Paltiing 13:18 - Ti Baro a Naimbag a Damag Biblia

¹⁸ Kasapulan ditoy ti kinasirib. Mabalin a maammoan ti masirib ti kaipapanan ti numero ti animal gapu ta kaibatogan daytoy ti nagan ti lalaki. Ti numero ket 666.

Ti Biblia (1973)

¹⁸ Adtoy ti kinasirib. Ti addaan pannacaawat, imutectecanna coma ti bilang daydi animal, ta isu ti bilang ti maysa a tao; ket ti bilangna innem a gasut innem a pulo ket innem.

Paltiing 13:18 Iomraidhean Croise

Dagiti Salmo 107:43

Panunoten koma dagitoy dagiti adda siribna; ket ti napudno nga ayat ti Apo bigbigenda.

Daniel 12:10

Adunto a tattao ti magugoran ken madalusan. Saanto a makaawat dagiti managdakdakes, ngem itultuloyda ti kinadakesda. Dagitinto la masirib ti makaawat.

Oseas 14:9

Awaten koma dagiti masirib dagiti naisurat ditoy, ket ammoenda ti kaipapananda. Ngamin, nalinteg dagiti wagas ni Yahweh, ket suroten dagiti nalinteg ti panagbiagna ngem saan nga ikankano dagiti managbasol isu a maitibkol ken matnagda.

San Marcos 13:14

“Makitayonto ‘Ti Nakabutbuteng a Mangdadael’ nga adda iti di rumbeng a pagsaadanna (maawatan koma ti agbasa ti kaipapanan daytoy). No agnaedkayo idiay Judea iti dayta a tiempo, masapul a kumamangkayo kadagiti bambantay.

Taga-Roma 3:5

Ngem no ti panagaramidtayo iti dakes, nalawag a maipakita ti nalinteg nga aramid ti Dios, ania ti makunatayo? Saan kadi a nalinteg ti Dios no dusaennatayo? (Agsaoak ita kas kaugalian ti tao.)

Deuteronomio 3:11

Ni Ari Og ti maudi a kaputotan dagiti Refaim. Naaramid iti bato ti lungonna nga innem a kadapan ti kalawana ken dandani 14 a kadapan ti kaatiddogna. Adda pay la daytoy idiay Rabba a siudad iti Ammon.)

Paltiing 1:3

Nagasat ti mangbasa iti daytoy a libro. Nagasat met dagiti dumngeg kadagitoy naipadto a mensahe ken mangtungpal iti nailanad iti daytoy a libro! Asidegen ti tiempo a mapasamak dagitoy.

Paltiing 15:2

Ket nakitak ti kasla taaw a kristal a gumilgil-ayab. Nakitak pay dagiti nangparmek iti narungsot nga animal ken iti ladawanna, agraman iti animal a numero ti kaibatogan ti naganna. Agtatakderda iti igid ti taaw a kristal; ig-iggamanda dagiti arpa nga inted ti Dios kadakuada.

Paltiing 17:9

“Daytoy ti pakasapulan iti kinasirib ken pannakaawat. Dagiti pito nga ulo isuda ti pito a turod a pagtugtugawan ti babai. Iladawanda ti pito nga ari:

Paltiing 21:17

Rinukod ti anghel ti bakud ket 216 a kadapan ti kangatona kas mayannurot iti rukod nga ar-aramaten dagiti tattao.