Paltiing 1:6 - Ti Baro a Naimbag a Damag Biblia

⁶ Pinagbalinnatayo a pagarian, ken papadi nga agserbi iti Dios ken Amana. Ipaduyakyaktayo ti agnanayon a dayag ken pannakabalin ni Jesu-Cristo! Amen.

Ti Biblia (1973)

⁶ Ket pinagbalinnatayo a maysa a pagarian ken papadi a maipaay iti Dios ken Amana, adda coma kencuana ti dayaw ken ti panagturay iti agnanayon nga awan inggana, Amen.

Paltiing 1:6 Iomraidhean Croise

Exodo 19:6

tattao a naikonsagrar nga agpaay laeng kaniak ket agserbikayonto kaniak a kas papadi.”

Isaias 61:6

Maawagankayto iti papadi ti Apo, dakayto ti agsagrap iti kinabaknang dagiti pagilian, ket itangsityonto ti panangtagikuayo.

Daniel 4:34

Kinuna ti ari, “Kalpasan ti pito a tawen, timmangadak sadi langit ket nagsubli ti sigud a panunotko. Indaydayawko ti Kangatoan a Dios ket impaayko ti dayaw ken dayag iti agnanayon a sibibiag. Kinunak, “Agturay iti agnanayon, agpautto ti pagarianna iti amin a tiempo.

Daniel 7:14

Inawatna sadiay ti pannakabalin, dayaw ken ti naarian a panagturay tapno agserbi kenkuana dagiti tattao iti amin a nasion, puli ken pagsasao. Agnanayonto ti pannakabalinna, ket dinto agpatingga ti pagarianna.

San Mateo 6:13

Dinakam iturong iti nakaro a pakasuotan; Ilisinakami ketdi iti Managdakdakes.’

San Juan 5:23

tapno padayawan dagiti amin a tattao ti Anak a kas iti panangpadayawda iti Ama. Ti saan a mangpadayaw iti Anak, saanna met a padayawan ti Ama a nangibaon kenkuana.

Taga-Roma 11:36

Ta isu ti namarsua kadagiti amin. Agbiagda amin babaen kenkuana ket agserbida kenkuana. Madaydayaw koma ti Dios iti agnanayon! Amen.

Taga-Roma 15:6

Iti kasta, agmaymaysa ti timekyo a mangidaydayaw iti Dios ken Ama ni Apotayo a Jesu-Cristo.

Taga-Filipos 2:11

Ket silalatak nga ipablaak ti amin a tao a ni Jesu-Cristo isu ti Apo, a pakaidaydayawan ti Dios Ama.

1 Timoteo 6:16

Isu laeng ti saan a matay. Agnaed iti silaw nga awan ti makaasideg. Awan ti siasinoman a nakakita kenkuana. Awan ti makakita kenkuana. Adda kenkuana ti dayag ken agnanayon a pannakabalin! Amen.

1 Pedro 4:11

Siasinoman a mangasaba, masapul nga ikasabana ti sao ti Dios. Siasinoman nga agserbi, masapul nga agserbi babaen iti pigsa nga inted ti Dios kenkuana. Iti kasta, iti amin a banag, maidaydayaw koma ti Dios babaen ken ni Jesu-Cristo, nga addaan iti dayag ken pannakabalin iti agnanayon nga awan inggana. Amen.

1 Pedro 5:11

Sapay koma ta agturay iti agnanayon awan inggana! Amen.

2 Pedro 3:18

Dumur-askayo iti parabur ken pannakaammoyo ken ni Jesu-Cristo nga Apo ken Mangisalakan kadatayo. Itan-ok ken idaydayawtayo ni Cristo, ita agingga iti agnanayon! Amen.

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 20:6

Nagasat ken nasantoan dagiti mairaman iti umuna a pannakapagungar. Awan pannakabalin ti maikadua nga ipapatay kadakuada. Agbalindanto a papadi ti Dios ken ni Cristo, ket makipagturaydanto kenkuana iti 1,000 a tawen.

Paltiing 4:11

“Apo ken Diosmi! Maikarika nga umawat iti dayag, dayaw ken pannakabalin. Ta pinarsuam dagiti amin a bambanag, ket babaen iti pagayatam, naparsua ken naikkanda iti biag.”

Paltiing 5:10

Pinagbalinmo ida a pagarian tapno agserbida a kas papadi iti Diostayo; Ket agturaydanto ditoy daga.”