Paltiing 11:10 - Ti Baro a Naimbag a Damag Biblia

¹⁰ Maragsakanto dagiti tattao ditoy daga gapu iti ipapatay dagitoy dua. Agrarambak ken agririnnegalodanto agsipud ta natayen dagiti dua a profeta a nangyeg iti adu a panagsagaba iti sangkataoan.

Ti Biblia (1973)

¹⁰ Ket dagiti agnaed ditoy daga agragragoda maipuon cadacuada ket agrarambacda; ket agsisinnagutda; ta dagiti dua a mammadto pinarigatda dagiti agnaed ditoy daga.

Paltiing 11:10 Iomraidhean Croise

1 Ar-ari 18:17

Idi makitana ti profeta, kinunana, “A, addaka gayam, sika a kadaksan a mangrirriribuk iti Israel!”

1 Ar-ari 21:20

Idi makita ni Ahab ni Elias, kinunana, “Nasarakannak kadi met laengen, sika a kabusorko?” Insungbat ni Elias, “Wen, gapu ta impamaysam ti agaramid iti dakes iti imatang ti Apo.

1 Ar-ari 22:18

Kinuna ni Ahab ken ni Jehosafat, “Kitaem, imbagak kenka nga awan ti ipadto ni Micaias a naimbag maipapan kaniak; bin-ig a dakes!”

1 Ar-ari 22:8

“Adda pay maysa,” insungbat ni Ahab. “Isu ni Micaias nga anak ni Imla. Ngem kagurgurak ta awan pay naimbag nga impadtona maipapan kaniak; pasig a dakes.” “Saan a rumbeng a sawem dayta!” kinuna ni Jehosafat.

Dagiti Salmo 13:4

tapno di ibaga dagiti kabusorko a naparmekdak ket saanda nga agragsak no matnagak.

Dagiti Salmo 35:19

Dimo ipalubos dagiti naulbod a kabusorko nga agragsak iti pannakaparmekko! Dimo palubosan dagiti manggura kaniak nga awan gapgapuna a pagragsakanda ti panagladingitko.

Dagiti Salmo 89:42

Pinagballigim dagiti kabusorna; pinagragsakmo dagiti gumurgura kenkuana.

Dagiti Proverbio 24:17

Dika agragsak no madidigra ti kabusormo ket dika met agrag-o no maitibkol.

Jeremias 38:4

Napan ngarud dagiti ofisiales iti ari, ket kinunada kenkuana, “Masapul a mapapatay daytoy a tao. Gapu iti sasawenna, tumakrot dagiti soldado ken dagiti amin a tattao a nabati iti siudad. Saanna a tulongan dagiti tattao no di ket butbutngenna ida.”

Jeremias 50:11

Kuna ni Yahweh, “Dakayo a taga-Babilonia, sinamsamanyo ti nasionko. Agraragsak ken aglagtolagtokayo a sibaballigi, kaslakayo baka nga agir-irik iti trigo wenno kasla kabalio nga aggargaraigi,

Obadias 1:12

Saanka koma a nagragsak gapu iti daksanggasat a napagteng dagiti kakabsatmo idiay Juda. Saanka koma a nagrag-o iti aldaw a pannakadadaelda. Saanmo koma a kinatawaan ida iti aldaw a panagrigatda.

Mikias 7:8

Dakayo a kabusor, dikay agragsak iti dakes a napasamak kadakami. Natuangkami ngem bumangonkami manen. Addakam ita iti kasipngetan ngem ikkanakami ti Apo iti silaw.

San Mateo 10:22

Guraendakayto dagiti tattao gapu kaniak. Ngem ti siasinoman a makaibtur agingga iti panungpalan, maisalakanto.

San Juan 16:20

Ibagak ti pudno kadakayo: Agsangit ken agdung-awkayto, ngem agragsakto ti lubong. Agladingitkayo ngem agbalinto a ragsak ti ladingityo.

San Juan 7:7

Dinakay mabalin a guraen ti lubong, ngem guraennak ta ibagbagak a dakes dagiti aramidna.

Dagiti Aramid 5:33

Kasta unay ti pungtot dagiti kamkameng ti Sanhedrin a nakangngeg iti daytoy ket kayatda a mapapatay dagiti apostoles.

1 Taga-Corinto 13:6

Saanna a pagragsakan ti dakes. Pagragsakanna ketdi ti kinapudno.

Paltiing 12:13

Idi nadlaw ti dragon ti pannakaitappuakna ditoy daga, kinamatkamatna daydi babai a nangipasngay iti ubing a lalaki.

Paltiing 13:14

Inallilawna amin a tattao nga agnanaed ditoy daga babaen kadagiti pagilasinan a naipalubos nga iparangna iti imatang ti umuna a narungsot nga animal. Imbaga ti narungsot nga animal kadagiti tattao ditoy lubong a mangaramidda iti ladawan a pammadayaw iti narungsot nga animal a nasugat iti kampilan ngem nagbiag.

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 16:10

Imbuyat met ti maikalima nga anghel ti malukongna iti trono ti narungsot nga animal. Nagsipnget ti entero a pagarian ti animal. Kinagat dagiti tattao dagiti bibigda gapu iti rigat.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.