Paltiing 14:11 - Ti Baro a Naimbag a Damag Biblia

¹¹ Agnanayon nga awan inggana ti panagpangato ti apuy a mangparparigat kadakuada. Aldaw ken rabii nga awan inana dagiti nagdaydayaw iti narungsot nga animal ken iti ladawanna, ken dagiti namarkaan iti naganna.”

Ti Biblia (1973)

¹¹ Ket ti asuc ti tutuocda agpangpangato iti agnanayon; ket awan ti panaginanada iti aldaw ken rabii dagiti agrucbab iti animal ken iti ladawanna ken uray siasino nga umawat iti marca ti naganna.

Paltiing 14:11 Iomraidhean Croise

Genesis 19:28

Manipud sadiay, tinannawaganna ti Sodoma ken Gomorra ken ti entero a tanap. Nakitana ti agpangpangato a napuskol nga asuk a kasla naggapu iti dakkel nga urno.

Dagiti Salmo 10:16

Ni Yahweh isu ti ari nga awan inggana; mapukawto dagiti agdaydayaw kadagiti didiosen iti dagana.

Dagiti Salmo 145:1

O Diosko ken Arik, ipakaammok a naindaklanka; agyamanak kenka iti agnanayon awan inggana.

Exodo 15:18

Agari ti Apo iti agnanayon nga awan inggana.”

Isaias 33:14

Agtigtigerger iti buteng dagiti managbasol a tattao ti Sion. Kunada, “Kasla apuy a sumsumged nga agnanayon ti panangukom ti Dios. Adda kadi makalasat kadatayo iti kasta nga apuy?”

Isaias 34:10

Sumgedto iti aldaw ken rabii, ket agnanayonto nga agas-asuk. Aglangalangto ti daga iti amin a tiempo, ket awanton a pulos ti magna iti rabawna.

Isaias 34:8

Daytoyto ti tiempo a panangispal ti Apo iti Sion, ta balsennanto dagiti kabusor ti Sion.

Isaias 57:20

Ngem mayarig dagiti managdakdakes iti nadawel a taaw a di agsardeng ti panagdalluyonna, ket mangyeg iti rugit ken pitak.

Daniel 3:6

No adda saan nga agpakleb ken di agdaydayaw, maitappuakto a dagus iti gumilgil-ayab nga urno.”

Joel 2:30

“Iti dayta nga aldaw, agipakitaakto kadagiti ballaag iti tangatang ken ditoy daga. Addanto pannakaibuyat ti dara, addanto apuy ken asimbuyok.

San Mateo 11:28

“Umaykayo kaniak, dakayo amin a nabannog ken madagdagsenan, ket paginanaenkayo.

San Mateo 25:41

“Kunananto kadagiti adda iti makannigidna: ‘Umadayokayo kaniak, dakayo nga inlunod ti Dios! Inkayo iti agnanayon nga apuy a naisagana iti Diablo ken kadagiti anghelesna.

San Mateo 25:46

Ngarud, dagitoyto ti mapan iti agnanayon a pannakadusa. Ngem mapanto dagiti nalinteg iti agnanayon a biag.”

Deuteronomio 28:65

Awanto ti masarakanyo a talna iti sadinoman a lugar. Awanto ti disso a makunayo a kukuayo. Madandanagankayto. Kanayonkayto a masikoran ket maawanankayto iti namnama.

Hebreo 1:8

Ngem no maipapan iti Anak, kunana daytoy: “Ti tronom, O Dios, agnanayon nga awan patinggana! Agturayka a sililinteg iti pagariam.

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 13:12

Inaramatna ti amin a turay ti immuna a narungsot nga animal. Pinilitna ti daga ken dagiti amin nga agnanaed ditoy nga agdaydayawda iti umuna a narungsot nga animal a naimbaganen ti sugat a dandanina impatay.

Paltiing 13:15

Napalubosan ti maikadua a narungsot nga animal a mangted biag iti ladawan ti immuna, tapno makasao ti ladawan ken mabalinna a patayen dagiti amin a saan nga agdaydayaw kenkuana.

Paltiing 13:17

Awan ti makapaglako wenno makapaggatang no saan naimarka kenkuana ti nagan ti animal wenno ti numero a kaibatogan ti naganna.

Paltiing 14:9

Simmaruno ti maikatlo nga anghel a nangipukkaw, “Dagiti agdaydayaw iti narungsot nga animal ken iti ladawanna, ken umawat iti marka iti muging wenno imana,

Paltiing 18:18

Agsangsangitda a mangbuybuya iti asuk ti maur-uram a siudad. “Awan umasping iti kinalatak dayta a siudad!” kinunada.

Paltiing 18:9

Mapuoranto ti siudad ket agdung-aw ken agsasangitto dagiti ar-ari a nakikamalala ken nakiraman iti kinaderrepna inton makitada ti asuk ti apuy a mangikisap kenkuana.

Paltiing 19:3

Kinunada pay iti napigsa a timek: “Madaydayaw ti Dios! Agpangato iti agnanayon nga awan inggana ti asuk ti mapupuoran nga agdindinamag a siudad!”

Paltiing 20:10

Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.

Paltiing 22:5

Awan ti rabii sadiay ket didanto masapul ti pagsilawan wenno ti lawag ti init agsipud ta ni Apo Dios ti silawdanto ket agaridanto iti agnanayon nga awan inggana.

Paltiing 7:12

Kinunada, “Amen! Dayaw, dayag, sirib, panagyaman, tan-ok, pannakabalin ken bileg ti maipaay iti Diostayo iti agnanayon nga awan inggana! Amen!”