Paltiing 12:11 - Ti Baro a Naimbag a Damag Biblia

¹¹ Pinarmek dagiti kakabsattayo babaen iti dara ti Kordero ken iti panangsaksida iti pudno. Siaayatda a mangipatli iti biagda gapu iti pammatida.

Ti Biblia (1973)

¹¹ Ket isu inabacda gapu iti dara ti Cordero ken gapu iti sao ti pammanecnecda, ket dida kinailalaan dagiti biagda agingga ken patay.

Paltiing 12:11 Iomraidhean Croise

San Lucas 14:26

“Saan a makapagbalin nga adalak ti siasinoman nga umay kaniak malaksid no dakdakkel ti panagayatna kaniak ngem ti panagayatna kadagiti nagannak kenkuana, ti asawana ken dagiti annakna, dagiti kakabsatna ken uray ti bagina met laeng.

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

Dagiti Aramid 20:24

Ngem saan a nasken no agbiagak man wenno matayak. Matungpalko la ketdi ti nakaibaonak ket maileppasko ti trabaho nga inted kaniak ni Apo Jesus—ti panangiwaragawagko iti Naimbag a Damag maipapan iti parabur ti Dios.

Dagiti Aramid 21:13

Ngem kinunana, “Apay a sangitandak? Apay a pagladingitenyo 'toy pusok? Saanak la a sisasagana a mareppet. Sisasaganaak pay a matay idiay Jerusalem gapu ken ni Apo Jesus.”

Taga-Roma 16:20

Iti mabiit, ti Dios a pagtaudan ti talna, parmekennanto ni Satanas. Adda koma kadakayo ti parabur ni Apotayo a Jesus.

1 Taga-Corinto 15:57

Ngem agyamantayo koma iti Dios a mangted iti balligi kadatayo babaen ken ni Apotayo a Jesu-Cristo.

1 Juan 4:4

Ngem kukuanakayo ti Dios, annakko, ket naparmekyon dagiti sinan-profeta, agsipud ta nabilbileg ti Espiritu nga adda kadakayo ngem ti espiritu nga adda kadagiti taga-lubong.

1 Juan 5:5

Siasino ti makaparmek iti lubong? Awan sabali no di ti mamati a ni Jesus ket Anak ti Dios.

Paltiing 1:2

ket impakaammo ni Juan ti amin a nakitana. Daytoy ti pammaneknekna maipapan iti mensahe a naggapu iti Dios ken iti kinapudno nga impakaammo ni Jesu-Cristo.

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 11:7

Inton maipakaammo dagiti dua a saksi ti mensaheda, rummuarto ti narungsot nga animal iti nakaun-uneg a yuyeng tapno gubatenna ida. Parmeken ken papatayennanto ida.

Paltiing 12:17

Gapu iti pungtot ti dragon, napanna ginubat dagiti nabati nga annak ti babai, dagiti amin nga agtungtungpal kadagiti bilbilin ti Dios ken mangsaksaksi iti pudno nga impaltiing ni Jesus.

Paltiing 19:10

Nagpaklebak iti sakaananna tapno agdaydayawak kenkuana, ngem kinunana, “Dimo aramiden ti kasta! Adipenak met a kas kenka ken kas kadagiti kakabsatmo a nangpaneknek iti pudno maipapan ken ni Jesus. Ti Dios laeng ti pagdaydayawam!” Ta ti pammaneknek maipapan ken ni Jesus isu ti mangtignay kadagiti profeta.

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 2:17

“No adda pannakaawatyo, denggenyo ngarud ti kuna ti Espiritu kadagiti iglesia: “Ti agballigi, ikkakto iti naidulin a taraon. Ikkakto pay ti tunggal maysa iti puraw a bato a nakaimalditan ti baro a nagan nga awan ti makaammo malaksid ti umawat.”

Paltiing 2:26

Ti agballigi nga agtungpal iti pagayatak agingga iti panungpalan, ikkakto iti pannakabalin a kas iti inawatko ken ni Amak: Pagturayekto kadagiti nasion

Paltiing 2:7

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, ikkakto iti kalintegan a mangan iti bunga ti kayo ti biag nga adda iti minuyongan ti Dios.”

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.

Paltiing 3:12

“Ti agballigi, pagbalinekto a maysa kadagiti adigi iti templo ti Diosko, ket agyanto sadiay iti agnanayon. Ikitikitkonto kenkuana ti nagan ti Diosko ken ti nagan ti siudad ti Diosko, ti baro a Jerusalem a bumabanto manipud langit ken aggapu iti Diosko. Ikitikitkonto met kenkuana ti baro a naganko.

Paltiing 3:21

“Ti agballigi, ikkakto iti kalintegan nga agtugaw iti dennak iti tronok, kas kaniak a nagballigi, ket ita, agtugtugawak iti abay ni Amak iti tronona.

Paltiing 3:5

Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.

Paltiing 6:9

Inikkat ti Kordero ti maikalima a timbre. Nakitak iti sirok ti altar dagiti kararua dagiti napapatay gapu ta impakaammoda ti sao ti Dios ken napudnoda idi iti panagsaksida.