Paltiing 13:16 - Ti Baro a Naimbag a Damag Biblia

¹⁶ Pinilit ti narungsot nga animal dagiti amin a tattao, nanumo ken natan-ok, nabaknang ken napanglaw, tagabu ken siwawayawaya, a mamarkaan iti makannawan nga ima wenno iti mugingda.

Ti Biblia (1973)

¹⁶ Ket pamarcaanna dagiti isu-amin, babassit ken dadackel, babacnang ken napanglaw, dagiti siwayawaya ken dagiti paad-adipen, tapno adda marca iti imada a macanawan wenno iti mugingda;

Paltiing 13:16 Iomraidhean Croise

2 Cronicas 15:13

Mapapatay ti siasinoman a saan nga agdaydayaw kenkuana, ubing wenno nataengan, lalaki man wenno babai.

Ti Libro ni Job 34:19

Saanna nga ayonan dagiti agtuturay. Dina idumduma dagiti baknang kadagiti napanglaw ta pinarsua amin ti Dios ida.

Dagiti Salmo 115:13

Amin nga agbuteng kenkuana, bendisionannanto, natan-ok man wenno nanumo.

Dagiti Salmo 49:2

natan-ok man wenno nanumo, nabaknang man wenno napanglaw.

Exodo 13:9

Agbalinto daytoy a fiesta a pakalaglagipan kas iti maiputipot iti imayo wenno iti mugingyo; ipalagipnanto kadakayo nga itultuloyyo a basaen ken adalen ti Linteg ti Apo, gapu ta inruarnakayo ti Apo idiay Egipto babaen iti dakkel a pannakabalinna.

Ezekiel 9:4

Kinunana, “Sursorem ti siudad ti Jerusalem, ket markaam ti muging dagiti agasug ken mariribukan gapu iti amin a makarimon a maar-aramid iti siudad.”

Zacarias 13:6

Ket no adda agsaludsod, ‘Ania ngarud dagitoy sugat iti barukongmo?’ isungbatnanto, ‘Naalak iti balay ti gayyemko.’”

Dagiti Aramid 26:22

Ngem agpapan ita, tinultulongannak ti Dios, ket agtaktakderak ditoy a mangted iti pammaneknekko kadagiti amin a tattao, nanumo man wenno natan-ok. Ul-ulitek laeng ti kinuna ni Moises ken dagiti profeta

1 Taga-Corinto 12:13

Kasta met kadatayo amin—Judio man wenno Hentil, tagabu man wenno siwawayawaya—nabuniagantayo a naikamang iti maymaysa a bagi babaen iti maymaysa nga Espiritu nga isu met laeng ti naited nga inumentayo.

Taga-Galacia 3:28

Ngarud, awan ti pagdumaan ti Judio ken Hentil, ti tagabu ken ti siwawaya, ti lalaki ken ti babai: maymaysakayo amin ken ni Cristo Jesus.

Taga-Galacia 6:17

Kas panggibus, kunak ti kastoy: awanen koma ti mangted kaniak iti riribuk ta ipakita dagiti piglat iti bagik a tagabunak ni Jesus.

Taga-Efeso 6:8

Tagabuka man wenno siwawaya, masiguradom a gunggonaanto ti Apo ti tunggal tao iti naimbag nga aramidna.

Deuteronomio 11:18

“Imulayo dagitoy a bilin kadagiti puso ken panunotyo. Igalutyo kadagiti takkiagyo ken ikabilyo kadagiti mugingyo a kas palagip.

Deuteronomio 6:8

Igalutyo ida kadagiti takkiagyo a kas pagilasinan ken ikabilyo ida kadagiti mugingyo kas marka.

Taga-Colosas 3:11

Iti kasta, awan Hentil wenno Judio, nakugit wenno saan a nakugit, ganggannaet, narungsot a tao, tagabu ken siwawayawaya, no di ket ni Cristo ti isuamin ken adda iti isuamin.

2 Timoteo 3:8

Sinukir idi da Janes ken Jambres ni Moises. Sukirento met dagitoy a tattao ti pudno. Rinuker ti panunot dagitoy a tattao ket sinsinan ti pammatida.

Paltiing 11:18

Nakaunget dagiti pagano, Ta dimtengen ti tiempo ti pungtotmo, Ken ti pannakaukom dagiti natay. Tiempon a gunggonaam dagiti profeta nga adipenmo, Kadagiti amin a tattaom, ken amin nga agbuteng kenka, Natan-ok man ken nanumo, Tiempon a dadaelem dagiti nangparigat iti daga!”

Paltiing 15:2

Ket nakitak ti kasla taaw a kristal a gumilgil-ayab. Nakitak pay dagiti nangparmek iti narungsot nga animal ken iti ladawanna, agraman iti animal a numero ti kaibatogan ti naganna. Agtatakderda iti igid ti taaw a kristal; ig-iggamanda dagiti arpa nga inted ti Dios kadakuada.

Paltiing 19:18

Umayyo kanen ti lasag dagiti ar-ari, dagiti heneral, dagiti soldado, dagiti kabalio ken dagiti nagsakay kadakuada, dagiti amin a tattao, tagabu ken siwawayawaya, natan-ok ken nanumo.”

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

Paltiing 19:5

Adda nagsao manipud iti trono: “Dayawenyo ti Diostayo, dakay amin nga adipenna, dakay amin nga agdaydayaw kenkuana, natan-ok man wenno nanumo!”

Paltiing 20:12

Nakitak dagiti natay, natan-ok ken nanumo, nga agtatakder iti sangoanan ti trono. Naluktan dagiti libro ken ti sabali a libro, ti libro ti biag. Naukom dagiti natay segun ti inaramidda a kas naisurat kadagiti libro.

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.

Paltiing 6:15

Naglemmeng dagiti ari ditoy daga, dagiti agtuturay ken pangulo dagiti soldado, dagiti nabaknang ken nabileg, ken amin, adipen ken siwawaya. Napanda kadagiti rukib ken sirok dagiti bato kadagiti bambantay.

Paltiing 7:3

“Saanyo pay a dadaelen ti daga, ti taaw wenno dagiti kayo; urayenyo a malpas ti panangmarkami kadagiti muging dagiti adipen ti Diostayo.”