Paltiing 10:1 - Ti Baro a Naimbag a Damag Biblia

¹ Kalpasanna, nakitak ti sabali a mannakabalin nga anghel a bumabbaba manipud langit. Nabungon iti ulep ket adda bullalayaw iti ngatoen ti ulona. Naraniag ti rupana a kas iti karaniag ti init ket kasla adigi nga apuy dagiti sakana.

Ti Biblia (1973)

¹ Ket nacakitaac iti sabali nga angel a napigsa a bumabbaba manipud langit, a nabungon ti maysa nga ulep; ket adda idi ti bul-lalayaw iti rabaw ti olona; ket daydi rupana cas la iti init ket dagiti sacsacana cacas da la adigi nga apuy;

Paltiing 10:1 Iomraidhean Croise

Dagiti Salmo 104:3

ket impasdekmo ti bukodmo a palasio iti rabaw dagiti danum iti ngato. Aramatem dagiti ulep a kas lugan; dagiti payak ti angin ti pagsakayam.

Dagiti Salmo 97:2

Ulep ken sipnget ti nanglikmut kenkuana; kinalinteg ken hustisia ti fondasion ti tronona.

Exodo 16:10

Idi madama a kasasao ni Aaron dagiti tattao, timmaliawda iti let-ang ket pagammoan nagparang ti dayag ni Yahweh iti ulep.

Kanta ni Solomon 5:15

Kasla adigi nga alabastro dagiti sakana, a naisaad iti balitok. Nadaeg a kas iti Bantay Libano, a namulaan iti nalalayog a sedro.

Isaias 19:1

Daytoy ti pakdaar maipapan iti Egipto. Mapan ti Apo idiay Egipto. Napardas ti ulep a paglugananna. Agtigerger dagiti didiosen ti Egipto iti imatangna, ket tumakrot dagiti Egipcio.

Isaias 54:9

“Idi tiempo ni Noe, inkarik a diakton layusen ti daga. Ita, ikarik a saankanton a kapungtot; dikanton ungtan wenno dusaen.

Dungdung-aw 3:44

Napuskol nga ulep ti pungtotmo ket saan a malasat ti kararagmi.

Ezekiel 1:28

ket addaan kadagiti amin a kolor nga adda iti bullalayaw. Daytoy ti makapurar a lawag a mangipakita iti kaadda ti Apo.

Daniel 10:6

Naraniag ti bagina a kas iti alahas. Naraniag met ti rupana a kasla kimat. Kasla gumilgil-ayab nga apuy dagiti matana. Kasla napasileng a bronse dagiti takkiag ken saksakana. Kasla met arimbangaw ti umariwekwek a tattao ti timekna.

Daniel 7:13

Iti parmatak iti dayta a rabii, nakitak ti kasla anak ti tao a bumabbaba a linikmut dagiti ulep. Immasideg iti Sibibiag iti Agnanayon ket naidatag kenkuana.

Levitico 16:2

Kinunana, “Ibagam ken ni Aaron a mapanto laeng iti Kasasantoan a Lugar iti likudan ti kurtina iti naituding a tiempo agsipud ta sadiay ti pagparangak iti ulep iti ngatoen ti kalub ti Lakasa ti Tulag. Mapapatay ti kabsatmo no agsukir.

San Mateo 17:2

Sadiay, nagbalbaliw ti langa ni Jesus iti imatang dagiti tallo nga adalan: nagraniag ti rupana a kas iti init, ket rimmangrang a kas lawag dagiti pagan-anayna.

San Lucas 21:27

Kalpasanna, agparangto ti Anak ti Tao nga umay iti ulep agraman naindaklan a pannakabalin ken dayag.

Dagiti Aramid 26:13

Tengnga ti aldaw idi addaak iti dalan, Natan-ok nga Ari. Nakitak ti maysa a lawag—naranraniag pay ngem ti init—a naggapu sadi langit. Makasisirap ti lawag a nanglikmut kadakami a nagkukuyog.

Paltiing 1:7

Kitaenyo, umayen ni Jesus a silulugan kadagiti ulep! Makitanto ti tunggal maysa, agraman dagiti nangduyok kenkuana. Dung-awanto dagiti tattao iti amin a pagilian ditoy lubong. Maaramid koma a kasta! Amen.

Paltiing 18:1

Kalpasanna, nakitak ti sabali nga anghel a bumabbaba manipud langit. Adda dakkel a turayna ket rinaniagan ti dayagna ti entero a daga.

Paltiing 18:21

Kalpasanna, nangala ti maysa a mannakabalin nga anghel iti bato a kas iti kadakkel ti gilingan ket impurruakna iti baybay a kunkunana: “Kastoyto ti nakaam-amak a pannakatnag ti Babilonia nga agdindinamag a siudad, ket saanton a makita uray kaanoman.

Paltiing 20:1

Nakitak ti maysa nga anghel a bumabbaba manipud langit. Iggemna ti maysa a dakkel a kawar ken ti tulbek ti nakaun-uneg a yuyeng.

Paltiing 4:3

Rumimatrimat ti rupana a kas iti haspe ken karnelia. Iti lawlaw ti trono, adda bullalayaw a naraniag a kas iti esmeralda.

Paltiing 5:2

Ket nakitak ti maysa a mannakabalin nga anghel a nangipakaammo iti napigsa a timek: “Siasino ti maikari a mangikkat kadagiti timbre ken mangukrad iti nalukot a pagbasaan?”

Paltiing 8:13

Kalpasanna, nakitak ti maysa nga agila nga agtaytayab iti langit ket nangngegko nga impukkawna: “Nakaal-alingget! Nakaal-alingget! Nakaal-alinggetto ti pagbanagan dagiti amin a tattao ditoy rabaw ti daga inton pagunien dagiti tallo nga angheles ti trumpetada.”