Paltiing 10:5 - Ti Baro a Naimbag a Damag Biblia

⁵ Ket ingngato ti anghel a nakitak nga agtaktakder iti taaw ken iti daga ti makannawan nga imana idiay langit.

Ti Biblia (1973)

⁵ Ket daydi angel a nakitac a nagbatay iti baybay ken iti daga, intayagna ti imana a macanawan sadi langit,

Paltiing 10:5 Iomraidhean Croise

Genesis 14:22

Insungbat ni Abram, “Isapatak iti Apo a Kangatoan a Dios, ti namarsua iti langit ken daga,

Nehemias 9:6

Daytoy ti inkararagda: “O Apo, siksika laeng ti Apo; sika ti namarsua kadagiti langit ken kadagiti bituen iti tangatang. Pinarsuam ti daga ken ti baybay ken ti amin nga adda sadiay. Sika ti nangted iti biag ti amin, agtamed ken agdaydayaw kenka dagiti nailangitan a pannakabalin.

Dagiti Salmo 146:5

Nagasat ti tao a ti Dios ni Jacob ti katulonganna ken mangnamnama iti Apo a Diosna,

Exodo 20:11

Iti las-ud ti innem nga aldaw, siak, ni Yahweh, inaramidko ti langit, daga, dagiti baybay agraman dagiti amin a linaonda, ngem naginanaak iti maikapito nga aldaw. Isut' gapuna a siak, ni Yahweh, binendisionak ti Aldaw a Panaginana ket intuyangko nga aldaw a nasantoan.

Exodo 6:8

Ipankayto iti daga nga insapatak nga ited kada Abraham, Isaac ken Jacob. Itedkonto a kukuayo. Siak ni Yahweh.’”

Ezekiel 20:15

Ngarud, insapatak idiay let-ang a diak ipan ida iti daga nga intedko kadakuada, daga a nabaknang ken nadam-eg; daga a kasayaatan.

Ezekiel 20:23

Isut' gapuna a nagsapataak manen idiay let-ang. Insapatak nga iwarasko ida iti entero a lubong.

Ezekiel 20:28

Impanko ida iti daga nga inkarik nga ited kadakuada. No makakitada idi kadagiti nangato a turod wenno narukbos a kaykayo, sadiay ti pagidatonanda ken pagpuoranda kadagiti sakrifisio a pakaigapuan ti panagpungtotko. Sadiay met ti pagipananda kadagiti arak a datonda.

Ezekiel 20:42

Inton isublikay iti Israel, iti daga nga inkarik nga ited kadagiti kapuonanyo, maammoanyonton a siak ni Yahweh.

Ezekiel 20:5

Ibagam kadakuada ti kunak. Idi pinilik ti Israel, nagsapataak kadakuada. Imparangarangko ti bagik kadakuada idiay Egipto. Imbagak kadakuada: ‘Siak ni Yahweh a Diosyo.’

Ezekiel 36:7

“Siak nga Apo a Dios isapatak nga agsagabanto met ti pannakaibabain dagiti kabangibang a nasion.

Ezekiel 47:14

Insapatak kadagiti kapuonanyo nga itedko daytoy a daga kadakuada; ita, pagpapadaenyo ti bingay ti tunggal maysa.

Daniel 12:7

Ingngato ti anghel dagiti imana sadi langit ket nagsapata iti nagan ti Agnanayon a Dios. Nangngegko a kinunana, “Tallo ket gudua a tawen. Inton agpatinggan ti pannakaidadanes dagiti tattao ti Dios, mapasamakto aminen dagitoy a bambanag.”

Dagiti Aramid 14:15

“Kakabsat,” impukkawda, “apay nga aramidenyo daytoy? Tattaokami laeng a kas kadakayo. Addakami ditoy a mangipakaammo iti Naimbag a Damag tapno panawanyo dagitoy a kinaubbaw ket agturongkayo iti sibibiag a Dios a namarsua iti langit, daga, taaw ken amin nga adda kadakuada.

Dagiti Aramid 17:23

Ta iti panagpasiarko iti siudadyo ken pannakakitak kadagiti disso a pagdaydayawanyo, nasarakak ti maysa nga altar a nakaisuratan ti kastoy: ‘Maipaay iti Dios a di Am-ammo.’ Nupay diyo am-ammo dayta a pagdaydayawanyo, isu ita ti ipakaammok kadakayo.

Taga-Roma 1:20

Manipud pay idi pinarsua ti Dios daytoy lubong, ti agnanayon a pannakabalin ken kinadiosna, uray saan a makita, mabigbig ken nalawag a makita babaen kadagiti gapuananna. Isut' gapuna a pulos nga awan ti mabalinda a pagpambar.

Deuteronomio 32:40

Gapu ta siak ti sibibiag a Dios, ingatok ti imak ket isapatak

Hebreo 6:13

Idi nagkari ti Dios ken ni Abraham, insapatana a tungpalenna ti karina. Yantangay ta awan ti nangatngato a pannakabalin ngem isu, inaramatna ti bukodna a nagan iti dayta a sapata.

Paltiing 1:18

Siak ti sibibiag! Natayak idi, ngem kitaem, sibibiagak iti agnanayon nga awan inggana. Adda kaniak dagiti tulbek ni Patay ken ti Hades.

Paltiing 10:2

Adda iggemna a silulukat a bassit a nalukot a pagbasaan. Imbaddekna ti makannawan a sakana iti taaw ket ti makannigid, iti daga.

Paltiing 14:7

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Paltiing 16:17

Kalpasanna, imbuyat ti maikapito nga anghel ti malukongna iti angin. Adda napigsa a timek a naggapu iti trono iti templo. “Nalpasen!” kinunana.

Paltiing 4:11

“Apo ken Diosmi! Maikarika nga umawat iti dayag, dayaw ken pannakabalin. Ta pinarsuam dagiti amin a bambanag, ket babaen iti pagayatam, naparsua ken naikkanda iti biag.”

Paltiing 4:9

Ikanta dagiti uppat a sibibiag a parsua dagiti kanta ti dayag, pagdayaw ken pagyaman iti situtugaw iti trono nga agbiag nga agnanayon nga awan inggana. Bayat ti panagkantada,