Paltiing 14:10 - Ti Baro a Naimbag a Damag Biblia

¹⁰ inumendanto a mismo ti arak ti napalalo a pungtot ti Dios, ti arak nga imbukbokna nga awan lalaokna iti kopa ti pungtotna! Matutuokdanto iti apuy ken asufre iti sangoanan dagiti nasantoan nga angheles ken ti Kordero.

Ti Biblia (1973)

¹⁰ Isu met uminumto iti arac ti pungtot ti Dios, nga adda a naisagana nga awan aniaman a lalaocna iti copa ti pungtotna; ket matuocto iti apuy ken azufre, iti imatang dagiti santo nga angelna, ken iti imatang ti Cordero:

Paltiing 14:10 Iomraidhean Croise

Genesis 19:24

Pagammoan, pinagtudo ni Yahweh iti apuy ken asufre kadagiti siudad ti Sodoma ken Gomorra.

Ti Libro ni Job 18:15

Ita, mabalinen ti agnaed iti balayna; nawarakiwakanen iti asufre a pangdalus iti taengna.

Ti Libro ni Job 21:20

Rumbeng a sagabaen dagiti nagbasol ti mismo a dusada; ti pungtot ti Dios a Mannakabalin-amin masapul a riknaenda.

Dagiti Salmo 11:6

Kadagiti managdakdakes, dumardarang a beggang ken sumsumged nga asufre ti idissuorna; makasinit nga angin ti pangdusana kadakuada.

Dagiti Salmo 37:34

Mangnamnamaka iti Apo ket tungpalem dagiti bilbilinna. Padayawannakanto babaen iti pannangtedna iti daga, ket makitamto ti pannakapaksiat ti managdakdakes.

Dagiti Salmo 52:6

Makitanto dagiti nalinteg ket agbutengdanto; ngem katawaandakanto a kunkunada,

Dagiti Salmo 60:3

Pinagsagabam dagiti tattaom iti kasta unay a rigat; inikkannakam iti makabartek nga arak.

Dagiti Salmo 73:10

Uray dagiti tattao ti Dios sumurotda kadakuada, ket sigagagarda a mamati iti amin a saoda.

Dagiti Salmo 75:8

Adda kopa nga iggem ni Yahweh; napno iti naingel nga arak ti pungtotna. Ibukbokna daytoy ket inumen dagiti managdakdakes, inumenda agingga iti aridaedna.

Dagiti Salmo 91:8

Maimatangamto no kasano ti pannakadusa dagiti managdakdakes a tattao.

Isaias 29:9

Ala, itultuloyyo latta ti kinamaagyo! Ala, itultuloyyo ti panagimbubulsekyo! Agbartekkayo uray awan ti nainumyo nga arak! Agbasingbasingkayo uray pulos nga awan ti arak a natilmonyo!

Isaias 30:33

Idi un-unana, addan naisagana a lugar a pakapuoran iti ari ti Asiria. Nauneg ken nalawa daytoy a disso a nakatuontuonan ti adu a kayo. Ket arigto iti gumilgil-ayab nga asufre ti anges ti Apo a mangpasged kadagiti kayo.

Isaias 34:9

Agbalinto nga alketran dagiti karayan ti Edom, ket agbalinto nga asufre ti daga. Sumgedto a kas alketran ti entero a pagilian.

Isaias 51:17

Jerusalem, agriingka! Agmurmurayka ket bumangonka! Ininummo ti kopa ti pannakadusa nga impainum ti Apo kenka gapu iti pungtotna; inarub-obmo ket nagbasingbasingka!

Jeremias 25:27

Kalpasanna, kinuna ti Apo kaniak, “Ibagam kadagiti tattao a siak, ni Yahweh a Mannakabalin-amin a Dios ti Israel, ti mangibilin nga uminumda agingga a mabartek ken agsaruada ket matuangda. Saandan a makabangon gapu iti gubat a yegko kadakuada.

Jeremias 49:12

“No uminum iti kopa ti pannakadusa dagiti saan a rumbeng a madusa, dakayto la ketdin? Dusaenkayto a dusaen. Masapul nga uminumkayo iti kopa ti pannakadusa!

Jeremias 51:57

Bartekekto dagiti agtuturay ken dagiti mamasiribna, dagiti papangulo ken dagiti soldadona. Maturogdanto ket didanton makariing. Daytoy ti saok nga ari, siak, ni Yahweh a Mannakabalin-amin.

Dungdung-aw 4:21

Agkatawakayo latta, tattao ti Edom ken Uz; agragsakkayo ita ta adda pay panawenyo. Umayto met ti pannakadidigrayo. Agbasingbasingkayonto iti bartekyo. Maibabain gapu ta lamolamokayo.

Ezekiel 20:48

Makitanto ti amin a tao a siak nga Apo ti nanguram, ket awanto ti makaiddep.’”

Ezekiel 38:22

Dusaekto babaen iti angol ken gubat. Idissuorkonto kenkuana ti bumayakabak a tudo, uraro, apuy ken asufre, kasta met iti armadana ken iti adu a nasion a kakaduana.

Habakuk 2:16

Maibabainkanto iti kasta unay imbes a maidaydayawka. Mabartek ken agibar-ibarkanto met. Ipainumto kenka ti Apo ti bukodmo a kopa ti pannakadusa, ket agsagabakanto iti pannakaibabain.

San Mateo 20:22

“Diyo ammo ti dawdawatenyo,” kinuna ni Jesus kadagiti agkabsat. “Kabaelanyo kadi ti uminum iti kopa a paginumak?” “Wen, kabaelanmi,” insungbatda.

San Mateo 25:41

“Kunananto kadagiti adda iti makannigidna: ‘Umadayokayo kaniak, dakayo nga inlunod ti Dios! Inkayo iti agnanayon nga apuy a naisagana iti Diablo ken kadagiti anghelesna.

San Mateo 26:39

Immadayo bassit sa nagpakleb iti daga ket nagkararag: “Ama, no mabalin, ilisinak iti daytoy a kopa ti panagsagaba. Nupay kasta, saan a ti pagayatak ti maaramid no di ket ti pagayatam.”

San Marcos 8:38

Ngarud, ti mangibain kaniak ken dagiti saok iti daytoy managbasol ken awanan pammati a kaputotan, ibainto met ti Anak ti Tao inton umay iti dayag ni Amana a kuyogen dagiti nasantoan nga angheles.”

Dagiti Aramid 10:22

Insungbatda, “Imbaonnakami ni kapitan Cornelio, maysa a tao a nalinteg, managdaydayaw iti Dios ken raraemen dagiti amin a Judio. Binilin ti anghel ti Dios nga awisennaka nga umay iti balayna tapno denggenna ti aniaman nga ibagam.”

Deuteronomio 29:23

Awanto ti serserbi ti daga ta makumotanto iti asufre ken asin. Awanto ti maimula ket uray ruruot dinto agtubo sadiay. Maipadanto ti dagayo kadagiti ili ti Sodoma ken Gomorra, Adma ken Seboim a dinadael ti Dios idi kasta unay ti pungtotna.

2 Taga-Tesalonica 1:7

Pagin-awaennakayto nga agsagsagaba, ket kastanto met kadakami. Aramidennanto daytoy inton agparang ni Apo Jesus nga aggapu sadi langit, a kaduana dagiti mannakabalin nga anghelesna.

San Judas 1:7

Laglagipenyo ti Sodoma ken Gomorra ken dagiti kabangibang nga il-ili. Nagbasolda iti pannakikamalala ken kinaderrep ket sagsagabaenda ti dusa iti agnanayon nga apuy. Daytoy ti pakaballaagantayo amin.

Paltiing 15:7

Maysa kadagiti uppat a sibibiag a parsua ti nangted kadagiti pito nga angheles iti pito a malukong a balitok. Napno dagitoy iti napalalo a pungtot ti Dios a sibibiag iti agnanayon nga awan inggana.

Paltiing 16:19

Nadadael a nagkatlo ti dakkel a siudad, ket narba dagiti siudad iti amin a pagilian. Saan a nakalisi ti agdindinamag a Babilonia iti pannusa ti Dios; impainumna kenkuana ti arak iti kopana—ti arak ti nakaam-amak a pungtotna.

Paltiing 18:3

Ta pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”

Paltiing 18:6

Ipalak-amyo kenkuana ti inaramidna kadakayo. Ibalesyo iti mamindua ti impaayna. Punnoenyo ti kopana iti inumen a napapait ngem ti insaganana kadakayo.

Paltiing 19:15

Manipud iti ngiwatna, rimmuar ti maysa a natadem a kampilan a pangparmekna kadagiti pagilian. Iturayannanto ida babaen iti baston a landok, ket manipud iti pagpespesan iti ubas, pagayusennanto ti arak ti napalalo a pungtot ti Mannakabalin-amin a Dios.

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

Paltiing 20:10

Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.

Paltiing 20:14

Kalpasanna, naitappuak ni Patay ken ti Hades iti dan-aw ti apuy. (Daytoy a dan-aw ti apuy ti maikadua nga ipapatay.)

Paltiing 21:8

Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”