Paltiing 13:5 - Ti Baro a Naimbag a Damag Biblia

⁵ Napalubosan ti narungsot nga animal nga agsalawasaw, agsao iti maibusor iti Dios, ken agturay iti uneg ti 42 a bulan.

Ti Biblia (1973)

⁵ Ket naited kencuana ti maysa a ngiwat nga agsasao cadagiti banbanag a dadackel ken tabtabbaaw; ket naited kencuana ti kinaturayna nga agaramid iti bayat dagiti uppat a pulo ket dua a bulan.

Paltiing 13:5 Iomraidhean Croise

Dagiti Salmo 12:3

Putdem, O Apo, dagiti naulbod a dila; dagiti napalangguad a ngiwat, rikpam ida!

Ezekiel 35:13

Nangngegko dagiti nagubsang ken natangsit a panagsaom kaniak.”

Daniel 11:36

“Aramidento ti ari ti Siria ti kaykayatna. Ipasindayagnanto a natantan-ok ngem iti uray ania a didiosen ket itangsitnanto a nabilbileg ngem ti Kangatoan a Dios. Maaramidnanto daytoy agingga iti tiempo a panangdusa ti Dios kenkuana. Aramidento ti Dios dagiti inkeddengna nga aramiden.

Daniel 12:12

Nagasat dagiti agtalinaed a napudno agingga nga aggibus ti 1,335 nga aldaw.

Daniel 7:11

Bayat ti panagbuybuyak, mangngegko pay laeng ti panagparparammag ken panagpalpalangguad ti bassit a sara. Idi kitkitaek, napapatay ti maikapat nga animal ket naipurruak ti bangkayna iti apuy.

Daniel 7:20

Tinarigagayak pay nga ammoen ti maipapan kadagiti sangapulo a sara iti ulona, ken iti bassit a sara a nagtubo a nakaigapuan ti pannakaparut ti tallo kadagiti sara. Adda ngiwatna ket kasta unay ti palangguadna. Ad-adda a nakabutbuteng ti langana ngem dagiti dadduma a sara.

Daniel 7:25

Agsaonto iti maibusor iti Kangatoan a Dios, ket idadanesnanto dagiti tattao ti Dios. Kayatnanto a baliwan dagiti linteg ken dagiti panawen. Tallonto ket kagudua a tawen nga iturayanna dagiti tattao ti Dios.

Daniel 7:8

Idi buybuyaek dagiti sarana, nagtubo a kellaat ti maysa a bassit a sara iti nagbabaetanda. Pinarutna ti tallo kadagiti sara a sigud nga adda sadiay. Adda mata ti tao iti sara ket adda ngiwatna nga agsasao a napalangguad.

Daniel 8:14

Nangngegko ti sungbat ti sabali nga anghel, “Agpaut iti 1,150 nga aldaw. Kabayatan dayta a tiempo, awan ti maidatag a daton iti bigat ken malem. Kalpasanna, agsublinton ti sigud a kasasaad ti Templo.”

2 Taga-Tesalonica 2:3

Dikay paallilaw iti siasino man iti uray ania a wagas. Ta dinto dumteng dayta nga Aldaw no di mapasamak ti Yaalsa a maibusor iti Dios ken panagparang ti Managdakdakes a naituding a mapan idiay infierno.

2 Taga-Tesalonica 2:4

Kontraennanto amin a pagrukbaban dagiti tattao ken amin a bambanag nga ibilangda a nadiosan. Isaadnanto ti bagina iti ngatoenda amin ket sumrekto pay nga agtugaw iti Templo ti Dios, sananto ibaga nga isu ti Dios.

2 Taga-Tesalonica 2:8

Kalpasanna, agparangto ti Managdakdakes, ngem inton umay ti Apo Jesus papatayennanto babaen iti pug-awna ken dadaelennanto babaen iti makapurar a raniag ti panagparangna.

Paltiing 11:7

Inton maipakaammo dagiti dua a saksi ti mensaheda, rummuarto ti narungsot nga animal iti nakaun-uneg a yuyeng tapno gubatenna ida. Parmeken ken papatayennanto ida.

Paltiing 12:14

Ngem naikkan ti babai iti dua a payak ti dakkel nga agila tapno makatayab a mapan iti lugarna idiay let-ang. Sadiayto ti pakataripatoanna iti uneg ti tallo ket gudua a tawen tapno malisianna ti pungtot ti uleg.

Paltiing 12:6

Nagkamang ti babai iti let-ang, iti maysa a lugar nga insagana ti Dios a pakataripatoanna iti uneg ti 1,260 nga aldaw.

Paltiing 13:7

Napalubosan a manggubat ken mangparmek kadagiti tattao ti Dios, ket naikkan iti kalintegan a mangituray kadagiti tattao iti amin a tribu, pagilian, pagsasao ken puli.