Paltiing 14:2 - Ti Baro a Naimbag a Damag Biblia

² Manipud sadi langit, adda nangngegko a timek a kasla daranudor ti dissuor ti danum ken napigsa a gurruod. Immaweng a kasla musika nga agtaud kadagiti matoktokar nga arpa.

Ti Biblia (1973)

² Ket nangngegco ti maysa a timec a naggapu iti langit, a cas la iti daranudor dagiti adu a dandanum, ken cas iti uni ti maysa a dackel a gurruod; ket daydi timec a nangngegco cas la timec dagiti agtoctocar cadagiti arpada.

Paltiing 14:2 Iomraidhean Croise

2 Samuel 6:5

Agsalsala ken agkankanta ni David ken dagiti amin nga Israelita iti amin a kabaelanda a kas pammadayawda ken ni Yahweh. Agtoktokarda kadagiti arpa, salterio, pandereta, kastanuelas ken piangpiang.

2 Cronicas 20:28

Idi makadanonda iti siudad, nagtarusda iti Templo a nabuyogan ti uni dagiti arpa ken trumpeta.

Dagiti Salmo 147:7

Agkantakayo iti panagyaman iti Apo. Agarpakayo nga agdaydayaw iti Diostayo.

Dagiti Salmo 149:3

Agsasalakayo a mangidaydayaw kenkuana; agtambor ken agtokarkayo iti arpa.

Dagiti Salmo 33:2

Buyoganyo iti lira ti panagyamanyo; danggayanyo dagiti kantayo kadagiti arpa a sangapulot' kuerdasna.

Dagiti Salmo 43:4

Iti kasta, mapanakto, O Dios, iti altarmo; sika ti puon ti ragsakko. Agtokarak iti arpa ket agkantaak iti pagdaydayaw kenka. O Dios a Diosko!

Dagiti Salmo 57:8

Agriingka, O kararuak! Agriingkayo, salterio ken arpak ket riingek ti bannawag!

Dagiti Salmo 92:3

Nasayaat ti agkanta a danggayan ti nagkuerdas a pagtokaran, agraman ti aweng ti arpa.

Dagiti Salmo 93:4

Agturay a kangatoan ti Apo sadi langit nabilbileg ngem ti daranudor ti baybay, naturturay ngem dagiti dalluyon ti taaw.

Dagiti Salmo 98:5

Agkantakayo a mangidaydayaw iti Apo; agtokarkayo iti arpa!

Exodo 19:16

Iti agsapa iti maikatlo nga aldaw, naggurruod ken nagkimat iti bantay. Nagparang ti napuskol nga ulep. Immaweng ti nakapigpigsa nga uni ti trumpeta. Nagpigerger dagiti amin a tattao iti kampo gapu iti buteng.

Exodo 20:18

Idi mangngeg dagiti tattao ti gurruod ken ti tangguyob, idi makitada ti kimat ken ti umas-asuk a bantay, nagpigergerda iti buteng ket immadayoda.

Isaias 17:13

Agdadarison a sumungad dagiti pagilian a kas kadagiti aglulumba a dalluyon, ngem ungtan ida ti Dios ket agsanudda. Kasda la mayangin a tapok iti bakras ti bantay, kas iti garami nga itayab ti alipugpog.

Ezekiel 43:2

Sadiay, nakitak ti idadateng ti dayag ti Dios ti Israel manipud iti daya. Kasla daranudor ti dalluyon ti baybay ti timek ti Dios, ket nagraniag ti daga iti makapurar a lawag.

Zacarias 9:14

Agparangto ti Apo iti ngatoen dagiti tattaona; kaslanto kimat nga ibiatna dagiti panana. Paguniento ni Apo Dios ti trumpeta, magnanto a maikuyog iti bagio nga aggapu iti abagatan.

1 Taga-Corinto 13:1

Uray no makasaoak kadagiti pagsasao dagiti tattao wenno dagiti angheles, ngem no awan ayatko, awan serserbi ti panagsaritak ket awan dumak iti makatitileng nga aweng ti gansa wenno naringgor nga uni ti piangpiang.

Paltiing 1:10

Iti aldaw ti Apo, addaak iti pannakabalin ti Espiritu ket nangngegko iti likudak ti maysa a napigsa a timek a kasla uni ti trumpeta.

Paltiing 1:15

Agranraniag dagiti sakana a kasla napasileng a gambang a naglasat iti apuy. Ket ti timekna kasla daranudor ti agdissuor a danum.

Paltiing 11:12

Kalpasanna, nangngeg dagiti dua a profeta ti maysa a napigsa a timek a naggapu sadi langit. “Umulikayo ditoy!” kinunana kadakuada. Ket bayat ti panangkita kadakuada dagiti kabusorda, naipangatoda sadi langit babaen iti maysa nga ulep.

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 15:2

Ket nakitak ti kasla taaw a kristal a gumilgil-ayab. Nakitak pay dagiti nangparmek iti narungsot nga animal ken iti ladawanna, agraman iti animal a numero ti kaibatogan ti naganna. Agtatakderda iti igid ti taaw a kristal; ig-iggamanda dagiti arpa nga inted ti Dios kadakuada.

Paltiing 18:22

Saanton a mangngeg iti siudadmo ti tokar dagiti umaarpa ken musiko, dagiti agpuypuyot iti fluta ken trumpeta. Awanton ti masarakan kenka a managpartuat. Saanton nga aguni dagiti gilingan!

Paltiing 5:8

Bayat ti panangalana, nagruknoy dagiti uppat a sibibiag a parsua ken dagiti duapulo ket uppat a panglakayen iti sangoanan ti Kordero. Adda arpa ti tunggal maysa ken balitok a malukong a napno iti insenso nga isu dagiti karkararag dagiti tattao ti Dios.

Paltiing 6:1

Kalpasanna, nakitak nga inikkat ti Kordero ti umuna kadagiti pito a timbre ket nangngegko ti napigsa a timek a kas iti gurruod ti maysa kadagiti uppat a sibibiag a parsua a kunana, “Umayka!”

Paltiing 8:7

Pinuyot ti umuna nga anghel ti trumpetana. Nagtudo iti yelo ken apuy a nalaokan iti dara. Napuoran ti apagkatlo a paset ti daga, ti apagkatlo dagiti amin a kaykayo ken dagiti amin a nalangto a ruot.