Paltiing 12:9 - Ti Baro a Naimbag a Damag Biblia

⁹ Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Ti Biblia (1973)

⁹ Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Paltiing 12:9 Iomraidhean Croise

Genesis 3:1

Ti uleg ti kasikapan nga animal nga inaramid ni Yahweh a Dios. Sinaludsod ti uleg iti babai, “Agpayso kadi nga imbaga ti Dios a dikay mangan iti bunga ti uray ania a kayo iti minuyongan?”

Genesis 3:13

“Apay nga inaramidmo ti kasta?” sinaludsod ni Yahweh a Dios iti babai. Insungbatna, “Inallilawnak ti uleg, isu a nasulisogak a nangan.”

1 Cronicas 21:1

Kayat ni Satanas a riribuken dagiti Israelita, isut' gapuna nga inallukoyna ni David a mangsensus kadagiti Israelita.

2 Cronicas 18:21

Insungbat ti espiritu, ‘Innak kadagiti profeta ni Ahab ket pagulbodek amin ida.’ Kinuna ti Apo, ‘Inka ngaruden. Agballigikanto a mangallilaw kenkuana.’”

Dagiti Salmo 109:6

Mangdutokka iti rinuker nga ukom a mangusig iti kabusorko, ket aramatem ti maysa kadagiti kabusorna a mangidarum kenkuana.

Isaias 14:12

Sika, ari ti Babilonia, sika a baggak ti agsapa, anian a pannakatnagmo! Pinarmekmo idi dagiti nasion, ngem ita naidasaykan iti daga.

Isaias 27:1

Iti dayta nga aldaw, usarento ti Apo ti nabileg ken makapatay a kampilanna a pangdusa iti Leviatan, dayta agkalkalawikiw ken agtirtiritir a dragon, ket gudasenna dayta nakabutbuteng a parsua nga agnaed iti taaw.

Isaias 65:25

Agkakaarabto dagiti lobo ken dagiti urbon ti karnero. Manganto ti leon iti garami a kas iti baka. Saanton a napeggad ti uleg. Awanton ti aniaman a makadangran wenno dakes idiay Sion a nasantoan a bantayko.”

Ezekiel 28:16

Maringgoranka idi nga aggatang ken aglako ket dayta ti nakaipuonan ti panagranggas ken panagbasolmo. Isut' gapuna a pinapanawka iti nasantoan a bantayko. Pinapanawnaka ti anghel a mangguguardia kenka iti baet dagiti rumimatrimat a napateg a bato.

San Mateo 13:39

Ti kabusor a nagmula kadagiti ruot isu ti Diablo. Ti panagani isu ti kanibusanan ti lubong, ket dagiti agani isuda dagiti angheles.

San Mateo 24:24

Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios.

San Mateo 25:41

“Kunananto kadagiti adda iti makannigidna: ‘Umadayokayo kaniak, dakayo nga inlunod ti Dios! Inkayo iti agnanayon nga apuy a naisagana iti Diablo ken kadagiti anghelesna.

San Mateo 4:1

Ti Espiritu inturongna ni Jesus idiay let-ang tapno sulisogen ti Diablo.

San Mateo 4:10

Insungbat ni Jesus, “Pumanawka, Satanas! Kuna ti Nasantoan a Surat, ‘Agdaydayawka iti Apo a Diosmo ket isu laeng ti pagserbiam.’”

San Mateo 4:5

Ti Diablo inturongna ni Jesus iti Nasantoan a Siudad ket impanna iti kangatoan a paset ti Templo,

San Mateo 4:8

Impan ti Diablo iti nakangatngato a bantay ket impakitana kenkuana dagiti amin a pagarian ditoy lubong, agraman dayagda.

San Lucas 10:18

Insungbat ni Jesus, “Nakitak ni Satanas a natnag a kas kimat manipud langit.

San Lucas 13:16

Sangapulo ket walo a tawenen a pinarigat ni Satanas daytoy nga anak ni Abraham. Saan aya a rumbeng nga ita nga Aldaw a Panaginana, mawayawayaan iti pannakabaludna?”

San Lucas 22:3

Sinerrek ni Satanas ni Judas a managan Iscariote, maysa kadagiti sangapulo ket dua nga adalan.

San Lucas 22:31

“Simon, Simon, denggem! Napalubosan ni Satanas a mangsagat kadakayo a kas iti mannalon a mangitaep iti trigo tapno mapaglasin ti naimbag iti dakes.

San Lucas 8:12

Dagiti nagdisso iti igid ti dalan, iladawanda dagiti tattao a dumngeg. Ngem umay ti Diablo ket ikkatenna ti mensahe iti pusoda tapno dida mamati ken maisalakan.

San Juan 12:31

“Itan ti pannakaukom daytoy a lubong. Itan ti pannakaparmek ti agturay iti daytoy a lubong.

San Juan 14:30

Diak makapagbayagen a makisao kadakayo, ta umayen ti agturay iti daytoy a lubong. Saannak nga iturayan,

San Juan 16:11

Nagbiddutda maipapan iti panangukom, agsipud ta naukomen ti agturay daytoy a lubong.

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

Dagiti Aramid 26:18

Lukatamto dagiti matada, ket manipud iti sipnget, iturongmonto ida iti lawag. Manipud iti pannakabalin ni Satanas, iturongmo ida iti pannakabalin ti Dios tapno babaen iti pammatida kaniak, mapakawanto dagiti basbasolda ket maibilangdanto kadagiti tattao ti Dios.’”

Dagiti Aramid 5:3

Kinuna ni Pedro, “Ananias, apay a pinaiturayanka ken ni Satanas ket inulbodmo ti Espiritu Santo babaen iti panangilemmengmo iti dadduma a naglakoam?

Taga-Roma 16:18

Dagiti agaramid kadagitoy, saanda nga agserserbi ken ni Cristo nga Apotayo, no di ket iti bukodda a paggarteman. Allilawenda dagiti nasingpet a tattao babaen kadagiti napipintas a balikas ken makaay-ayo a panagsao.

Taga-Roma 16:20

Iti mabiit, ti Dios a pagtaudan ti talna, parmekennanto ni Satanas. Adda koma kadakayo ti parabur ni Apotayo a Jesus.

2 Taga-Corinto 11:14

Saan a nakaskasdaaw daytoy! Uray ni Satanas, kabaelanna ti agparang a kasla anghel ti lawag!

2 Taga-Corinto 11:3

Maamakak amangan no masabidongan ti panunotyo ket laksidenyo ti naan-anay ken nasin-aw a panagtulnogyo ken ni Cristo—kas iti pannakaallilaw ni Eva babaen iti nasikap nga uleg.

2 Taga-Corinto 12:7

Tapno saanak nga tumangsit gapu kadagiti adu a naisangsangayan a banag a nakitak, naikkanak iti nasaem a sagsagabaen nga inkabil ni Satanas a mangparigat kaniak tapno diak agtangtangsit.

2 Taga-Corinto 2:11

tapno dinatayo gundawayan ni Satanas. Ammotayo dagiti panggepna.

2 Taga-Corinto 4:4

Saanda a mamati, ta ti isipda kinullaapan ni Satanas a mangituray iti daytoy a lubong, ket dida makita ti silaw nga aggapu iti Naimbag a Damag maipapan iti dayag ni Cristo a ladawan ti Dios.

Taga-Efeso 4:14

Ket saantayton a kasla ubbing wenno bassit a bangka a yallo-allon dagiti dalluyon wenno yalla-alla ti agbaliwbaliw nga angin. Kasta ti mapasamak iti panangisuro dagiti manangallilaw a tattao. Mangyaw-awanda babaen kadagiti ulbod nga ibagbagada.

2 Taga-Tesalonica 2:3

Dikay paallilaw iti siasino man iti uray ania a wagas. Ta dinto dumteng dayta nga Aldaw no di mapasamak ti Yaalsa a maibusor iti Dios ken panagparang ti Managdakdakes a naituding a mapan idiay infierno.

1 Timoteo 2:14

Saan a ni Adan ti naallilaw no di ket ti babai a nangsalungasing iti linteg ti Dios.

2 Timoteo 3:13

Ngem dumakdakesto dagiti dakes a tattao ken manangallilaw, ket agtultuloydanto a mangallilaw ken paallilaw.

Hebreo 2:14

Yantangay ta tattao dagitoy nga annak, kas awagna kadakuada, nagbalin met ni Jesus a tao a kas kadakuada ket nakiraman iti kinataoda. Inaramidna daytoy tapno babaen iti ipapatayna, pukawenna ti Diablo nga adda pannakabalinna ken ni patay,

1 Pedro 5:8

Agsalukagkayo. Agsiputkayo. Agdakdakiwas ti Diablo a kabusoryo—kasla leon a ngumerngernger nga agsapsapul iti alun-onenna.

1 Juan 5:19

Ammotayo a kukuanatayo ti Dios, nupay iturturayan ti Managdakdakes ti entero a lubong.

San Judas 1:9

Uray pay ni Miguel a pangulo dagiti angheles dina inaramid ti kasta. Iti pannakidangadangna iti Diablo, idi pagsuppiatanda no siasino ti mangala iti bangkay ni Moises, dina inukom ti Diablo. Kinunana laeng, “Tubngarennaka koma ti Apo!”

Paltiing 12:12

Agragsakkayo ngarud, dakayo nga agnaed sadi langit. Ngem asikayo pay, dakayo nga agnaed iti daga ken taaw! Bimmaban kadakayo ti Diablo a kasta unay ti pungtotna, ta ammona a bassit laengen ti natda a tiempona.”

Paltiing 12:3

Sabali pay a nakaskasdaaw a pagilasinan ti nagparang iti langit: Adda dakkel a dragon a nalabaga a pito ti ulona ken sangapulo ti sarana. Adda korona ti tunggal ulo.

Paltiing 12:7

Kalpasanna, bimtak ti gubat sadi langit. Rinaut ni Miguel ken dagiti anghelesna ti dragon. Nakirupak ti dragon ken dagiti anghelesna.

Paltiing 12:8

Ngem naabak ti dragon ken dagiti anghelesna, ket saandan a napalubosan nga agyan sadi langit.

Paltiing 13:14

Inallilawna amin a tattao nga agnanaed ditoy daga babaen kadagiti pagilasinan a naipalubos nga iparangna iti imatang ti umuna a narungsot nga animal. Imbaga ti narungsot nga animal kadagiti tattao ditoy lubong a mangaramidda iti ladawan a pammadayaw iti narungsot nga animal a nasugat iti kampilan ngem nagbiag.

Paltiing 16:14

Isuda dagiti espiritu ti demonio nga agiparparang iti pagilasinan. Mapan dagiti tallo nga espiritu kadagiti ari iti sangalubongan tapno ummongenda ida a makigubat inton dumteng ti naindaklan nga aldaw ti Mannakabalin-amin a Dios.

Paltiing 18:2

“Natnagen!” impukkawna. “Natnagen ti Babilonia nga agdindinamag a siudad! Taeng laengen dagiti demonio ken dakes nga espiritu. Pagaponanen ti amin a kita ti agkakarugit ken nakarimrimon a tumatayab.

Paltiing 18:23

Saannakanto metten a raniagan ti uray maysa a pagsilawan; saanto metten a mangngeg dagiti naragsak a timek ti agkasar. Dagiti komersiantem ti kabibilgan iti amin a lubong. Inallilawmo dagiti amin a nasion babaen iti salamangka.”

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 2:24

“Ngem ti dadduma kadakayo dita Tiatira, diyo sinurot daytoy dakes a pannursuro. Saanyo a nasursuro ‘ti nauneg a palimed ni Satanas,’ kas kuna ti dadduma. Kunak kadakayo a dikayton pabaklayan iti sabali nga awit.

Paltiing 2:9

Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.

Paltiing 20:10

Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.

Paltiing 20:8

Rummuarto a mangallilaw kadagiti nasion iti entero a lubong, kayatna a sawen, da Gog ken Magog. Ummongento ida ni Satanas a kaduana a makigubat. Adunto ti armadada kas iti kaadu ti darat iti igid ti baybay.

Paltiing 3:9

Denggem, no maipanggep iti bunggoy nga agdaydayaw ken ni Satanas, dagita nga ulbod ken agpamarang a Judioda, ibaonko ida kenka tapno agrukbabda iti sakaanam ket maammoandanto amin nga ay-ayatenka.

Paltiing 9:1

Pinuyot ti maikalima nga anghel ti trumpetana. Nakitak ti maysa a bituen a natnag manipud langit a nagdisso ditoy daga, ket naited kenkuana ti tulbek ti ruangan ti nakaun-uneg a yuyeng.

Paltiing 9:20

Saan a nagbabawi dagiti tattao a nakalasat kadagitoy a didigra. Dida insardeng ti panagdaydayawda kadagiti demonio ken kadagiti didiosen nga inaramidda—dagiti ladawan a balitok, pirak, bronse, bato ken kayo a di makakita, makangngeg wenno makapagna.