Paltiing 13:3 - Ti Baro a Naimbag a Damag Biblia

³ Kasla nasugat ti maysa nga ulo ti animal. Nagistayanna impatay daytoy ngem immimbag met laeng. Nasdaaw dagiti amin a tattao iti lubong iti napasamak ket simmurotda iti animal.

Ti Biblia (1973)

³ Ket nakitac daydi maysa cadagidi ol-olona a cas la nasugatan ti ipatay ket daydi sugatna a macapatay naagasan; ket isu-amin a daga nagsidsiddaawda a simmurot idi animal.

Paltiing 13:3 Iomraidhean Croise

Ezekiel 30:24

Kalpasanna, papigsaekto dagiti takkiag ti ari ti Babilonia ket ipaiggemkonto kenkuana ti kampilanko. Ngem tukkolekto dagiti takkiag ti ari ti Egipto ket agasugto agingga a matay iti sangoanan ti kabusorna.

San Lucas 2:1

Kadagidi nga aldaw, impaulog ni Emperador Augusto ti bilin a mailista ti amin nga umili iti Imperio ti Roma.

San Juan 12:19

Isut' gapuna a kinunkuna dagiti Fariseo, “Makitayo, awanen ti maaramidtayo! Sumursuroten kenkuana ti sangalubongan!”

Dagiti Aramid 8:13

Namati met ni Simon ket kalpasan ti pannakabuniagna, simmurot ken ni Felipe. Kasta unay ti siddaawna idi makitana dagiti milagro ken pagilasinan nga ar-aramiden ni Felipe.

Paltiing 13:12

Inaramatna ti amin a turay ti immuna a narungsot nga animal. Pinilitna ti daga ken dagiti amin nga agnanaed ditoy nga agdaydayawda iti umuna a narungsot nga animal a naimbaganen ti sugat a dandanina impatay.

Paltiing 13:14

Inallilawna amin a tattao nga agnanaed ditoy daga babaen kadagiti pagilasinan a naipalubos nga iparangna iti imatang ti umuna a narungsot nga animal. Imbaga ti narungsot nga animal kadagiti tattao ditoy lubong a mangaramidda iti ladawan a pammadayaw iti narungsot nga animal a nasugat iti kampilan ngem nagbiag.

Paltiing 17:10

Naparmeken ti lima kadakuada, agturturay pay laeng ti maysa, ket di pay immay ti maysa. Inton umay, apagbiitto laeng ti panagturayna.

Paltiing 17:11

Ket ti narungsot nga animal a sibibiag idi ngem ita natayen, isu ti maikawalo nga ari a maibilang kadagiti pito—agturongen iti pannakadadael.

Paltiing 17:13

Maymaysa ti panggep dagitoy a sangapulo, ket itedda ti pannakabalin ken turayda iti narungsot nga animal.

Paltiing 17:17

Tinignay ida ti Dios tapno sangsangkamaysada a mangibanag iti panggepna babaen iti pannangtedda iti turayda iti narungsot nga animal agingga iti pannakatungpal dagiti sao ti Dios.

Paltiing 17:6

Ket nakitak a nabartek ti babai iti dara dagiti tattao ti Dios ken iti dara dagiti martir—dagiti napapatay idi gapu iti kinapudnoda ken ni Jesus. Kasta unay siddaawko a nakakita iti babai.

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.