Paltiing 11:16 - Ti Baro a Naimbag a Damag Biblia

¹⁶ Nagpakleb dagiti duapulo ket uppat a panglakayen a situtugaw iti tronoda iti sangoanan ti Dios ket nagdaydayawda kenkuana

Ti Biblia (1973)

¹⁶ Ket dagiti duapulo ket uppat a lallacay nga situtugaw cadagiti tronoda iti sangoanan ti Dios, nagrucnoyda agingga iti baba ket nagdaydayawda iti Dios,

Paltiing 11:16 Iomraidhean Croise

San Mateo 19:28

Kinuna ni Jesus kadakuada, “Ibagak daytoy kadakayo: Inton agtugaw ti Anak ti Tao iti nagloriaan a tronona iti baro a lubong, dakayo a simmurot kaniak, agtugawkayto met kadagiti sangapulo ket dua a trono a mangituray kadagiti 12 a tribu ti Israel.

Paltiing 19:4

Nagpakleb dagiti duapulo ket uppat a panglakayen ken dagiti uppat a sibibiag a parsua, ket nagdaydayawda iti Dios nga agtugtugaw iti trono. Kinunada, “Amen! Madaydayaw ti Dios!”

Paltiing 4:10

agrukbab dagiti duapulo ket uppat a panglakayen iti sangoanan ti trono ket agdaydayawda iti situtugaw sadiay, isu nga agbiag iti agnanayon nga awan inggana. Ipurruakda ti koronada iti sangoanan ti trono sada kuna:

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 5:14

“Amen,” insungbat dagiti uppat a sibibiag a parsua. Ket nagparintumeng dagiti panglakayen sada nagdaydayaw.

Paltiing 7:11

Linikmut dagiti amin nga angheles ti trono, dagiti panglakayen ken dagiti uppat a sibibiag a parsua. Nagpaklebda iti sangoanan ti trono ket nagdaydayawda iti Dios.