Paltiing 12:3 - Ti Baro a Naimbag a Damag Biblia

³ Sabali pay a nakaskasdaaw a pagilasinan ti nagparang iti langit: Adda dakkel a dragon a nalabaga a pito ti ulona ken sangapulo ti sarana. Adda korona ti tunggal ulo.

Ti Biblia (1973)

³ Ket nakita ti sabali a nacascasdaaw sadi langit; ket adtoy ti maysa a dackel a dragon a nalabaga, nga adda pito nga olona ken sangapulo a sarana, ket iti rabaw dagiti ol-olona, pito a corona.

Paltiing 12:3 Iomraidhean Croise

Isaias 27:1

Iti dayta nga aldaw, usarento ti Apo ti nabileg ken makapatay a kampilanna a pangdusa iti Leviatan, dayta agkalkalawikiw ken agtirtiritir a dragon, ket gudasenna dayta nakabutbuteng a parsua nga agnaed iti taaw.

Isaias 51:9

Agriingka, O takiag ti Apo, ket tulongannakami! Aramatem ti bilegmo ket isalakannakami; aramatem a kas iti inaramidmo kadagiti nagkauna a tiempo, idi rinangrangkaymo ni Rahab.

Isaias 9:15

Dagiti lallakay ken mararaem isuda ti ulo. Dagiti profeta a mangisursuro iti kinaulbod isuda ti ipus!

Daniel 2:41

Nakitam met a naglaok a damili ken landok dagiti saka ken ramayna. Kayatna a sawen, a mabingbingayto a kas imperio. Ngem natangkento a kas iti landok, uray no naglaok a landok ken damili.

Daniel 2:42

Kastoy met ti kayat a sawen ti sakana a naaramid iti naglaok a landok ken damili: napigsanto ti pagarian, ngem nalakanto a marpuog.

Daniel 7:20

Tinarigagayak pay nga ammoen ti maipapan kadagiti sangapulo a sara iti ulona, ken iti bassit a sara a nagtubo a nakaigapuan ti pannakaparut ti tallo kadagiti sara. Adda ngiwatna ket kasta unay ti palangguadna. Ad-adda a nakabutbuteng ti langana ngem dagiti dadduma a sara.

Daniel 7:24

Dagiti sangapulo a sara isuda dagiti sangapulo nga ari a mangiturayto iti dayta a pagarian. Kalpasanna, tumaudto ti sabali nga ari a maigiddiat unay kadagiti sinarunona. Parmekennanto dagiti tallo nga ari.

Paltiing 12:1

Nagparang iti langit ti sabali a nakaskasdaaw a pagilasinan. Adda babai a nagkawes iti init, ken agtugtugaw a naisaad dagiti dapanna iti bulan: iti ulona adda korona a binukel ti sangapulo ket dua a bituen.

Paltiing 12:13

Idi nadlaw ti dragon ti pannakaitappuakna ditoy daga, kinamatkamatna daydi babai a nangipasngay iti ubing a lalaki.

Paltiing 12:17

Gapu iti pungtot ti dragon, napanna ginubat dagiti nabati nga annak ti babai, dagiti amin nga agtungtungpal kadagiti bilbilin ti Dios ken mangsaksaksi iti pudno nga impaltiing ni Jesus.

Paltiing 12:4

Babaen iti ipusna, inaprasna ti apagkatlo dagiti bituen iti langit sana intappuak ida iti daga. Nagtakder ti dragon iti sangoanan ti babai nga agpaspasikal tapno alun-onenna ti ubing apaman a mayanak.

Paltiing 12:7

Kalpasanna, bimtak ti gubat sadi langit. Rinaut ni Miguel ken dagiti anghelesna ti dragon. Nakirupak ti dragon ken dagiti anghelesna.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Paltiing 13:1

Nakitak ti maysa a narungsot nga animal a rumrumkuas iti taaw. Pito ti ulona ket sangapulo met ti sarana. Nagkorona ti tunggal sara ket iti tunggal ulo, adda dagiti naisurat a nagan a nanglais iti Dios.

Paltiing 13:2

Kasla leopardo ti nakitak nga animal, kasla agsaksaka nga oso, ken kasla agngiwngiwat a leon. Inted kenkuana ti dragon ti bukodna a pannakabalin, ti trono ken ti naindaklan a turayna.

Paltiing 13:4

Nagdaydayaw dagiti amin a tattao iti dragon gapu ta intedna ti turayna iti animal. Nagdaydayawda met iti animal. “Siasino ti kas iti narungsot nga animal?” kinunada. “Siasino ti makabael a makirupak kenkuana?”

Paltiing 15:1

Nakitak sadi langit ti sabali a naindaklan a pagilasinan, maysa a nakaskasdaaw a buya. Pito nga angheles nga addaan kadagiti pito a didigra. Dagitoy dagiti maudi a pakatungpalan ti napalalo a pungtot ti Dios.

Paltiing 16:13

Ket nakakitaak iti tallo a narugit nga espiritu a kasla tukak a rumrummuar kadagiti ngiwat ti dragon, ti narungsot nga animal ken ti sinan-profeta.

Paltiing 17:12

“Dagiti sangapulo a sara a nakitam, isuda dagiti sangapulo nga ari a di pay nagturay, ngem agturaydanto a kaduada ti narungsot nga animal iti uneg ti maysa nga oras.

Paltiing 17:16

Guraento dagiti nakitam a sangapulo a sara ken ti narungsot nga animal ti immoral a babai. Agawendanto amin a sanikuana sada panawan a lamolamo. Kanendanto ti lasagna ket puorandanto ti nabati.

Paltiing 17:7

“Apay a masdaawka?” sinaludsod ti anghel kaniak. “Ibagak kenka ti nalimed a kaipapanan ti babai ken ti nagsakayanna a narungsot nga animal nga adda pito nga ulona ken sangapulo a sarana.

Paltiing 19:12

Kasla gumilgil-ayab nga apuy dagiti matana ket adu ti korona iti ulona. Naisurat ti naganna iti bagina, ngem isu laeng ti makaammo iti kaipapananna.

Paltiing 20:2

Tiniliwna ti dragon, daydi duduogan nga uleg nga isu ti Diablo ken Satanas, sana kinawaran tapno saan a makaruk-at iti unos ti 1,000 a tawen.