Paltiing 11:15 - Ti Baro a Naimbag a Damag Biblia

¹⁵ Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Ti Biblia (1973)

¹⁵ Ket daydi maicapito nga angel nagtangguyob: ket simmaruno dagiti dacdackel a timec idiay langit, ket kinunada: Ti pagarian ti lubong nagbalin a cucua ni Apotayo ken ni Cristona: Ket agoninto nga awan ingana.

Paltiing 11:15 Iomraidhean Croise

Dagiti Salmo 110:4

Insapata ti Apo ket dinanto ibabawi: “Padikanto nga agnanayon, a kas iti kinapadi ni Melkisedec.”

Dagiti Salmo 146:10

Agnanayon ti panagturay ti Apo; wen, O Sion, agarinto ti Diosmo iti amin a tiempo. Madaydayaw ti Apo!

Dagiti Salmo 2:2

Agtutulag nga agmaymaysa dagiti agtuturayda busorenda ti Apo, ken iti ari a pinilina.

Dagiti Salmo 72:11

Agrukbabto dagiti amin nga ari kenkuana, agserbinto kenkuana dagiti amin a pagilian.

Dagiti Salmo 82:8

Umayka, O Dios, ket iturayam ti lubong; kukuam amin a nasion.

Dagiti Salmo 86:9

Umayto dagiti amin a nasion a pinarsuam, ket agrukbabdanto iti sangoanam. Idaydayawdanto ti naganmo.

Exodo 15:18

Agari ti Apo iti agnanayon nga awan inggana.”

Isaias 27:13

Inton dumteng dayta nga aldaw, mapaguninto ti maysa a trumpeta a pangayab kadagiti amin nga Israelita a naipan idiay Asiria ken Egipto. Agsublidanto nga agdaydayaw iti Apo iti nasantoan a bantayna idiay Jerusalem.

Isaias 44:23

Agpukkawkayo iti rag-o, dakay a langlangit! Agpukkawkayo, dakay a nauneg a paset ti daga! Agpukkawkayo iti rag-o, dakay a bambantay, dakay a kaykayo iti kabakiran! Insalakan ti Apo dagiti tattaona nga Israelita, ket iti kasta, impakitana ti kinatan-okna.

Isaias 55:5

Ayabamto dagiti ganggannaet a nasion; saandaka idi nga am-ammo, ngem ita, agtataraydan nga umay tumipon kenka. Siak, ni Yahweh a Diosmo, ti Nasantoan a Dios ti Israel, ti mangaramidto kadagitoy, ket ikkankanto iti dayaw ken dayag.”

Isaias 9:7

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti Apo a Mannakabalin-amin.

Jeremias 16:19

O Apo, sika ti mangsalaknib kaniak ken mangted iti pigsak. Tulongannak iti tiempo ti rigat. Umayto kenka dagiti nasion nga aggapu iti amin a paset ti daga ket kunada, “Pasig a sinan-dios ti adda kadagidi kapuonanmi. Awan ti adda kadakuada no di laeng dagiti awan serserbina nga imahen.

Ezekiel 37:25

Agnaeddanto iti daga nga intedko ken ni adipenko a Jacob, iti daga a nagnaedan dagiti kapuonanda. Agnaeddanto sadiay iti agnanayon, kasta met dagiti annakda ken dagiti kaputotanda. Ninto David nga adipenko ti mangituray kadakuada iti agnanayon.

Ezekiel 47:5

Nangrukod pay iti 500 a metro; immadalem ti danum ket diak matukod. Adalem unay ket saan a maballasiw malaksid no langoyen.

Daniel 7:14

Inawatna sadiay ti pannakabalin, dayaw ken ti naarian a panagturay tapno agserbi kenkuana dagiti tattao iti amin a nasion, puli ken pagsasao. Agnanayonto ti pannakabalinna, ket dinto agpatingga ti pagarianna.

Daniel 7:18

Awatento dagiti tattao ti Kangatoan a Dios ti pannakabalin a mangituray iti pagarian ket tagikuaendanto iti agnanayon nga awan inggana.”

Daniel 7:22

Kalpasanna, dimteng ti sibibiag iti agnanayon ket inkalinteganna dagiti tattao ti Kangatoan a Dios. Dimtengen ti tiempo a panangawat dagiti tattao ti Dios iti pannakabalin a mangituray iti pagarian.

Daniel 7:27

Maitedto ti pannakabalin ken ti kinatan-ok dagiti amin a pagarian ditoy lubong kadagiti tattao ti Kangatoan a Dios. Agturaydanto iti agnanayon ket agserbi ken agtulnogto kadakuada dagiti amin a pagarian ditoy daga.”

Oseas 2:23

Ipasdekkonto dagiti tattaok iti pagilian ket parang-ayekto ida. Ipakitakto ti panagayatko kadagiti makunkuna a “Saan a Maay-ayat” ken kadagiti makunkuna a “Dakayo ti tattaok.” Kunakto, “Dakayo dagiti tattaok,” ket isungbatdanto, “Sika ti Diosmi.”

Obadias 1:21

Dagiti maingel a lallaki ti Jerusalem rautendanto ti Edom ket iturayanda. Agarinto a mismo ni Yahweh.”

Mikias 4:7

Awan ti kabaelanda ket adayoda iti dagada, ngem ipamuspusak a mangabaroanan manen dagiti natda agingga nga agbalinda a nabileg a nasion. Iturayakto ida idiay Bantay Sion manipud iti dayta a tiempo agingga iti agnanayon.”

Zacarias 14:9

Kalpasanna, agarinto ni Yahweh iti entero a lubong. Agdaydayawto ti tunggal maysa kenkuana a kas Dios ket maymaysanto ti naganna nga ammoda.

Zacarias 2:11

Iti dayta a tiempo, adunto a nasion ti kumamang iti Apo ket agbalindanto a tattaona. Makipagnaedto kadakayo, ket maammoanyonto nga imbaonnak kadakayo.

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

San Mateo 24:31

Aguninto ti dakkel a trumpeta, ket ibaonto ti Anak ti Tao dagiti anghelesna kadagiti uppat a suli ti lubong sadanto urnongen dagiti tattao a pinili ti Dios, manipud iti maysa a pungto ti daga agingga iti sabali.”

San Mateo 6:13

Dinakam iturong iti nakaro a pakasuotan; Ilisinakami ketdi iti Managdakdakes.’

San Lucas 1:33

Iturayannanto iti agnanayon dagiti kaputotan ni Jacob, ket dinto agpatingga ti panagarina.”

San Lucas 15:10

“Kasta met, ibagak kadakayo, nga agragsak dagiti angheles ti Dios gapu iti maysa a managbasol nga agbabawi.”

San Lucas 15:6

nga isangpet idiay balayna. Ayabanna dagiti gagayyem ken kaarrubana ket kunana kadakuada, ‘Maragsakanak unay ta nabirokak met laeng ti napukaw a karnerok! Agrambaktayo!’

Dagiti Aramid 4:26

Nagsagana a makigubat dagiti ari ditoy daga, Naguurnong dagiti agtuturay A bumusor iti Apo a Dios ken iti Cristona.’

Hebreo 1:8

Ngem no maipapan iti Anak, kunana daytoy: “Ti tronom, O Dios, agnanayon nga awan patinggana! Agturayka a sililinteg iti pagariam.

Paltiing 10:7

“Inton puyoten ti maikapito nga anghel ti trumpetana, ibanagton ti Dios ti nalimed a panggepna kas impakaammona idi kadagiti adipenna a profeta.”

Paltiing 12:10

Kalpasanna, nangngegko ti maysa a napigsa a timek sadi langit. Kinunana, “Dimtengen ti panangisalakan ti Dios, ti pannakabalinna ken ti pagarianna! Ipabigbigen ti Cristona ti turayna iti sangalubongan. Ta napagtalawen sadi langit ti mangidardarum kadagiti kakabsattayo iti pammati iti aldaw ken rabii iti sangoanan ti Dios.

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 16:17

Kalpasanna, imbuyat ti maikapito nga anghel ti malukongna iti angin. Adda napigsa a timek a naggapu iti trono iti templo. “Nalpasen!” kinunana.

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 19:1

Kalpasan daytoy, nangngegko ti kasla nagtitipon a timek ti adu a tattao sadi langit. Ikankantada: “Madaydayaw ti Dios! Ti pannakaisalakan, dayaw ken pannakabalin kukua ti Diostayo!

Paltiing 19:6

Kalpasanna, nangngegko ti kasla timek ti adu a tattao a kasla daranudor ti agdissuor a danum ken napigsa a gurruod. Kinunada: “Madaydayaw ti Dios! Ari ti Apo a Diostayo a Mannakabalin-amin!

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.

Paltiing 8:12

Pinuyot ti maikapat nga anghel ti trumpetana. Nadadael ti apagkatlo a paset ti init, ti apagkatlo a paset ti bulan ken ti apagkatlo a bilang dagiti amin a bituen, isut' gapuna a napukaw ti apagkatlo a lawagda. Nagsipnget iti apagkatlo a paset ti aldaw ken iti apagkatlo a paset ti rabii.

Paltiing 9:1

Pinuyot ti maikalima nga anghel ti trumpetana. Nakitak ti maysa a bituen a natnag manipud langit a nagdisso ditoy daga, ket naited kenkuana ti tulbek ti ruangan ti nakaun-uneg a yuyeng.

Paltiing 9:13

Pinuyot ti maikanem nga anghel ti trumpetana. Nakangngegak iti timek a naggapu kadagiti suli ti altar a balitok iti sangoanan ti Dios.