Paltiing 12:5 - Ti Baro a Naimbag a Damag Biblia

⁵ Ket impasngay ti babai ti maysa a lalaki a mangiturayto iti amin a nasion babaen iti sarukod a landok. Ngem narabsut ti maladaga ket naipan iti Dios a situtugaw iti tronona.

Ti Biblia (1973)

⁵ Ket inyanacna ti maysa nga anac a lalaki, a mangiturayto cadagiti isu-amin a pagpagarian babaen ti maysa a sarucod a landoc; ket daydi anacna naitayab agingga iti Dios idiay tronona.

Paltiing 12:5 Iomraidhean Croise

Isaias 66:7

“Mayarig ti nasantoan a siudadko iti ina a kellaat a nangipasngay iti anak a lalaki, a pulos a di nagpasikal.

Isaias 7:14

Ngarud, ti Apo a mismo ti mangted kenka iti pagilasinan. Adtoy, agsikogto ti maysa nga agtutubo a balasang. Aganakto iti lalaki ket panagananna iti Immanuel.

Jeremias 31:22

Kasano pay kabayag ti panagsarimadengyo, dakayo a saan a napudno a tattao? Pinarsuak ti maysa a baro a banag; naidumduma a kas iti babai a mangsalaknib iti lalaki.”

Mikias 5:3

Ngarud, yawatto ni Yahweh dagiti tattaona kadagiti kabusorda agingga nga ipasngay ti babai ti anakna a lalaki. Kalpasanna, agsublinto dagiti kadaraanna a naitalaw a kas balud ket maitiponda kadagiti kailianda.

San Mateo 1:25

Ngem saanna a dinennaan ni Maria sakbay a nangipasngay iti anak a lalaki a pinanaganan ni Jose iti Jesus.

San Marcos 16:19

Kalpasan ti pannakisao ni Apo Jesus kadakuada, nayuli sadi langit, ket nagtugaw iti makannawan ti Dios.

2 Taga-Corinto 12:2

Am-ammok ti maysa a Kristiano a naipangato iti maikatlo a langit. Sangapulo ket uppat a tawenen ti napalabas (diak laeng ammo no sibabagi a napan wenno saan—ti Dios laeng ti makaammo).

2 Taga-Corinto 12:4

Nangngegna sadiay dagiti banag a di mabalin a saritaen, a saan koma a sawen ti tao.

Paltiing 11:12

Kalpasanna, nangngeg dagiti dua a profeta ti maysa a napigsa a timek a naggapu sadi langit. “Umulikayo ditoy!” kinunana kadakuada. Ket bayat ti panangkita kadakuada dagiti kabusorda, naipangatoda sadi langit babaen iti maysa nga ulep.

Paltiing 12:13

Idi nadlaw ti dragon ti pannakaitappuakna ditoy daga, kinamatkamatna daydi babai a nangipasngay iti ubing a lalaki.

Paltiing 12:2

Dandani agpasngay ket agik-ikkis iti sakit ken rigatna nga agpasikal.

Paltiing 19:15

Manipud iti ngiwatna, rimmuar ti maysa a natadem a kampilan a pangparmekna kadagiti pagilian. Iturayannanto ida babaen iti baston a landok, ket manipud iti pagpespesan iti ubas, pagayusennanto ti arak ti napalalo a pungtot ti Mannakabalin-amin a Dios.