Paltiing 13:6 - Ti Baro a Naimbag a Damag Biblia

⁶ Rinugianna ti agsao iti maibusor iti Dios, iti nagan ti Dios, iti balay ti Dios ken amin nga agnaed sadi langit.

Ti Biblia (1973)

⁶ Ket naglucat daydi ngiwatna tapno tabbaawanna ti Dios, tapno tabbaawanna ti naganna ken ti tabernaculona, ken cadagiti agnaed sadi langit.

Paltiing 13:6 Iomraidhean Croise

Ti Libro ni Job 3:1

Kalpasan ti nabayag nga ulimek, nagsao ni Job ket inlunodna ti aldaw a pannakayanakna.

Dagiti Salmo 73:9

Padpadaksenda ti Dios sadi langit; ditoy daga, agbilinda a sitatangsit.

Daniel 11:36

“Aramidento ti ari ti Siria ti kaykayatna. Ipasindayagnanto a natantan-ok ngem iti uray ania a didiosen ket itangsitnanto a nabilbileg ngem ti Kangatoan a Dios. Maaramidnanto daytoy agingga iti tiempo a panangdusa ti Dios kenkuana. Aramidento ti Dios dagiti inkeddengna nga aramiden.

Daniel 7:25

Agsaonto iti maibusor iti Kangatoan a Dios, ket idadanesnanto dagiti tattao ti Dios. Kayatnanto a baliwan dagiti linteg ken dagiti panawen. Tallonto ket kagudua a tawen nga iturayanna dagiti tattao ti Dios.

Daniel 7:8

Idi buybuyaek dagiti sarana, nagtubo a kellaat ti maysa a bassit a sara iti nagbabaetanda. Pinarutna ti tallo kadagiti sara a sigud nga adda sadiay. Adda mata ti tao iti sara ket adda ngiwatna nga agsasao a napalangguad.

San Mateo 12:34

Dakayo a kaputotan ti uleg, kasano ti panagsaoyo iti naimbag idinto a dakeskayo? Ta isawang ti ngiwat ti linaon ti puso.

San Mateo 15:19

Ta ti puso ti pagtaudan dagiti dakes a pampanunot a mangiturong kenkuana a pumatay, makikamalala, agderrep, agtakaw, agulbod ken mamadpadakes.

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

Taga-Roma 3:13

Kasla tanem a silulukat ti ngiwatda, agkakadakes a kinaulbod ti baliksen dagiti dilada. Makapatay a sao, kasla gita ti uleg ti yebkas dagiti bibigda.

Taga-Colosas 1:19

Ta inkeddeng ti Dios nga agtaeng ti naan-anay a galadna iti Anak.

Taga-Colosas 2:9

Ngamin, agtaeng ken Cristo a kas tao ti amin a galad ti Dios,

Hebreo 9:2

Nabangon ti maysa a tabernakulo, daydi akinruar, a maaw-awagan iti Nasantoan a Disso. Ditoy ti ayan ti kandelero, ken ti lamisaan nga ayan ti tinapay a naidaton iti Dios.

Hebreo 9:24

Ta saan a simrek ni Cristo iti Nasantoan a Disso nga aramid ti tao ken ladawan laeng ti napaypayso a disso. Simrek ketdi sadi langit a yanna ita iti sangoanan ti Dios gapu kadatayo.

Paltiing 11:12

Kalpasanna, nangngeg dagiti dua a profeta ti maysa a napigsa a timek a naggapu sadi langit. “Umulikayo ditoy!” kinunana kadakuada. Ket bayat ti panangkita kadakuada dagiti kabusorda, naipangatoda sadi langit babaen iti maysa nga ulep.

Paltiing 12:12

Agragsakkayo ngarud, dakayo nga agnaed sadi langit. Ngem asikayo pay, dakayo nga agnaed iti daga ken taaw! Bimmaban kadakayo ti Diablo a kasta unay ti pungtotna, ta ammona a bassit laengen ti natda a tiempona.”

Paltiing 15:5

Kalpasan daytoy, nakitak a naluktan ti templo sadi langit. Adda iti unegna ti tolda ti pammaneknek.

Paltiing 18:20

Agragsakka, O langit, gapu iti pannakadadaelna; agragsakkayo, dakayo a tattao ti Dios, dakayo nga apostoles ken dakayo a profeta! Ta inukom ti Dios gapu iti inaramidna kadakayo!

Paltiing 21:3

Nakangngegak iti napigsa a timek a naggapu iti trono. Kunana: “Agnaeden ti Dios iti sidong dagiti tattao! Makipagtaengto kadakuada ket isudanto ti ilina. Kaduadanto ti Dios, ket isunto ti Diosda.

Paltiing 4:1

Kalpasan daytoy, adda manen sabali a parmata a nasaksiak. Nakakitaak iti silulukat a ruangan sadi langit. Ket nangngegko manen ti timek a kasla uni ti trumpeta a kunana kaniak: “Umulika ditoy ket ipakitak kenka dagiti dumteng a mapasamak.”

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 5:13

Ket nangngegko nga agkankanta dagiti amin a parsua sadi langit, dagiti adda ditoy daga, dagiti adda iti uneg ti daga, dagiti adda iti taaw—amin a parsua iti entero a lubong: “Iti situtugaw iti trono ken iti Kordero, Maited koma ti tan-ok ken dayaw, dayag ken pannakabalin Iti agnanayon nga awan inggana!”

Paltiing 7:15

Dayta ti gapuna nga addada iti sangoanan ti trono ti Dios ket aldaw-rabii nga agserserbida kenkuana iti templona. Aywananto ida ti agtugtugaw iti trono.

Paltiing 7:9

Kalpasan daytoy, nakitak ti nakaad-adu a tattao—awan ti makabilang iti kaaduda. Naggapuda iti amin a puli, tribu, pagilian ken pagsasao. Nakatakderda iti sangoanan ti trono ken ti Kordero. Puraw ti kawesda ken nakaiggemda iti sanga ti palma.