Paltiing 10:4 - Ti Baro a Naimbag a Damag Biblia

⁴ Idi malpas ti dulluog, agsuratak koman, ngem nangngegko ti maysa a timek a naggapu sadi langit. “Ilimedmo ti imbaga dagiti pito a gurruod,” kinunana. “Dimo isurat.”

Ti Biblia (1973)

⁴ Ket idi a dagidi pito a gurrood nagunidan innac coma agsurat, ket nangngegco ti maysa a timec a naggapu sadi langit a nagcuna: Selloam dagiti banag a binalicas dagiti pito a gurrood, ket dica isurat ida.

Paltiing 10:4 Iomraidhean Croise

Isaias 29:11

Mailemmengto kadakayo ti kaipapanan dagiti amin a parmata; kaslanto iti nailanad iti naserraan a pagbasaan. No ipanmo iti tao a makaammo nga agbasa ket dawatem nga ibasana kenka, kunananto a dina mabasa ta naserraan.

Isaias 8:1

Kinuna ni Yahweh kaniak, “Mangalaka iti dakkel a pagsuratan ket isuratmo iti dadakkel a letra: ‘Maher-salal-has-baz.’

Isaias 8:16

Dakayo nga adalak, salluadan ken taginayonenyo dagiti mensahe nga inted kaniak ti Apo.

Daniel 12:4

Kinunana kaniak: “Ita, Daniel, rikpam ti libro ket timbream agingga iti panungpalan. Kabayatanna, adunto a tattao ti mangigaed a mangammo iti kaipapanan dagiti mapaspasamak ngem agbambannogdanto laeng.”

Daniel 12:9

Kinunana, “Daniel, inkan, ta masapul a mailimed dagitoy a balikas ket saanda a maipakaammo agingga iti panungpalan.

Daniel 8:26

Matungpalto ti nailawlawag kenka a parmata maipapan iti panagidaton iti bigat ken rabii. Ngem ilimedmo ti parmata gapu ta mabayag pay ti pannakatungpalna.”

Deuteronomio 29:29

“Adda dagiti palimed a saan nga impakaammo ti Apo a Diostayo. Ngem kukuatayo iti agnanayon, datayo ken dagiti kaputotantayo, dagiti naipakaammo a palimed tapno tungpalentayo dagiti amin nga alagaden daytoy a linteg.”

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 1:19

Isuratmo ngarud dagiti makitam, dagiti mapaspasamak iti agdama ken iti masakbayan.

Paltiing 10:8

Nagsao manen kaniak ti timek a nangngegko a naggapu sadi langit. Kinunana, “Inka alaen ti silulukat a pagbasaan iti ima ti anghel nga agtaktakder iti baybay ken iti daga.”

Paltiing 22:10

Kinunana pay: “Dimo ilimed dagiti padto iti daytoy a libro agsipud ta asidegen ti pannakapasamakda.