Paltiing 13:10 - Ti Baro a Naimbag a Damag Biblia

¹⁰ Siasinoman a nairanta a matiliw, matiliwto. Ti nairanta a mapapatay iti kampilan, mapapatayto iti kampilan. Daytoy ti pakasapulan iti panagibtur ken pammati iti biang dagiti tattao ti Dios.”

Ti Biblia (1973)

¹⁰ No ti siasinoman a tao mangipaay iti pannacacayaw; mapan iti pannacacayaw; no ti siasinoman a tao macapapatayto iti campilan, masapul nga isu mapapatay iti campilan. Adtoy, ti kinaanus ken ti pammati dagiti sasanto.

Paltiing 13:10 Iomraidhean Croise

Isaias 14:2

Adunto a nasion ti tumulong kadagiti Israelita nga agsubli iti daga nga inted ti Apo kadakuada ket sadiay, agserbinto dagiti pagilian a kas tagabu ti Israel. Dagiti nangparmek idi kadagiti Israelita, parmekento met dagiti Israelita. Iturayandanto dagiti nangidadanes idi kadakuada.

Isaias 26:21

Manipud iti nailangitan a taengna, umay ti Apo a mangdusa kadagiti tattao ditoy daga gapu kadagiti basolda. Maibutaktakto dagiti pammapatay a naaramid iti nalimed ket dinton ilemmeng ti daga dagiti napapatay.

Isaias 33:1

Asi pay dagiti kabusortayo! Nagagaw ken nangliputda idinto ta awan ti nangag-agaw iti sanikuada ken nangliput kadakuada. Ngem agpatingganto ti panagagaw ken panagliputda, ket mismo nga isudanto dagiti biktima ti panagtakaw ken panagliput.

Jeremias 15:2

No saludsodenda ti rebbengda a papanan, ibagam daytoy kadakuada: Dagiti naikeddeng a matay iti sakit, matayda iti sakit. Dagiti naikeddeng a matay iti gubat, matayda iti gubat. Dagiti naikeddeng a matay iti bisin, matayda iti bisin. Dagiti naikeddeng a maibalud, maibaludda!

Jeremias 43:11

Umaynanto parmeken ti Egipto. Patayennanto iti angol dagiti nairanta a matay iti angol. Ipanawnanto a kas balud dagiti nairanta a mabalud. Patayennanto iti gubat dagiti naikeddeng a matay iti gubat.

Dungdung-aw 3:26

Ngarud, nasayaat unay ti aguray a siaanus— aguraytay iti panangisalakanna.

Habakuk 2:3

Isuratmo agsipud ta saan pay a mapasamak. Ngem dandanin dumteng ti tiempo, ket mapasamakto ti ipakitak kenka. Kasla mabayag ti idadatengna ngem urayem. Awan duadua a mapasamak iti tiempo nga inkeddengko ket saanto nga agtaktak.

San Mateo 26:52

Ngem kinuna ni Jesus, “Idulinmo ta bunengmo agsipud ta ti mangaramat iti buneng matayto iti buneng.

San Mateo 7:2

ta ukomennakayto ti Dios a kas iti panangukomyo kadagiti sabali. Ti pangrukodyo iti sabali isunto met laeng ti pangrukod ti Dios kadakayo.

San Lucas 21:19

Babaen iti panagibturyo, maisalakanyonto dagiti bagbagiyo.”

Taga-Colosas 1:11

Sapay koma ta mapakiredkayo babaen iti amin a pigsa nga aggapu iti nagloriaan a pannakabalinna, tapno maibturanyo a siaanus ken siraragsak ti uray aniaman a mapasamak.

Hebreo 6:12

Dimi kayat nga agbalinkayo a nasadut. Kayatmi ketdi a tuladenyo dagiti namati ken nagan-anus ket inawatda ti inkari ti Dios.

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 11:18

Nakaunget dagiti pagano, Ta dimtengen ti tiempo ti pungtotmo, Ken ti pannakaukom dagiti natay. Tiempon a gunggonaam dagiti profeta nga adipenmo, Kadagiti amin a tattaom, ken amin nga agbuteng kenka, Natan-ok man ken nanumo, Tiempon a dadaelem dagiti nangparigat iti daga!”

Paltiing 14:12

Daytoy ti pakasapulan iti panagibtur dagiti tattao ti Dios, dagiti agtulnog kadagiti bilin ti Dios ken dagiti agtalinaed iti pammati ken ni Jesus.

Paltiing 16:6

Imparukpokda ti dara dagiti tattao ti Dios, Ken ti dara dagiti profeta, Isut' gapuna a pinainummo ida iti dara. Lak-amenda ti kaikarianda a dusa.”

Paltiing 17:11

Ket ti narungsot nga animal a sibibiag idi ngem ita natayen, isu ti maikawalo nga ari a maibilang kadagiti pito—agturongen iti pannakadadael.

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 2:19

Ammok dagiti aramidmo, ti ayat ken pammatim, ti panagserbim ken ti naanus a panagibturmo. Ammok nga ad-adu ti ar-aramidem ita ngem idi damo.

Paltiing 2:2

Ammok dagiti aramidmo, dagiti panagbannog ken ti naanus a panagibturmo. Ammok a dimo maanusan dagiti dakes a tattao. Sinuotmo dagiti agpampamarang nga apostoles, ket natakkuatam nga ulbodda.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Paltiing 3:3

Ngarud, laglagipem dagiti nasursuro ken nangngegmo. Tungpalem ida ket agbabawika kadagiti basbasolmo. No dika agriing, umayakto kenka a kas iti mannanakaw—dimonto ammo no ania ti oras nga isasangpetko.