Paltiing 13:2 - Ti Baro a Naimbag a Damag Biblia

² Kasla leopardo ti nakitak nga animal, kasla agsaksaka nga oso, ken kasla agngiwngiwat a leon. Inted kenkuana ti dragon ti bukodna a pannakabalin, ti trono ken ti naindaklan a turayna.

Ti Biblia (1973)

² Ket daydi animal a nakitac umas-asping iti maysa a leopardo, ket dagiti sacsacana cas la sacsaca ti oso, ket ti ngiwatna cas la ngiwat ti leon: ket inted daydi dragon kencuana ti pannacabalinna ken ti tronona, ken dackel a kinaturay.

Paltiing 13:2 Iomraidhean Croise

2 Ar-ari 2:24

Timmalliaw ni Eliseo, kinitana ida iti nasakit sana inlunod ida iti nagan ni Yahweh. Rimmuar ti dua a kabaian nga oso iti bakir ket 42 kadagiti ubbing ti rinangrangkayda.

Dagiti Salmo 22:21

Iti ngiwat dagitoy a leon isalakannak; awan gawayko kadagitoy a toro nga atap.

Dagiti Proverbio 17:12

Nasaysayaat a masabatmo ti ina nga oso a naipanaw dagiti urbonna ngem ti maag a madama nga agar-aramid iti linuloko.

Dagiti Proverbio 28:15

Nakakaasi dagiti napanglaw a bumusor iti dakes nga agturay. Narungsot a kas iti ngumerngernger a leon wenno agdakdakiwas nga oso.

Isaias 5:29

Agpukpukkaw dagiti mannakigubat. Kasda la leon nga agung-ungor a nakapatay iti animal ket itartarayda tapno awan ti mangagaw iti matukmaanda.

Jeremias 13:23

Masuktan aya ti nangisit a tao ti kolor ti kudilna? Maikkat aya ti leopardo ti labangna? Saan! No kasta ti mapasamak dakayo nga agar-aramid iti dakes masursuroyo met koma ti agaramid iti naimbag.

Jeremias 5:6

Daytoy ti gapuna a patayento ida dagiti leon ti kabakiran. Rangrangkayento ida ti lobo ti let-ang, ket agdakiwasto ti leopardo kadagiti ilida. Pisangpisangennanto ti siasinoman a rummuar kadakuada. Nakaad-adu ngamin ti basolda, ket namin-adun a tinallikudanda ti Dios.

Oseas 11:10

“Surotendakto dagiti tattaok inton ngerngerak a kas iti leon dagiti kabusorda. Agdardarasto nga umay kaniak dagiti tattaok manipud laud.

Amos 3:12

Kuna ni Yahweh, “Kas iti agpaspastor a ti laeng dua a saka wenno maysa a lapayag ti karnero ti maagawna iti ngiwat ti maysa a leon, kastanto met ti pannakaispal dagiti tattao ti Samaria nga agid-idda kadagiti agkakapintas a sofa. Manmanonto laeng kadakuada ti maisalakan.

Amos 5:19

Mayarigto iti maysa a tao nga itartarayanna ti maysa a leon ket adda oso a masabatna! Wenno mayarigto iti agkamang iti maysa a balay sana isadag ti imana iti diding ket kagaten ti maysa nga uleg!

Habakuk 1:8

“Naparpardas a tumaray dagiti kabalioda ngem dagiti leopardo, ket narangranggasda ngem dagiti mabisin a lobo. Aggapu iti adayo dagiti nakakabalio a tattaoda. Agkur-ay dagiti kabalioda. Umayda a kasla agila a mangsippayot iti kanenda.

2 Timoteo 4:17

Nupay kasta, tinulongannak ti Apo ket pinapigsanak, isu a nabalinak nga impakaammo ti sibubukel a mensahe tapno mangngeg ti amin a Hentil. Iti kasta, naisalakanak iti ngiwat ti leon.

1 Pedro 5:8

Agsalukagkayo. Agsiputkayo. Agdakdakiwas ti Diablo a kabusoryo—kasla leon a ngumerngernger nga agsapsapul iti alun-onenna.

Paltiing 12:13

Idi nadlaw ti dragon ti pannakaitappuakna ditoy daga, kinamatkamatna daydi babai a nangipasngay iti ubing a lalaki.

Paltiing 12:15

Gapu iti daytoy, nangipugso ti uleg iti danum a nagbalin a kasla karayan tapno mayanud ti babai.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Paltiing 13:12

Inaramatna ti amin a turay ti immuna a narungsot nga animal. Pinilitna ti daga ken dagiti amin nga agnanaed ditoy nga agdaydayawda iti umuna a narungsot nga animal a naimbaganen ti sugat a dandanina impatay.

Paltiing 13:4

Nagdaydayaw dagiti amin a tattao iti dragon gapu ta intedna ti turayna iti animal. Nagdaydayawda met iti animal. “Siasino ti kas iti narungsot nga animal?” kinunada. “Siasino ti makabael a makirupak kenkuana?”

Paltiing 16:10

Imbuyat met ti maikalima nga anghel ti malukongna iti trono ti narungsot nga animal. Nagsipnget ti entero a pagarian ti animal. Kinagat dagiti tattao dagiti bibigda gapu iti rigat.

Paltiing 17:12

“Dagiti sangapulo a sara a nakitam, isuda dagiti sangapulo nga ari a di pay nagturay, ngem agturaydanto a kaduada ti narungsot nga animal iti uneg ti maysa nga oras.

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 20:2

Tiniliwna ti dragon, daydi duduogan nga uleg nga isu ti Diablo ken Satanas, sana kinawaran tapno saan a makaruk-at iti unos ti 1,000 a tawen.