Paltiing 11:5 - Ti Baro a Naimbag a Damag Biblia

⁵ No adda mangranggas kadakuada, rummuar ti apuy iti ngiwatda ket dadaelenda dagiti kabusorda. Kasta ti pannakapapatay ti siasinoman nga agpanggep a mangranggas kadakuada.

Ti Biblia (1973)

⁵ Ket no adda manggayagay a mangranggas cadacuada, rummuar ti apuy cadagiti ngiwatda, ket alununenna dagiti cabusorda; ket no adda manggayagay a mangranggas cadacuada, masapul a mapapatay iti castoy.

Paltiing 11:5 Iomraidhean Croise

Dagiti Salmo 18:8

Rimmuar ti asuk iti agongna, kasta met ti gumilgil-ayab nga apuy ken umap-apuy a beggang iti ngiwatna.

Isaias 11:4

Nalintegto ti panangukomna kadagiti napanglaw; salaknibannanto ti kalintegan ti awan gawayna. Agbilinto ket madusa ti daga; matayto dagiti managdakdakes a tattao.

Jeremias 1:10

Ita nga aldaw, ikkanka iti pannakabalin a mangituray kadagiti pagilian ken pagarian, nga agparut ken agrakrak, agdadael ken agparmek, agbangon ken agmula.”

Ezekiel 43:3

Umasping daytoy a parmata iti nakitak idi narebbek ti Jerusalem ken iti nakitak idi idiay igid ti Karayan Kebar. Nagpaklebak.

Oseas 6:5

Daytoy ti gapuna nga imbaonko dagiti profetak a mangipakaammo iti pangngeddengko a mangyeg iti panagdadael. Nalawag ti kayatko nga aramiden kadakayo a tattaok.

Zacarias 1:6

Babaen kadagiti adipenko a profeta, nangtedak kadagiti kapuonanyo kadagiti ballaag ken bilin. Saanda a nangikaskaso ket sinagabada ti dusa ti kinasukirda. Nagbabawida met laeng ket binigbigda a dinusak ida kas maikari kadakuada ken kas inkeddengko nga aramiden.’”

Zacarias 2:8

Siasinoman a mangkabil kadakayo, kabilenna ti kapatgan kaniak.” Ngarud, inted kaniak ti Apo a Mannakabalin-amin daytoy a mensahe sanak imbaon kadagiti nasion a nangsamsam kadagiti sanikua dagiti tattaona ket imbagak:

Paltiing 13:13

Nagiparang kadagiti nakaskasdaaw a pagilasinan ti maikadua a narungsot nga animal. Iti imatang ti amin, pinagtinnagna ditoy daga ti apuy manipud langit.

Paltiing 9:17

Ket nakitak iti parmatak dagiti kabalio ken dagiti nakasakay a nakakabal iti kasla kolor ti apuy, asul a kasla kolor ti safiro ken amarillo a kasla kolor ti asufre. Kasla ulo ti leon ti ulo dagiti kabalio. Agipugpugsoda iti apuy, asuk ken asufre.