Paltiing 11:4 - Ti Baro a Naimbag a Damag Biblia

⁴ Dagiti dua a saksi isuda dagiti dua a puon nga olibo ken dagiti dua a pagsilawan iti sangoanan ti Apo ti entero a daga.

Ti Biblia (1973)

⁴ Dagitoy isuda dagidi dua a cayo ti olivo ken dagidi dua a pagsilawan, nga actatacderda iti sangoanan ti Apo ti isu-amin a daga.

Paltiing 11:4 Iomraidhean Croise

1 Ar-ari 17:1

Adda profeta nga agnagan iti Elias a taga-Tisbe idiay Galaad. Kinunana ken ni Ari Ahab, “Iti nagan ti Apo a sibibiag a Dios ti Israel, isu a pagserserbiak, isapatak nga awanto ti linnaaw wenno tudo kadagitoy umay a tawen agingga nga ibagak nga adda agtinnag.”

Dagiti Salmo 52:8

Ngem siak, mayarigak iti nalangto nga olibo iti balay ti Dios. Agtalekak iti di agbalbaliw nga ayatna iti agnanayon nga awan ingganna.

Exodo 8:22

Ngem ilisikto ti daga ti Gosen a pagnaedan dagiti tattaok, ket awanto ti ngilaw sadiay. Aramidek daytoy tapno maammoam a siak, ni Yahweh, ti mannakabalin iti daytoy a daga.

Isaias 54:5

Kaslanto maysa nga asawa ti pannakilangen kenka ti Namarsua— Apo a Mannakabalin-amin ti naganna. Isalakannakanto ti Nasantoan a Dios ti Israel— isu ti agturay iti entero a lubong.

Jeremias 11:16

Inawagak ida idi iti narukbos ken napintas nga olibo nga adu ti napipintas a bungana. Ngem ita, babaen iti gumilgil-ayab nga apuy, puorakto dagiti bulongna ken ikisapkonto dagiti sangana.

Mikias 4:13

Kuna ti Apo, “Tattao ti Jerusalem, inkayo dusaen dagiti kabusoryo! Pagbalinenkayo a kas iti napigsa a toro a baka a limmandok ti sarana ken bimronze ti kukona. Ibaddebaddekyo dagiti adu a nasion agingga a marumrumekda. Idatagyonto kaniak dagiti inagawda a kinabaknang; wen, siak nga Apo ti entero a lubong.”

San Lucas 11:33

“Awan manggangat iti pagsilawan sana ilinged wenno kaluban. Iparabawna ketdi iti nairanta a pagsaadanna tapno makita dagiti tattao ti lawagna apaman a sumrekda iti balay.

San Lucas 21:36

Agsalukagkayo ket agkararagkayo a kankanayon tapno addanto naan-anay a kiredyo nga agibtur kadagiti amin a mapasamak, ken agtakder iti sangoanan ti Anak ti Tao.”

Taga-Roma 11:17

Nasip-ak ti sumagmamano a sanga ti natartaripato nga olibo, ket naisulbong iti daytoy a kayo ti sanga ti balang nga olibo. Sika a Hentil, mayarigka iti dayta balang nga olibo, ket mairanudka ita iti natibker ken nabunga a biag dagiti Judio.

Deuteronomio 10:8

Iti bantay, dinutokan ti Apo dagiti lallaki iti tribu ni Levi a mangaywan iti Lakasa ti Tulag ken agserbi kenkuana a kas padi ken mamendision iti nagan ti Apo. Daytoy pay laeng ti akemda agpapan ita.

Paltiing 1:20

“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”