Paltiing 11:2 - Ti Baro a Naimbag a Damag Biblia

² Ngem dimo rukrukoden ti akinruar a paraangan ti templo agsipud ta naited daytoy kadagiti pagilian—baddebaddekandanto ti Nasantoan a Siudad iti las-ud ti tallo ket gudua a tawen.

Ti Biblia (1973)

² Ket ti paraangan iti ruar ti Templo, lacsidem, ket dica rucuden; ta naiteden cadagiti gangannaet ket ipayatdanto ti nasantoan a ciudad cadagiti uppat a pulo ket dua a bulan.

Paltiing 11:2 Iomraidhean Croise

Dagiti Salmo 79:1

O Dios, rinaut dagiti pagano ti daga dagiti tattaom. Tinulawanda ti nasantoan a Templom. Ket rinebbekda ti Jerusalem.

Isaias 48:2

Ket kaskasdi a natangsitkay a mangibaga nga umilikay iti nasantoan a siudad, ket agtalekkay iti Dios ti Israel nga Apo a Mannakabalin-amin ti naganna.

Isaias 5:5

“Kastoy ti aramidek iti kaubasak. Ikkatek dagiti mula a pannakaaladna. Rebbaek ti bakudna ket bay-ak nga araben ken payatpayaten dagiti atap nga animal.

Isaias 52:1

Jerusalem, bumilegka ket ipakitam ti kinatan-okmo manen! Nasantoan a siudad ti Dios, yarruatmo ti nadaeg a kawesmo! Dinton sumrek kadagiti ruanganmo dagiti saan a mamati iti Dios.

Dungdung-aw 1:10

Sinamsam ti kabusor ti amin a gamengna. Nakitana ti iseserrekda iti mismo a Templo, ti lugar nga iparit ni Yahweh a serken dagiti Hentil.

Ezekiel 4:6

Inton aggibus dagitoy nga aldaw, agballikidkanto iti makannawanmo, ket sagabaem ti basol ti Juda iti 40 nga aldaw—maysa nga aldaw ti tunggal tawen ti dusada.

Ezekiel 42:20

Iti kasta, sakupen ti bakud ti 840 a kadapan a kuadrado. Agserbi ti bakud a kas baet ti nasantoan a lugar ken ti saan a nasantoan.

Daniel 12:7

Ingngato ti anghel dagiti imana sadi langit ket nagsapata iti nagan ti Agnanayon a Dios. Nangngegko a kinunana, “Tallo ket gudua a tawen. Inton agpatinggan ti pannakaidadanes dagiti tattao ti Dios, mapasamakto aminen dagitoy a bambanag.”

Daniel 7:19

Tinarigagayak nga ammoen ti maipapan iti maikapat a narungsot nga animal a naigiddiat ti langana kadagiti dadduma. Ngamin, nakabutbuteng gapu kadagiti ngipenna a landok ken bronse a kukona a pinanglasanglasangna kadagiti pinapatayna sana imbaddebaddek ida.

Daniel 7:25

Agsaonto iti maibusor iti Kangatoan a Dios, ket idadanesnanto dagiti tattao ti Dios. Kayatnanto a baliwan dagiti linteg ken dagiti panawen. Tallonto ket kagudua a tawen nga iturayanna dagiti tattao ti Dios.

Daniel 8:10

Bimmileg iti kasta unay ket dinarupna ti armada ti langit, dagiti mismo a bituen. Impurruakna ditoy daga ti sumagmamano kadakuada sana binaddebaddek ida.

Daniel 8:13

Kalpasanna, nangngegko ti maysa nga anghel a nagsaludsod iti sabali nga anghel, “Kasano ti kabayag dagiti napasamak iti parmata? Kasano ti kabayag ti makarimon a basol a suno dagiti inaldaw a daton, ken ti pannakaibaddebaddek ti Templo ken ti armada ti langit?”

Daniel 8:14

Nangngegko ti sungbat ti sabali nga anghel, “Agpaut iti 1,150 nga aldaw. Kabayatan dayta a tiempo, awan ti maidatag a daton iti bigat ken malem. Kalpasanna, agsublinton ti sigud a kasasaad ti Templo.”

Numero 14:34

Uppat a pulonto a tawen nga ikaroyo dagiti basolyo. Uppat a pulo nga aldaw a sinukimatyo ti daga, ket maysa a tawen ti kaibatogan ti maysa nga aldaw. Maammoanyonto ti kaipapanan ti panangbusorko kadakayo.

San Mateo 27:53

Rimmuarda kadagiti tanem ket kalpasan ti panagungar ni Jesus, napanda iti Nasantoan a Siudad a nakakitaan kadakuada dagiti adu a tattao.

San Mateo 4:5

Ti Diablo inturongna ni Jesus iti Nasantoan a Siudad ket impanna iti kangatoan a paset ti Templo,

San Mateo 5:13

“Dakayo ti pannakaasin dagiti amin a tattao. Ngem no timmamnayen ti asin, saanen a mapaapgad. Awan serserbinan, no di ket maibelleng ken mapaypayatan.

San Lucas 21:24

Addanto dagiti mapapatay iti kampilan ket maipanto ti dadduma a kas balud kadagiti amin a pagilian. Baddebaddekento dagiti Hentil ti Jerusalem, agingga iti panagpatingga dagiti aldaw dagiti Hentil.”

Hebreo 10:29

Panunotenyo no kasano ti kadagsen ti dusa ti tao a manglalais iti Anak ti Dios, mangumsi iti dara a nangpatalged iti tulag a nangugas kenkuana iti basol ken agsao iti maibusor iti managparabur nga Espiritu!

Paltiing 11:11

Ngem kalpasan ti tallo ket gudua nga aldaw, pinagungar ida ti Dios ket timmakderda. Kasta unay ti buteng dagiti nakaimatang kadakuada.

Paltiing 11:3

Nupay kasta, ikkakto ti pannakabalin dagiti dua a saksik a nakakawes iti nakersang a lupot ket ipakaammodanto ti mensahe ti Dios iti uneg ti 1,260 nga aldaw.”

Paltiing 12:6

Nagkamang ti babai iti let-ang, iti maysa a lugar nga insagana ti Dios a pakataripatoanna iti uneg ti 1,260 nga aldaw.

Paltiing 21:10

Addaak iti pannakabalin ti Espiritu ket impannak ti anghel iti rabaw ti nakangatngato a bantay. Impakitana kaniak ti Jerusalem, ti Nasantoan a Siudad a bumabbaba manipud langit nga aggapu iti Dios.

Paltiing 21:2

Ket nakitak ti Nasantoan a Siudad, ti baro a Jerusalem, a bumabbaba manipud langit nga aggapu iti Dios, a kas iti babai a nakawesan nga agkasar ken mangpadpadaan iti lalaki a mangikallaysa kenkuana.

Paltiing 22:19

Ket no adda mangikkat iti aniaman kadagiti padto a naisurat iti daytoy, ikkatento met ti Dios ti kalinteganna a mairanud iti kayo ti biag. Ikkatento pay ti Dios ti kalinteganna a mairaman iti Nasantoan a Siudad kas nailanad iti daytoy a libro.