Paltiing 13:8 - Ti Baro a Naimbag a Damag Biblia

⁸ Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Ti Biblia (1973)

⁸ Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Paltiing 13:8 Iomraidhean Croise

Genesis 22:7

kinuna ni Isaac, “Tatang.” “Apay, anakko?” insungbat ni Abraham. Sinaludsod ni Isaac, “Makitak nga adda dagiti beggang ken kayo, ngem ayanna ti maidaton nga urbon a karnero?”

Dagiti Salmo 69:28

Iti libro dagiti sibibiag mapunas koma ti naganda; iti listaan dagiti tattaom, mailaksidda koma.

Exodo 32:32

Ipakpakaasik a pakawanem koma ida. No dimo pakawanen ida, pangngaasim ta ikkatem ti naganko iti libro a nangisuratam kadagiti nagan dagiti tattaom.”

Isaias 4:3

Maawaganto iti nasantoan dagiti amin a nabati idiay Jerusalem, dagiti pinili ti Dios a makalasat.

Daniel 12:1

Intuloy ti anghel ti nagsao: “Iti dayta a tiempo, agparangto ni Miguel, ti naindaklan nga anghel a mangaywan kadagiti kailiam. Kalpasanna, tumaudto ti riribuk a di pay napasamak manipud pannakaipasdek dagiti nasion. Inton dumteng dayta a tiempo, maisalakanto dagiti amin a kailiam a nailanad ti naganda iti libro ti Dios.

San Mateo 25:34

Kalpasanna, kunanto ti Ari kadagiti tattao iti makannawanna: ‘Umaykayo, dakayo a binendisionan ni Amak! Awatenyo ti pagarian a naisagana para kadakayo manipud pannakaparsua ti lubong.

San Lucas 10:20

Ngem saankayo koma nga agragsak gapu ta agtulnog dagiti dakes nga espiritu kadakayo. Agragsakkayo ketdi ta naisurat dagiti nagnaganyo sadi langit.”

San Juan 1:29

Iti sumuno nga aldaw, nakita ni Juan nga agturong ni Jesus iti yanna. “Daytoy ti Kordero ti Dios a mangikkat iti basol ti lubong!” kinuna ni Juan.

Taga-Efeso 1:4

Sakbay ti pannakaparsua ti lubong, pinilinatayon ti Dios nga agbalin a kukuana babaen ken ni Cristo, tapno nasantoan ken awan pakababalawantay iti imatangna. Gapu iti ayatna,

Taga-Filipos 4:3

Kasta met kenka a mapagtalkan a katulongak, kayatko a tulongam dagitoy dua a babbai. Impasnekda ti timmulong kaniak iti pannakaisaknap ti ebanghelio, agraman ni Clemente ken dagiti amin a katrabahoak a nailanad ti naganda iti libro ti biag.

Paltiing 12:15

Gapu iti daytoy, nangipugso ti uleg iti danum a nagbalin a kasla karayan tapno mayanud ti babai.

Paltiing 13:12

Inaramatna ti amin a turay ti immuna a narungsot nga animal. Pinilitna ti daga ken dagiti amin nga agnanaed ditoy nga agdaydayawda iti umuna a narungsot nga animal a naimbaganen ti sugat a dandanina impatay.

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 21:27

Ngem saanto a makastrek sadiay ti uray ania a saan a nadalus iti imatang ti Dios, ti siasinoman nga agar-aramid iti nakababain ken dagiti naulbod. Dagitinto laeng naisurat ti naganna iti libro ti biag nga adda iti ikut ti Kordero ti makastrek iti siudad.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Paltiing 3:20

Denggem, addaak nga agtatakder iti ruar ket agtuktuktokak iti ruangan. No adda makangngeg iti timekko ket luktanna ti ruangan, sumrekakto iti balayna ket agkalanglangkamto a mangan.

Paltiing 3:5

Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.

Paltiing 5:12

ket inkantada iti napigsa: “Maikari ti napapatay a Kordero, Wen, maikari nga umawat iti pannakabalin, kinabaknang, kinasirib ken kinapigsa, Dayaw, dayag ken pannakaitan-ok!”

Paltiing 5:13

Ket nangngegko nga agkankanta dagiti amin a parsua sadi langit, dagiti adda ditoy daga, dagiti adda iti uneg ti daga, dagiti adda iti taaw—amin a parsua iti entero a lubong: “Iti situtugaw iti trono ken iti Kordero, Maited koma ti tan-ok ken dayaw, dayag ken pannakabalin Iti agnanayon nga awan inggana!”

Paltiing 6:1

Kalpasanna, nakitak nga inikkat ti Kordero ti umuna kadagiti pito a timbre ket nangngegko ti napigsa a timek a kas iti gurruod ti maysa kadagiti uppat a sibibiag a parsua a kunana, “Umayka!”