Paltiing 14:4 - Ti Baro a Naimbag a Damag Biblia

⁴ Isuda dagiti saan a natulawan babaen kadagiti babbai, ta nadalusda. Sumursurotda iti Kordero iti sadinoman a papananna. Isuda dagiti nasubbot iti sangkataoan ken dagiti umuna a maidaton iti Dios ken iti Kordero.

Ti Biblia (1973)

⁴ Dagitoy dagiti saan a natulawan cadagiti babbai; ta virgenda. Dagitoy dagiti sumursurot iti Cordero uray adino a papananna. Dagitoy nasubbotda cadagiti tattao, a cas da umuna a bungbunga a maipaay iti Dios ken iti Cordero.

Paltiing 14:4 Iomraidhean Croise

Dagiti Salmo 45:14

Rumimatrimat ti kawesna ket maitulod iti ayan ti ari, sarsarunoen dagiti bayabayna a babbai ket mayasidegda met iti ari.

Dagiti Salmo 74:2

Laglagipem dagiti tattaom a pinilim idi un-unana, dagiti sinubbotmo nga agbalin a kukua. Laglagipem ti Bantay Sion a taengmo.

Kanta ni Solomon 1:3

Nabanglo ti ayamuommo; no maibalikas ti naganmo kasla agaddiwara a bangbanglo. Awan ti babai a di agayat kenka.

Kanta ni Solomon 6:8

Addaan ti ari iti innem a pulo a reyna, ken walopulo a kamalala, ken babbalasang a di mabilang.

Jeremias 2:3

Israel, nailasinka nga agpaay kaniak, sika ti pinilik a kasayaatan a bunga. Pinagsagabak dagiti amin a nangranggas kenka; inyegko ti didigra kadakuada. Daytoy ti sao ni Yahweh.”

Amos 6:1

Nakabutbutengto ti pagbanaganyo, dakayo a nanam-ay ti biagna dita Sion ken dakayo a mangipagarup a natalgedkayo dita Samaria—dakayo a papangulo iti daytoy agdindinamag a pagilian ti Israel, dakayo a kamangan dagiti tattao no masapulda ti tulong!

San Mateo 19:12

Ta nadumaduma ti gapu ti saan a panagasawa dagiti lallaki. Adda di mangasawa ta nayanakda nga adda pagkurangan ti kinalalakida. Adda met dagiti di mangasawa gapu ta nakaponda, ket dagiti dadduma, gapu iti panagserbida iti Pagarian ti Langit. “Ti makatungpal iti daytoy a pannursuro, ipatungpalna koma.”

San Mateo 25:1

“Inton dumteng dayta nga aldaw, mayarigto ti Pagarian ti Langit iti kastoy: Adda idi sangapulo a babbalasang a nangala kadagiti pagsilawanda tapno mapanda sabten ti nobio.

San Mateo 8:19

Immasideg kenkuana ti maysa a maestro iti Linteg ket kinunana, “Maestro, sisasaganaak a sumurot kenka iti sadinoman a papanam.”

San Juan 10:27

Denggen dagiti karnerok ti timekko. Ammok ida, ket surotendak.

San Juan 12:26

Ti siasinoman nga agtarigagay nga agserbi kaniak, masapul a surotennak. Ta no sadino ti ayanko, addanto met sadiay ti adipenko. Ket padayawan ti Ama ti siasinoman nga agserbi kaniak.”

San Juan 13:37

“Apo, apay a diak mabalin ita ti sumurot kenka?” kinuna ni Pedro. “Sisasaganaak a matay gapu kenka!”

San Juan 8:12

Nagsao manen ni Jesus kadagiti Fariseo, “Siak ti silaw ti lubong,” kinunana. “Siasinoman a sumurot kaniak maaddaan iti silaw ti biag, ket dinto magna iti kasipngetan.”

Dagiti Aramid 20:28

Annadanyo ngarud ti bagbagiyo ken ti amin nga arban nga impaaywan ti Espiritu Santo kadakayo. Wen, aywananyo ti iglesia ti Dios a ginatangna babaen iti dara ti Anakna.

1 Taga-Corinto 16:15

Malagipyo a ni Estefanas ken ti familiana ti immuna a nagkristiano idiay Grecia. Intedda ti bagida iti panagserbi kadagiti tattao ti Dios. Yunay-unayko kadakayo, kakabsatko,

1 Taga-Corinto 6:20

Nangina ti inggatangna kadakayo. Ngarud, aramatenyo ti bagiyo a pakaidayawan ti Dios.

1 Taga-Corinto 7:28

Nupay kasta, saanka a makabasol no mangasawaka. Saan met a makabasol ti balasang no makiasawa. Ngem kayatko a liklikanyo dagiti pakabuongan-ti-ulo a dumteng iti inaldaw kadagiti naasawaan.

2 Taga-Corinto 11:2

Agimonak kadakayo, kas iti panagimon ti Dios. Mayarigkayo iti natarnaw a balasang nga intulagko a mayasawa laeng ken ni Cristo.

Taga-Efeso 1:14

Gapu ta adda kadatayo ti Espiritu ti Dios, awan duadua nga awatentayo ti inkari ti Dios kadagiti tattaona. Daytoy ti mangpatalged kadatayo nga ikkanto ti Dios iti naan-anay a wayawaya dagiti kukuana. Idaydayawtayo ti dayagna!

Taga-Efeso 5:27

tapno idatagna iti sangoananna met laeng: ti iglesia a kasla babai a nakapimpintas—nadalus, awan mansa wenno kuretret wenno aniaman a pakapilawanna.

1 Timoteo 4:3

Iparitda ti pannakiasawa ken ti pannangan iti dadduma a taraon. Ngem pinarsua ti Dios dagitoy a taraon tapno kanen dagiti mamati ken makaammo iti pudno, kalpasan ti panagkararagda iti panagyaman.

Hebreo 12:23

Immasidegkayo iti naragsak a taripnong dagiti inauna nga annak ti Dios, isuda a naisurat ti naganda sadi langit. Immasidegkayo iti Dios a mangukom iti sangkataoan ken kadagiti espiritu dagiti nalinteg a tattao a naaramid nga awan pagkuranganna.

Santiago 1:18

Iti bukodna a pagayatan, inikkannatay iti naespirituan a biag babaen iti sao ti kinapudno tapno datayo ti kangrunaan kadagiti amin a parsuana.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.

Paltiing 21:23

Saanen a masapul ti init ken ti bulan a manglawag iti siudad agsipud ta ti dayag ti Dios ti mangranraniag ket ti Kordero ti pagsilawan.

Paltiing 3:4

“Ngem ti sumagmamano kadakayo dita Sardis, pinagtalinaedyo a nadalus ti pagan-anayyo. Makipagnakayto kaniak a sikakawes iti puraw ta maikarikayo.

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,