Paltiing 1:8 - Ti Baro a Naimbag a Damag Biblia

⁸ “Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.

Ti Biblia (1973)

⁸ Siac ti Alfa ken ti Omega, cuna ni Apo Dios, ti adda ita, ken ti adda idi ken ti umayto, ti Mannacabalin-amin.

Paltiing 1:8 Iomraidhean Croise

Genesis 17:1

Idi agtawen ni Abram iti 99, nagparang ni Yahweh kenkuana. Kinunana, “Siak ti Dios a Mannakabalin-amin. Agtulnogka kaniak ket aramidem a kanayon ti naimbag.

Genesis 28:3

Bendisionan koma ti Dios a Mannakabalin-amin ti kallaysayo ket ikkannakayo iti adu nga annak tapno agbalinka nga ama ti dakkel a nasion.

Genesis 35:11

Ket kinuna ti Dios, “Siak ti Dios a Mannakabalin-amin. Maaddaanka iti adu nga annak. Naindaklanto a nasion ti agtaud kenka ket sikanto ti kapuonan dagiti adu nga ari.

Genesis 43:14

Sapay koma ta tignayen ti Mannakabalin a Dios ti lalaki tapno kaasiannakayo ket palubosanna ni Benjamin ken tay maysa a kabsatyo. No dida makasubli ket mapukawko ida, agladingitakto ket awan ti mabalinko.”

Genesis 48:3

Kinuna ni Jacob ken ni Jose, “Nagparang kaniak ti Dios a Mannakabalin-amin idi addaak idiay Luz iti daga ti Canaan ket binendisionannak.

Genesis 49:25

Ti Dios ni amam ti tumulong kenka, ti Dios a Mannakabalin-amin ti mangbendision kenka: Paraburannaka iti tudo nga aggapu iti ngato ken danum nga aggapu iti uneg ti daga. Paraburannaka iti annak ken adu a baka.

Exodo 3:14

Kinuna ti Dios, “Siak ti siak. Daytoy ti ibagamto kadagiti Israelita, ‘Imbaonnak ti mangawag iti bagina iti SIAK.’

Exodo 6:3

Nagparangak a kas Dios a Mannakabalin-amin kada Abraham, Isaac ken Jacob, ngem diak impakaammo kadakuada ti nasantoan a naganko a Yahweh.

Isaias 41:4

Siasino ti akin-aramid iti daytoy? Siasino ti nangikeddeng iti pannagna ti historia? Siak, ni Yahweh, addaak idi punganay, wen, addaakto iti kamaudianan.

Isaias 43:10

“Dakayo nga Israelita, dakayo ti saksik; pinilikayo a nasion nga agserbi kaniak tapno maam-ammodak ken mamatikayo, ket maawatanyo a sisiak ti Dios. Malaksid kaniak, awan ti sabali a Dios; awan ti immun-una ngem siak, ket awanto met ti sumaruno.

Isaias 44:6

Kastoy ti kuna ti Apo a Mannakabalin-amin, ni Yahweh a mangituray ken mangsalaknib iti Israel: “Siak ti umuna ken siak ti maudi; awan sabali a Dios no di la siak.

Isaias 48:12

Kuna ni Yahweh, “Denggendak, Jacob ken Israel nga inayabak! Siak ti Dios, ti umuna, ti maudi, ti maymaysa a Dios!

Isaias 9:6

Naipasngay kadatayo ti maysa nga ubing! Adda ubing a lalaki a naited kadatayo! Ket isunto ti mangituray kadatayo! Maawaganto iti, “Nakaskasdaw a Mammagbaga,” “Mannakabalin a Dios,” “Agnanayon nga Ama,” “Prinsipe ti Kappia.”

Numero 24:4

Ken mangngegna ti ibagbaga ti Dios. Simumulagatak ket makitak ti parmata nga aggapu iti Dios a Mannakabalin-amin.

2 Taga-Corinto 6:18

Siakto ti amayo, Ket dakayto ti annakko, Kuna ti Mannakabalin-amin nga Apo.”

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 1:17

Idi nakitak, kaslaak la natay a napasag iti sakaananna. Impatayna kaniak ti makannawan nga imana ket kinunana: “Dika agbuteng! Siak ti Pangrugian ken ti Paggibusan.

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.

Paltiing 11:17

a kunkunada: “Apo Dios a Mannakabalin-amin, Dioska ita ken Dioska idi: Agyamankami ta inaramatmo ti dakkel a pannakabalinmo Ket inrugimon ti agturay!

Paltiing 15:3

Ket kankantaenda ti kanta ni Moises nga adipen ti Dios, ken ti kanta ti Kordero: “Apo Dios a Mannakabalin-amin Natan-ok ken nakaskasdaaw dagiti aramidmo! Ari dagiti pagilian. Nalinteg ken napudno dagiti dalanmo!

Paltiing 16:14

Isuda dagiti espiritu ti demonio nga agiparparang iti pagilasinan. Mapan dagiti tallo nga espiritu kadagiti ari iti sangalubongan tapno ummongenda ida a makigubat inton dumteng ti naindaklan nga aldaw ti Mannakabalin-amin a Dios.

Paltiing 16:7

Nangngegko ti timek a naggapu iti altar: “Apo Dios a Mannakabalin-amin, awan duadua a napudno ken nalinteg dagiti panangukommo!”

Paltiing 19:15

Manipud iti ngiwatna, rimmuar ti maysa a natadem a kampilan a pangparmekna kadagiti pagilian. Iturayannanto ida babaen iti baston a landok, ket manipud iti pagpespesan iti ubas, pagayusennanto ti arak ti napalalo a pungtot ti Mannakabalin-amin a Dios.

Paltiing 19:6

Kalpasanna, nangngegko ti kasla timek ti adu a tattao a kasla daranudor ti agdissuor a danum ken napigsa a gurruod. Kinunada: “Madaydayaw ti Dios! Ari ti Apo a Diostayo a Mannakabalin-amin!

Paltiing 2:8

“Kastoy ti isuratmo iti anghel iti iglesia idiay Esmirna: “Daytoy ti mensahe nga aggapu iti Pangrugian ken Paggibusan, isu a natay ken nagbiag manen:

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.

Paltiing 21:6

Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Paltiing 22:13

Siak ti Alfa ken ti Omega, ti umuna ken ti maudi, ti pangrugian ken ti panungpalan.”

Paltiing 4:8

Innem ti payak ti tunggal maysa kadagiti sibibiag a parsua, ket mata amin iti uneg ken ruar ti payak. Aldaw-rabii nga awan sardengda a mangikankanta: “Santo, santo, santo, ni Apo Dios a Mannakabalin-amin, Isu nga adda idi, adda ita ken umayto.”