Paltiing 14:13 - Ti Baro a Naimbag a Damag Biblia

¹³ Kalpasanna, nakangngegak iti timek a naggapu sadi langit. Kinunana kaniak, “Isuratmo daytoy: Manipud ita, nagasat dagiti matay iti panagserbida iti Apo.” “Wen, nagasat,” kuna ti Espiritu. “Makainanadan kalpasan ti nadagsen a trabahoda ta kumuykuyog kadakuada ti bunga ti panagserbida.”

Ti Biblia (1973)

¹³ Ket nangngegco ti maysa a timec a naggapu iti langit nga agcuncuna caniac: Isuratmo: Nagasat dagiti natay a matay iti Apo, manipud ita nga agnanayon: Wen, cuna ti Espiritu; tapno aginanada cadagiti banbannogda, ta dagiti aramidda sumursurotda cadacuada.

Paltiing 14:13 Iomraidhean Croise

Dagiti Salmo 19:11

Isuda ti mamagbaga kaniak nga adipenmo; no tungpalek ida, magunggonaanakto.

Dagiti Salmo 85:13

Magnanto ti kinalinteg iti sangoanan ti Apo ket isaganana ti dalan a pagnaanna.

Isaias 35:10

Naragsakdanto a dumanon idiay Jerusalem; agkankanta ken agpukpukkawdanto gapu iti ragsakda. Naragsakdanto iti awan inggana, agnanayonto nga awan ti leddaang ken ladingitda.

Daniel 12:13

“Ngem sika, Daniel, agtalinaedka a napudno agingga iti panungpalan. Mataykanto, ngem agungarkanto tapno awatem ti gunggonam iti maudi nga aldaw.”

San Mateo 3:17

Ket kinuna ti maysa a timek a naggapu sadi langit, “Daytoy ti dungdungngoek nga Anak a pakaragsakak unay.”

San Lucas 16:25

“Ngem kinuna ni Abraham, ‘Anakko, laglagipem a kabayatan ti panagbiagmo, naited kenka ti amin nga agkakaimbag a banag idinto a naglak-am ni Lazaro iti rigat. Itan, adda ditoy a maliwliwa ket addaka dita a matutuok.

San Lucas 16:9

Kinuna pay ni Jesus, “Ibagak ngarud kadakayo, pakigayyemyo dagiti naindagaan a sanikuayo tapno inton maibusankayo, maawatkayto iti agnanayon a pagtaengan.

Taga-Roma 14:8

No agbiagtayo, agbiagtayo a maipaay iti Apo, ket no mataytayo, mataytayo a maipaay iti Apo. Ngarud, agbiagtay man wenno mataytayo, kukuanatayo ti Apo.

1 Taga-Corinto 15:18

Kaipapananna pay a sawen a napukawen dagiti natay a nagtalinaed iti pammatida ken ni Cristo.

1 Taga-Corinto 15:20

Ngem iti kinapudnona, napagungar ni Cristo kas umuna a bunga ken pammatalged a mapagungarto met dagiti matmaturog iti tanem.

1 Taga-Corinto 15:58

Ngarud, patpatgek a kakabsat, agtalinaedkayo a natibker ken di magaraw. Kanayon a sangoenyo ti trabahoyo a maipaay iti Apo, ta ammoyo nga adda bunga ti amin nga aramidenyo iti panagserbi iti Apo.

2 Taga-Corinto 5:8

Natalgedkam unay ket adayo a kaykayatmi ti pumanaw iti balaymi tapno makipagnaedkami iti Apo.

Taga-Filipos 2:17

Agragsakak uray no masapul a maibuyat ti darak a mainayon iti sakrifisio nga idaton ti pammatiyo iti Dios.

1 Taga-Tesalonica 4:14

Mamatitayo a natay ni Jesus ngem nagungar met laeng. Isut' gapuna a patientayo nga alaento ti Dios dagiti natay a nagtalinaed iti pammati tapno makipagyanda ken ni Jesus.

1 Taga-Tesalonica 4:16

Bumabanto ti Apo manipud langit ket mangngegto dagiti tattao ti maipukkaw a bilin, ti timek ti pangulo dagiti angheles, ken ti trumpeta ti Dios. Umunanto nga agungar dagiti natay a nagtalinaed iti pammati ken ni Cristo.

1 Taga-Tesalonica 5:10

a natay gapu kadatayo tapno makipagbiagtayo kenkuana, sibibiagtayo man wenno nataytayton inton umay.

1 Timoteo 5:24

Adda dagiti tattao a nalawag a makita dagiti basbasolda sakbay ti pannakaukomda. Adda met dagiti basbasol ti dadduma a makita laeng iti ud-udina.

1 Timoteo 5:25

Kasta met a nalawag a makita dagiti naimbag nga aramid, ngem uray no saanda a makita ita, saanda a mailemmeng iti agnanayon.

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 10:4

Idi malpas ti dulluog, agsuratak koman, ngem nangngegko ti maysa a timek a naggapu sadi langit. “Ilimedmo ti imbaga dagiti pito a gurruod,” kinunana. “Dimo isurat.”

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 11:19

Nalukatan ti templo ti Dios sadi langit, ket nakitak ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Paltiing 16:17

Kalpasanna, imbuyat ti maikapito nga anghel ti malukongna iti angin. Adda napigsa a timek a naggapu iti trono iti templo. “Nalpasen!” kinunana.

Paltiing 19:9

Ket kinuna ti anghel kaniak, “Isuratmo daytoy: Nagasat dagiti naawis iti pannakarambak ti kasar ti Kordero.” Innayonna, “Pudno a sao ti Dios dagitoy.”

Paltiing 2:1

“Kastoy ti isuratmo iti anghel ti iglesia idiay Efeso: “Daytoy ti mensahe nga aggapu iti mangig-iggem kadagiti pito a bituen iti makannawan nga imana ken agpagnapagna iti nagbabaetan dagiti pito a pagsilawan a balitok:

Paltiing 2:7

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, ikkakto iti kalintegan a mangan iti bunga ti kayo ti biag nga adda iti minuyongan ti Dios.”

Paltiing 20:6

Nagasat ken nasantoan dagiti mairaman iti umuna a pannakapagungar. Awan pannakabalin ti maikadua nga ipapatay kadakuada. Agbalindanto a papadi ti Dios ken ni Cristo, ket makipagturaydanto kenkuana iti 1,000 a tawen.

Paltiing 21:5

Kinuna ti nakatugaw iti trono, “Pabaroekon ti amin a banag!” Kinunana pay kaniak, “Isuratmo daytoy: Mapangnamnamaan ken pudno dagitoy a sao.”

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.

Paltiing 6:11

Naikkan ti tunggal maysa iti puraw a kagay. Naibaga kadakuada nga aginanada pay bassit agingga a madanon ti naikeddeng a bilang dagiti padada nga adipen ken kakabsat a mapapatay a kas kadakuada.