Paltiing 10:2 - Ti Baro a Naimbag a Damag Biblia

² Adda iggemna a silulukat a bassit a nalukot a pagbasaan. Imbaddekna ti makannawan a sakana iti taaw ket ti makannigid, iti daga.

Ti Biblia (1973)

² Ket adda iti imana ti maysa a pagbasaan a bassit a sibibistrad ket impatayna ti sacana a macanawan iti rabaw ti baybay, ket ti macatigid iti rabaw ti daga;

Paltiing 10:2 Iomraidhean Croise

Dagiti Salmo 2:8

Agkiddawka ket itedko amin a nasion kenka; kukuamto ti entero a daga.

Dagiti Salmo 65:5

Sungbatannakami ket ikkannakami iti balligi; agaramidka kadagiti nakaskasdaaw a banag a pakaispalanmi. Agtalek kenka dagiti tattao iti sangalubongan, kasta met dagiti agnaed iti ballasiw-taaw.

Isaias 59:19

Manipud daya agingga iti laud, kabutengto ti amin a tao ti nagan ken pannakabalinna. Dumtengto ti Apo a kas iti napegges a karayan, kas iti napigsa nga angin.

San Mateo 28:18

Immasideg ni Jesus ket kinunana, “Naited kaniak ti amin a pannakabalin idiay langit ken ditoy daga.

Paltiing 10:5

Ket ingngato ti anghel a nakitak nga agtaktakder iti taaw ken iti daga ti makannawan nga imana idiay langit.

Paltiing 6:1

Kalpasanna, nakitak nga inikkat ti Kordero ti umuna kadagiti pito a timbre ket nangngegko ti napigsa a timek a kas iti gurruod ti maysa kadagiti uppat a sibibiag a parsua a kunana, “Umayka!”

Paltiing 6:3

Inikkat ti Kordero ti maikadua a timbre, ket nangngegko a kinuna ti maikadua a sibibiag a parsua, “Umayka!”