Paltiing 12:2 - Ti Baro a Naimbag a Damag Biblia

² Dandani agpasngay ket agik-ikkis iti sakit ken rigatna nga agpasikal.

Ti Biblia (1973)

² Ket isu, masicog idi, ket agickis iti panagpasicalna, ken agrigrigat nga agpasngay.

Paltiing 12:2 Iomraidhean Croise

Isaias 26:17

Sika, O Apo, ti gapu ti panagasugmi; arigmi iti agpasikal nga agpukkaw gapu iti rigatna.

Isaias 53:11

Agrag-onto manen kalpasan ti panagtutuokna; maammoannanto nga adda serbi ti panagsagabana. Isu ti nalinteg nga adipenko, awitennanto ti dusa dagiti adu, ket gapu kenkuana pakawanekto ida.

Isaias 54:1

Jerusalem, kaska la babai nga awan idi ti anakna; ngem ita, mabalinmon ti agkanta ken umkis iti rag-o. Ad-adunto ti anakmo ngem ti babai a di pinanawan ti asawana.

Isaias 66:6

Denggenyo! Dayta arimbangaw iti siudad, dayta ikkis nga aggapu iti Templo, isut' timek ti Apo a mangdusdusa kadagiti kabusorna!

Mikias 4:9

Apay nga aganug-ogka? Apay a kaska la agpasikal a makarikna iti ut-ot? Gapu kadi ta awan ti arim ken natayen dagiti mamalbalakad kenka?

Mikias 5:3

Ngarud, yawatto ni Yahweh dagiti tattaona kadagiti kabusorda agingga nga ipasngay ti babai ti anakna a lalaki. Kalpasanna, agsublinto dagiti kadaraanna a naitalaw a kas balud ket maitiponda kadagiti kailianda.

San Mateo 24:8

Pangrugian laeng amin dagitoy ti panagsagaba a kas iti panangrugi ti panagsagaba ti agpasngay.

San Juan 16:21

Agdanag ti babai no agpasikalen, ta dimtengen ti oras a panagsagabana, ngem no maipasngaynan ti ubing, malipatannan ti rigatna gapu iti ragsakna ta nayanak ti maysa a maladaga ditoy lubong.

Taga-Galacia 4:19

Ingungotek nga annak! Mariknak manen nga agrigatak a kas iti panagpasikal ti maysa nga ina, agingga nga agbalinkayo a pudpudno a pasurot ni Cristo.

Taga-Galacia 4:27

Ta kuna ti Nasantoan a Surat: “Agragsakka, babai nga awanan anak! Agpukkaw ken agdir-ika iti rag-o, Sika a di pay nakarikna iti rigat ti agpasikal! Ta ad-adunto ti anak ti babai a nabaybay-an Ngem ti babai nga adda iti denna ti asawana.”

Paltiing 12:4

Babaen iti ipusna, inaprasna ti apagkatlo dagiti bituen iti langit sana intappuak ida iti daga. Nagtakder ti dragon iti sangoanan ti babai nga agpaspasikal tapno alun-onenna ti ubing apaman a mayanak.