Paltiing 13:15 - Ti Baro a Naimbag a Damag Biblia

¹⁵ Napalubosan ti maikadua a narungsot nga animal a mangted biag iti ladawan ti immuna, tapno makasao ti ladawan ken mabalinna a patayen dagiti amin a saan nga agdaydayaw kenkuana.

Ti Biblia (1973)

¹⁵ Ket naipalubus kencuana a mangted ti anges iti ladawan daydi animal, tapno daydi ladawan ti animal saan laeng nga agsao coma, no di ket papapatayna dagup dagidi saan nga agrucbab idi ladawan daydi animal.

Paltiing 13:15 Iomraidhean Croise

Genesis 2:7

Nangala ni Yahweh a Dios iti daga sa nangbukel iti tao. Insang-awna ti anges ti biag iti agong daytoy ket naaddaan iti biag.

Dagiti Salmo 115:5

Adda ngiwatda, ngem dida makasao; adda matada, ngem dida makakita.

Jeremias 10:14

Maag ken nengneng dagiti amin a tattao; maibabain dagiti agar-aramid iti imahen ta saan a pudno ken awan biag dagiti didiosen a partuatda.

Jeremias 10:5

Saan a makasao dagiti kakastoy nga imahen. Awan dumada iti bambanti iti talon a namulaan iti sandia. Masapul a maawitda, ta dida makapagna. Diyo kabuteng ida, ta didakay an-anoen; ket awan naimbag a maitedda kadakayo.”

Jeremias 51:17

Maag ken nengneng dagiti amin a tattao; maibabain dagiti agar-aramid iti imahen gapu ta dagiti didiosen nga inaramidda, saanda a pudno a dios ken awan biagda.

Daniel 7:20

Tinarigagayak pay nga ammoen ti maipapan kadagiti sangapulo a sara iti ulona, ken iti bassit a sara a nagtubo a nakaigapuan ti pannakaparut ti tallo kadagiti sara. Adda ngiwatna ket kasta unay ti palangguadna. Ad-adda a nakabutbuteng ti langana ngem dagiti dadduma a sara.

Daniel 7:25

Agsaonto iti maibusor iti Kangatoan a Dios, ket idadanesnanto dagiti tattao ti Dios. Kayatnanto a baliwan dagiti linteg ken dagiti panawen. Tallonto ket kagudua a tawen nga iturayanna dagiti tattao ti Dios.

Habakuk 2:19

Asika pay! Kunam iti maysa a kayo, “Agriingka!” wenno iti maysa a bato, “Bumangonka!” Adda aya maipaltiing kenka ti maysa nga imahen? Mabalin a nakalupkopan iti pirak ken balitok, ngem awan biagna.

Santiago 2:26

Ngarud, kas ti bagi a makuna a bangkay no awan espirituna, maibilang met a natay ti pammati a di mabuyogan iti aramid.

Paltiing 13:1

Nakitak ti maysa a narungsot nga animal a rumrumkuas iti taaw. Pito ti ulona ket sangapulo met ti sarana. Nagkorona ti tunggal sara ket iti tunggal ulo, adda dagiti naisurat a nagan a nanglais iti Dios.

Paltiing 13:12

Inaramatna ti amin a turay ti immuna a narungsot nga animal. Pinilitna ti daga ken dagiti amin nga agnanaed ditoy nga agdaydayawda iti umuna a narungsot nga animal a naimbaganen ti sugat a dandanina impatay.

Paltiing 13:14

Inallilawna amin a tattao nga agnanaed ditoy daga babaen kadagiti pagilasinan a naipalubos nga iparangna iti imatang ti umuna a narungsot nga animal. Imbaga ti narungsot nga animal kadagiti tattao ditoy lubong a mangaramidda iti ladawan a pammadayaw iti narungsot nga animal a nasugat iti kampilan ngem nagbiag.

Paltiing 14:11

Agnanayon nga awan inggana ti panagpangato ti apuy a mangparparigat kadakuada. Aldaw ken rabii nga awan inana dagiti nagdaydayaw iti narungsot nga animal ken iti ladawanna, ken dagiti namarkaan iti naganna.”

Paltiing 14:9

Simmaruno ti maikatlo nga anghel a nangipukkaw, “Dagiti agdaydayaw iti narungsot nga animal ken iti ladawanna, ken umawat iti marka iti muging wenno imana,

Paltiing 16:2

Napan imbuyat ti umuna nga anghel ti linaon ti malukongna iti daga. Gapu iti daytoy, nagtaud dagiti nakabutbuteng ken naut-ot a gaddil kadagiti tattao nga addaan iti marka ti narungsot nga animal, ken kadagiti nagdaydayaw iti ladawanna.

Paltiing 16:5

Nangngegko ti kuna ti anghel a mangay-aywan iti danum: “Nalinteg ti panangukommo, O Nasantoan, Sika nga adda ita ken sika nga adda idi;

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 17:17

Tinignay ida ti Dios tapno sangsangkamaysada a mangibanag iti panggepna babaen iti pannangtedda iti turayda iti narungsot nga animal agingga iti pannakatungpal dagiti sao ti Dios.

Paltiing 17:6

Ket nakitak a nabartek ti babai iti dara dagiti tattao ti Dios ken iti dara dagiti martir—dagiti napapatay idi gapu iti kinapudnoda ken ni Jesus. Kasta unay siddaawko a nakakita iti babai.

Paltiing 18:20

Agragsakka, O langit, gapu iti pannakadadaelna; agragsakkayo, dakayo a tattao ti Dios, dakayo nga apostoles ken dakayo a profeta! Ta inukom ti Dios gapu iti inaramidna kadakayo!

Paltiing 18:24

Nadusa ti Babilonia gapu ta nasarakan kenkuana ti dara dagiti profeta, dagiti tattao ti Dios ken dagiti amin a napapatay iti sangalubongan.

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.