Paltiing 13:7 - Ti Baro a Naimbag a Damag Biblia

⁷ Napalubosan a manggubat ken mangparmek kadagiti tattao ti Dios, ket naikkan iti kalintegan a mangituray kadagiti tattao iti amin a tribu, pagilian, pagsasao ken puli.

Ti Biblia (1973)

⁷ Ket naipalubos kencuana ti pananggubatna cadagiti sasanto, ken mangabac cadacuada: ket naited kencuana ti panagturay iti isu-amin a capututan, ken ili, pagsasao, ken pagpagarian.

Paltiing 13:7 Iomraidhean Croise

Exodo 9:16

Ngem saanko nga inaramid ti kasta tapno ipakitak kadakuada ti pannakabalinko tapno agsaknap ti kinalatakko iti entero a daga.

Isaias 10:15

Ngem kuna ti Apo, “Mabalin kadi nga ibaga ti wasay a natantan-ok ngem iti agwasay? Napatpateg kadi ti ragadi ngem ti agragadi? Saan a ti pang-or ti mangiggem iti tao. Ti tao ti mangiggem iti pang-or.”

Isaias 37:26

“Dimo aya nadamag a nabayagen a naplanok dagitoy? Ita, tinungpalkon. Intedko kenka ti pannakabalin a mangdadael kadagiti nasarikedkedan a siudad agingga a nagbalinda a gabgabsuon dagiti maburburak a batbato.

Jeremias 25:9

‘Paayabakto dagiti amin a tattao iti amianan agraman ni adipenko a Nebucadnesar nga ari ti Babilonia. Ibaonkonto ida a manggubat iti daytoy a nasion, kadagiti nagnaed kenkuana ken kadagiti amin a nasion a kabangibangna. Pukawekto ida a mamimpinsan. Agnanayonto nga aglangalang ti dagada ket agbalindanto a pagsidsiddaawan ken pagbutbutngan. Siak, ni Yahweh, ti nagsao iti daytoy.

Daniel 12:1

Intuloy ti anghel ti nagsao: “Iti dayta a tiempo, agparangto ni Miguel, ti naindaklan nga anghel a mangaywan kadagiti kailiam. Kalpasanna, tumaudto ti riribuk a di pay napasamak manipud pannakaipasdek dagiti nasion. Inton dumteng dayta a tiempo, maisalakanto dagiti amin a kailiam a nailanad ti naganda iti libro ti Dios.

Daniel 7:21

Bayat ti panagbuybuyak, ginubat dayta a sara dagiti tattao ti Dios agingga a naparmekda.

Daniel 7:25

Agsaonto iti maibusor iti Kangatoan a Dios, ket idadanesnanto dagiti tattao ti Dios. Kayatnanto a baliwan dagiti linteg ken dagiti panawen. Tallonto ket kagudua a tawen nga iturayanna dagiti tattao ti Dios.

San Lucas 4:6

“Itedkonto kenka amin dagitoy a pannakabalin ken dagitoy a kinabaknang,” kinuna ti Diablo. “Nayawatda amin kaniak ket mabalinko nga ited iti siasinoman a kayatko a pangtedan.

San Juan 19:11

“Awan koma ti pannakabalinmo kaniak no saan nga inted kenka ti Dios,” insungbat ni Jesus. “Isut' gapuna a nakarkaro ti basol ti tao a nangyawat kaniak.”

Paltiing 10:11

Ket naibaga kaniak, “Masapul nga ipakaammom manen ti mensahe ti Dios maipapan kadagiti tattao iti adu a pagilian, puli, pagsasao ken ar-ari.”

Paltiing 11:18

Nakaunget dagiti pagano, Ta dimtengen ti tiempo ti pungtotmo, Ken ti pannakaukom dagiti natay. Tiempon a gunggonaam dagiti profeta nga adipenmo, Kadagiti amin a tattaom, ken amin nga agbuteng kenka, Natan-ok man ken nanumo, Tiempon a dadaelem dagiti nangparigat iti daga!”

Paltiing 11:7

Inton maipakaammo dagiti dua a saksi ti mensaheda, rummuarto ti narungsot nga animal iti nakaun-uneg a yuyeng tapno gubatenna ida. Parmeken ken papatayennanto ida.

Paltiing 12:17

Gapu iti pungtot ti dragon, napanna ginubat dagiti nabati nga annak ti babai, dagiti amin nga agtungtungpal kadagiti bilbilin ti Dios ken mangsaksaksi iti pudno nga impaltiing ni Jesus.

Paltiing 17:15

Kinuna pay ti anghel kaniak: “Dagiti nakitam a danum a pagtugtugawan ti immoral a babai, isuda dagiti adu a tattao iti amin a puli ken pagilian.

Paltiing 5:9

Kinantada ti maysa a baro a kanta: “Maikarika a mangala iti nalukot a pagbasaan Ken mangikkat kadagiti timbre. Ta napapatayka ket babaen iti ipapataymo, sinubbotmo dagiti tattao a maipaay iti Dios, Manipud iti tunggal tribu, pagsasao, nasion ken puli,