Paltiing 10:7 - Ti Baro a Naimbag a Damag Biblia

⁷ “Inton puyoten ti maikapito nga anghel ti trumpetana, ibanagton ti Dios ti nalimed a panggepna kas impakaammona idi kadagiti adipenna a profeta.”

Ti Biblia (1973)

⁷ No di ket cadagiti al-aldaw ti timec ti maicapito nga angel, inton pagunienna ti tangguyobna, isu metten ti pannacatungpalto ti palimed ti Dios, cas mayannurot iti naimbag a damag nga isu impacaammona cadagiti ad-adipenna a mammadto.

Paltiing 10:7 Iomraidhean Croise

Amos 3:7

Saan nga aramiden ni Apo Dios ti panggepna no dina ipakaammo nga umuna kadagiti babaonenna a profeta.

Dagiti Aramid 3:21

Masapul nga agtaeng sadi langit agingga iti tiempo a pannakapabaro ti amin kas impakaammo ti Dios babaen kadagiti nasantoan a profetana kadagidi immun-una nga aldaw.

Taga-Roma 11:25

Adda palimed, kakabsatko, a kayatko a maammoanyo tapno diyo ipagarup a masiribkayo. Daytoy ti palimed: Agpatingganto ti panagsukir dagiti Israelita, ngem santo la agpatingga inton makompleto ti bilang dagiti Hentil a mamati iti Dios.

Taga-Roma 16:25

Madaydayaw ti Dios! Mabalinnakayo a pagtalinaeden a natibker iti pammatiyo, kas mayannurot iti Naimbag a Damag nga ikaskasabak maipapan ken Jesu-Cristo, ken kas mayannurot iti naiparangarang a palimed ti kinapudno a nailemmeng manipud idi punganay.

Paltiing 14:6

Kalpasanna, nakitak ti sabali nga anghel nga agtaytayab iti tangatang. Adda kenkuana ti agnanayon a mensahe ti Naimbag a Damag nga ipakaammona kadagiti agnaed ditoy rabaw ti daga, iti amin a puli, tribu, pagsasao ken pagilian.

Paltiing 17:17

Tinignay ida ti Dios tapno sangsangkamaysada a mangibanag iti panggepna babaen iti pannangtedda iti turayda iti narungsot nga animal agingga iti pannakatungpal dagiti sao ti Dios.