Paltiing 14:5 - Ti Baro a Naimbag a Damag Biblia

⁵ Pulos a saanda a nagulbod. Awan mulitda.

Ti Biblia (1973)

⁵ Ket iti ngiwatda saan a nasaracan ti ulbod; ta awan tulawda.

Paltiing 14:5 Iomraidhean Croise

Dagiti Salmo 32:2

Nagasat ti tao nga awan ti ipabasol ni Yahweh kenkuana, ket awan kinasikap a masarakan iti pusona.

Dagiti Salmo 34:13

Aywanam ta dilam kadagiti dakes a sao; ken ta bibigmo iti kinakillo.

Dagiti Salmo 55:11

Adda pannakadadael iti amin a sulina; agsaknap ti panangidadanes ken panangliput kadagiti kalsada.

Dagiti Proverbio 8:8

Pudno ti amin a sawek; awan ti natiri wenno nakillo.

Kanta ni Solomon 4:7

Naglibnoska ketdin, biagko! Imnas a naidumduma, awan pagkuranganna!

Isaias 53:9

Naitanem a naitipon kadagiti managdakdakes, naitabon iti denna dagiti babaknang, idinto a pulos nga awan dakes nga inaramidna wenno ulbod a sinaona.”

Daniel 6:4

Nagbirbirok dagiti dadduma a pangulo ken dagiti gobernador iti pangbabalawanda ken ni Daniel iti panangimatonna iti pagarian. Ngem awan ti nasarakanda a biddut wenno pakapilawanna, agsipud ta mapagtalkan ket awan ti dakes wenno nakillo nga aramidna.

Oseas 10:2

Ngem manangallilaw dagiti Israelita, ket ita, masapul nga agsagabada gapu kadagiti basbasolda. Rebbaento ti Apo dagiti altarda; dadaelennanto dagiti baton-lagip nga adigida.

Sofonias 3:13

Dinton agaramid iti dakes dagiti makalasat a tattao ti Israel. Didanton mangallilaw wenno agulbod. Narang-ay ken natalgeddanto ket awanton ti kabutengda.”

Malakias 2:6

Ti naimbag ti insuroda a saan ketdi a ti dakes. Nagbiagda a mayannatup iti pagayatak. Saan la a naimbag ti inaramidda ngem tinulonganda pay ti adu tapno isardengda ti panagbasolda.

San Mateo 12:34

Dakayo a kaputotan ti uleg, kasano ti panagsaoyo iti naimbag idinto a dakeskayo? Ta isawang ti ngiwat ti linaon ti puso.

San Lucas 23:4

Ket kinuna ni Pilato kadagiti panguloen a papadi ken kadagiti tattao, “Awan masarakak a pakaigapuan iti pannakadusa daytoy a tao.”

San Juan 1:47

Idi makita ni Jesus nga agturong ni Natanael iti ayanna, kinunana maipapan kenkuana, “Adtoy ti pudno nga Israelita. Awan kenkuana ti aniaman a kinaulbod.”

Taga-Efeso 5:27

tapno idatagna iti sangoananna met laeng: ti iglesia a kasla babai a nakapimpintas—nadalus, awan mansa wenno kuretret wenno aniaman a pakapilawanna.

Taga-Colosas 1:22

Ngem ita, babaen iti ipapatay ti Anakna, inkappianakayo kenkuana tapno agtakderkay iti sangoananna a nasantoan, nadalus ken awan pakababalawanna.

Hebreo 9:14

Ngem ad-adda pay ti pannakabalin ti dara ni Cristo! Ta babaen iti agnanayon nga Espiritu, impaayna iti Dios ti bagina a kas daton nga awan pakapilawanna. Ti darana ti mangugas kadagiti konsensiatayo kadagiti awan serserbina a panagdaydayaw tapno aramidentayo ti pagayatan ti sibibiag a Dios.

1 Pedro 1:19

Nawayawayaankayo ketdi babaen iti pannakaidaton iti napateg a dara ni Cristo a mayarig iti kordero nga awan mulit ken tulawna.

1 Pedro 2:22

Saan a nagbasol. Awan ti insawangna a kinaulbod.

1 Pedro 3:10

Kas kuna ti Nasantoan a Surat: “Siasinoman nga agtarigagay iti naragsak ken narang-ay a panagbiag, masapul a saan a mamadpadakes, saan nga agulbod.

San Judas 1:24

Madaydayaw koma ti Dios a mangaywan kadakayo tapno saankayo a matnag. Isu met ti mangidatag kadakayo a sidadalus ken siraragsak iti sangoananna. Iti maymaysa a Dios a Mangisalakan kadatayo babaen ken ni Apotayo a Jesu-Cristo, maited koma ti dayag, tan-ok, pannakabalin ken turay, manipud idi ugma, ita, ken iti agnanayon! Amen.