.

Dagiti Salmo 22:27

Lagipendakanto ti tunggal maysa ditoy daga, Apo; manipud iti amin a suli ti lubong umaydanto agkamang kenka ket agrukbabda.

Dagiti Salmo 22:3

Ngem sika ti Nasantoan, naisaad iti trono nga itantan-ok ti Israel.

Dagiti Salmo 86:9

Umayto dagiti amin a nasion a pinarsuam, ket agrukbabdanto iti sangoanam. Idaydayawdanto ti naganmo.

Dagiti Salmo 89:7

Dioska a pagraraeman dagiti parsua a nailangitan; naindaklan ken pagbutbutngandaka dagiti adda iti sangoanam.

Dagiti Salmo 97:8

Agragsak dagiti tattao ti Sion, agrag-o dagiti siudad ti Juda, gapu kadagiti pangngeddengmo, O Dios!

Dagiti Salmo 99:5

Itan-okyo ti Apo a Diostayo, agdaydayawkayo iti sango ti tronona. Nasantoan ni Yahweh!

Dagiti Salmo 99:9

Itan-okyo ti Apo a Diostayo; agdaydayawkayo idiay nasantoan a turodna! Nasantoan ti Apo a Diostayo!

Isaias 24:15

ket idaydayawto met dagiti adda iti Daya. Idaydayawto dagiti tattao nga agnaed iti igid ti baybay ni Yahweh a Dios ti Israel.

Isaias 25:3

Idaydayawdakanto dagiti nabileg a pagilian; kabutengdakanto dagiti naranggas a nasion.

Isaias 26:9

Iti rabii, tarigagayanka iti amin a pusok; no ukomem ti daga ken dagiti tattaona, masursurodanto ti kaipapanan ti hustisia.

Isaias 45:23

Pudno ti ikarik ket saan a mabaliwan. Sipapasnekak a mangikari nga agparintumengto dagiti amin a tao iti sangoanak, ket isapatada a napudnoda kaniak.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

Isaias 6:3

Ipukpukkawda iti tunggal maysa: “Santo, santo, santo! Nasantoan ti Apo a Mannakabalin-amin! Napno ti lubong iti dayagna.”

Isaias 60:5

Makitamto daytoy ket mapnokanto iti rag-o; agtigergerkanto iti nagpaiduma a ragsakmo. Mayegto kenka ti sanikua dagiti nasion; aggapunto iti ballasiw ti taaw ti kinabaknangda.

Jeremias 10:7

Siasino ti di agdayaw kenka, sika nga ari dagiti amin a nasion? Rumbeng a madaydayawka. Awan ti kas kenka kadagiti amin a mamasirib kadagiti nasion ken iti amin a pagarianda.

Jeremias 16:19

O Apo, sika ti mangsalaknib kaniak ken mangted iti pigsak. Tulongannak iti tiempo ti rigat. Umayto kenka dagiti nasion nga aggapu iti amin a paset ti daga ket kunada, “Pasig a sinan-dios ti adda kadagidi kapuonanmi. Awan ti adda kadakuada no di laeng dagiti awan serserbina nga imahen.

Jeremias 5:22

Siak ni Yahweh. Awan kadi ti panagbutengyo kaniak? Apay a dikay agkintayeg iti sangoanak? Inkabilko ti darat a beddeng ti baybay, maysa a permanente a bangen a dina maballasiw. Mabalin nga agdawel ti baybay ngem dina malabsan; mabalin nga agdaranudor dagiti dalluyon ngem dida malasat.

Oseas 3:5

Ngem dumtengto ti tiempo nga agsublidanto manen ken ni Yahweh. Agkamangdanto iti maysa a kaputotan ni David nga arida. Agbutengdanto ken ni Yahweh ket awatendanto dagiti agkakaimbag a paraburna.

Habakuk 1:12

O Apo, sikan ti Dios manipud idi punganay. Sika ti Diosko a nasantoan ken agnanayon. O Apo a Diosko ken mangaywan kaniak, pinilim dagiti taga-Babilonia ket pinapigsam ida tapno mabalindakam a dusaen.

Zacarias 14:16

Kalpasan ti pannakaparmek dagiti kabusor, tinawen a sumang-atto idiay Jerusalem dagiti amin a nakalasat tapno agdaydayawda ken ni Yahweh a Mannakabalin-amin a kas ari ken tapno rambakanda ti Fiesta dagiti Abong-abong.

Zacarias 2:11

Iti dayta a tiempo, adunto a nasion ti kumamang iti Apo ket agbalindanto a tattaona. Makipagnaedto kadakayo, ket maammoanyonto nga imbaonnak kadakayo.

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

Taga-Roma 15:9

Iti kasta, agdaydayaw met dagiti Hentil iti Dios gapu iti asina. Kas kuna ti Nasantoan a Surat, “Ngarud, idaydayawkanto kadagiti Hentil; Ikantakto dagiti pagdaydayaw iti naganmo.”

1 Pedro 1:16

Kas nailanad iti Nasantoan a Surat: “Agsantokayo, agsipud ta nasantoanak.”

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 14:7

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Paltiing 16:5

Nangngegko ti kuna ti anghel a mangay-aywan iti danum: “Nalinteg ti panangukommo, O Nasantoan, Sika nga adda ita ken sika nga adda idi;

Paltiing 16:7

Nangngegko ti timek a naggapu iti altar: “Apo Dios a Mannakabalin-amin, awan duadua a napudno ken nalinteg dagiti panangukommo!”

Paltiing 19:2

Nalinteg ken rumbeng dagiti panangukomna. Dinusana ti agdindinamag nga immoral a babai a nangmulit iti daga babaen iti kinaderrepna. Dinusa ti Dios agsipud ta pinatayna dagiti adipen ti Apo.”

Paltiing 19:8

nakawesan iti nadalus ken nasileng a de lana.” (Ti de lana isu dagiti nalinteg nga aramid dagiti tattao ti Dios.)

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana:

Paltiing 4:8

Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”

Paltiing 6:10

Impukkawda, “Kangatoan nga Apo, nasantoan ken napudno! Kasano pay kabayag ti panaguraymi? Kaano ti panangukom ken panangdusam kadagiti tattao a pimmatay kadakami?”

1 Samuel 2:2

“Awan ti nasantoan a kas iti Apo; awan ti kas kenkuana; awan ti bato a kas iti Diostayo.