Paltiing 12:1 - Ti Baro a Naimbag a Damag Biblia

¹ Nagparang iti langit ti sabali a nakaskasdaaw a pagilasinan. Adda babai a nagkawes iti init, ken agtugtugaw a naisaad dagiti dapanna iti bulan: iti ulona adda korona a binukel ti sangapulo ket dua a bituen.

Ti Biblia (1973)

¹ Ket maysa a dackel a pagilasinan nakita idiay langit: Maysa a babai a sicacawes iti init, ket ti bulan iti baba dagiti sacsacana ket iti olona maysa a balangat a sangapulo ket dua a bituen;

Paltiing 12:1 Iomraidhean Croise

2 Cronicas 32:31

Uray idi dimteng dagiti pannakabagi ti Babilonia tapno agdamagda kadagiti karkarna a pasamak iti daga, pinalubosan ti Dios nga aramiden ni Hezekias ti kaykayatna tapno suotenna laeng ti kababalinna.

Dagiti Salmo 104:2

nabungonka iti lawag a kasla pagan-anay. Inukradmo dagiti langit a kasla tolda,

Dagiti Salmo 84:11

O Apo ken Diosmi, arigmo iti init ken kalasag; mangipaayka iti parabur ken dayaw. Dimo ipaidam ti nasayaat a banag kadagiti agaramid iti naimbag.

Kanta ni Solomon 6:10

“Siasino daytoy pumalpalludip a kas iti parbangon? Napintas, naraniag; makapurar a kas iti init wenno bulan Nakaskasdaaw a kas armada nga addaan kadagiti bandera.

Isaias 61:10

Agrag-o ti Jerusalem gapu iti inaramid ni Yahweh. Mayarig iti babai a nakawesan iti aldaw a panagkasarna. Kinawesan ti Dios iti pannakaisalakan ken balligi!

Isaias 62:3

Agbalinkanto a napintas a korona iti ima ti Apo.

Zacarias 9:16

Inton dumteng dayta nga aldaw, isalakanto ti Apo dagiti tattaona, a kas iti panangispal ti agpaspastor iti arbanna. Agraniagdanto iti dagana a kasla napateg a bato a naitampok iti korona.

Malakias 4:2

Ngem kadakayo nga agtungpal kaniak, kaslanto init a lumgak ti pannakabalinko a mangisalakan ken mangyeg iti pannakapaimbag. Rumuarkayto a siraragsak a kas kadagiti urbon ti baka a naipupok.

San Mateo 12:38

Nagsao ti sumagmamano a mamaestro iti Linteg ken sumagmamano a Fariseo. “Maestro,” kinunada, “ipakitaannakami man iti milagro.”

San Mateo 24:30

Agparangto idiay langit ti pagilasinan iti yaay ti Anak ti Tao. Ket agdung-awto dagiti amin a tattao ditoy daga inton makitada ti Anak ti Tao iti rabaw dagiti ulep ti langit nga umay a napnoan pannakabalin ken naindaklan a dayag.

San Marcos 13:25

agtinnagto dagiti bituen, ket dinto agsusurot ti urnos dagiti pannakabalin iti tangatang.

San Lucas 21:11

Addanto dagiti nakaam-amak a ginggined, panagbisin ken angol kadagiti nadumaduma a disso, ket iti tangatang agparangto dagiti nakabutbuteng a banag ken nakaskasdaaw a pagilasinan.

San Lucas 21:25

“Addanto dagiti nakaskasdaaw a pagilasinan iti init, iti bulan ken dagiti bituen. Ditoy daga, masikoranto dagiti nasion gapu iti butengda iti daranudor ti baybay ken kadagiti dalluyon.

San Juan 3:29

Ti nobio ti akinkukua iti nobia; ti gayyem ti nobio agsiput ken agdengngeg ket maragsakan no mangngegna ti timek ti nobio. Ngarud, naan-anayen ti ragsakko.

Dagiti Aramid 2:19

Agipakitaakto kadagiti pagsidsiddaawan sadi langit, Ken milagro ditoy daga. Addanto dara, apuy, ken napuskol nga asuk.

Taga-Roma 13:14

Ikawesyo ketdi ni Apo Jesu-Cristo a kas armasyo ket isardengyon a pagustoan ti dakes a tarigagay dagiti bagbagiyo.

Taga-Roma 3:22

Palintegen ti Dios dagiti tattao gapu ta mamatida ken ni Jesu-Cristo. Aramiden ti Dios daytoy kadagiti amin a mamati ken ni Cristo, ta awan a pulos ti pagdudumaanda.

2 Taga-Corinto 11:2

Agimonak kadakayo, kas iti panagimon ti Dios. Mayarigkayo iti natarnaw a balasang nga intulagko a mayasawa laeng ken ni Cristo.

Taga-Galacia 3:27

Nabuniagankayo iti pannakipagmaymaysayo ken ni Cristo ket iti kasta, inkawesyo a mismo ni Cristo.

Taga-Galacia 4:26

Ngem siwawayawaya ti nailangitan a Jerusalem, ket isu ti inatayo.

Taga-Galacia 6:14

Ngem iti biangko, ti laeng krus ni Apotayo a Jesu-Cristo ti pagpasindayagko; ta babaen iti krusna, natay ti lubong kaniak, ket natayak met iti lubong.

Taga-Efeso 5:32

Adda dakkel a kinapudno nga iparangarang daytoy a paset ti Nasantoan a Surat, ket maawatak a mayaplikar daytoy ken ni Cristo ken iti iglesia.

Paltiing 1:20

“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”

Paltiing 11:19

Nalukatan ti templo ti Dios sadi langit, ket nakitak ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Paltiing 12:3

Sabali pay a nakaskasdaaw a pagilasinan ti nagparang iti langit: Adda dakkel a dragon a nalabaga a pito ti ulona ken sangapulo ti sarana. Adda korona ti tunggal ulo.

Paltiing 15:1

Nakitak sadi langit ti sabali a naindaklan a pagilasinan, maysa a nakaskasdaaw a buya. Pito nga angheles nga addaan kadagiti pito a didigra. Dagitoy dagiti maudi a pakatungpalan ti napalalo a pungtot ti Dios.

Paltiing 21:14

Nabangon ti bakud ti siudad iti sangapulo ket dua a bato a nakaisuratan ti nagan dagiti sangapulo ket dua nga apostoles ti Kordero.

Paltiing 21:23

Saanen a masapul ti init ken ti bulan a manglawag iti siudad agsipud ta ti dayag ti Dios ti mangranraniag ket ti Kordero ti pagsilawan.