Paltiing 1:2 - Ti Baro a Naimbag a Damag Biblia

² ket impakaammo ni Juan ti amin a nakitana. Daytoy ti pammaneknekna maipapan iti mensahe a naggapu iti Dios ken iti kinapudno nga impakaammo ni Jesu-Cristo.

Ti Biblia (1973)

² Isu a namanecnec iti sao ti Dios ken iti pammanecnec ni Jesu-Cristo, cas cadagiti isu-amin a nakitana.

Paltiing 1:2 Iomraidhean Croise

San Juan 1:32

Daytoy ti pammaneknek nga inted ni Juan: “Nakitak ti Espiritu a bumabbaba a kasla kalapati manipud langit ket nagdisso kenkuana.

San Juan 12:17

Adda idi tattao a nakaimatang ken ni Jesus idi awaganna ni Lazaro iti tanem ket pinagungarna. Impadamagda ti napasamak.

San Juan 19:35

Daydi nakakita iti daytoy a napasamak, paneknekanna ti kinapudno daytoy tapno mamatikayo met. Pudno ti imbagana ket ammona a pudno ti sasawenna.)

San Juan 21:24

Daytoy ti adalan a nagsao maipapan kadagitoy a bambanag ken nangisurat pay kadagitoy. Ammomi a pudno ti pammaneknekna.

San Juan 3:11

Ibagak kenka ti pudno: Sawenmi ti ammomi, ket ibagami ti nakitami. Ngem diyo patien ti pammaneknekmi.

Dagiti Aramid 22:15

Ta sikanto ti saksina a mangipakaammo kadagiti amin a tattao iti nakita ken nangngegmo.

Dagiti Aramid 26:16

‘Tumakderkan. Nagparangak kenka tapno dutokanka nga adipenko. Sika ti mangibaga kadagiti tattao iti nakitam ita nga aldaw maipapan kaniak ken kadagiti ipakitakto pay kenka.

Dagiti Aramid 4:20

Saan a mabalin a dimi ipakaammo dagiti nakita ken nangngegmi.”

1 Taga-Corinto 1:6

Naipasagepsepen kadakayo ti mensahe maipapan ken ni Cristo,

1 Taga-Corinto 2:1

Kakabsatko, idi immayak dita tapno ikasabak kadakayo ti nalimed a kinapudno maipapan iti Dios, diak nagaramat kadagiti agkakauneg a balikas wenno naindaklan a pampanunot.

1 Juan 1:1

Isuratmi kadakayo ti nangngeg ken nakitami maipapan iti Sao ti biag nga addan manipud idi punganay. Nangngeg ken nakitami; wen, nakita ken nasagidmi.

1 Juan 4:14

Nakita ken paneknekanmi nga imbaon ti Ama ti Anakna a Mangisalakan iti lubong.

3 Juan 1:12

Nasayaat ti ipadpadamag ti tunggal maysa maipapan ken ni Demetrio. Mismo a ti pudno ti mangpaneknek iti maipapan kenkuana. Wen, paneknekak met, ket ammom a pudno ti kunak.

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 1:19

Isuratmo ngarud dagiti makitam, dagiti mapaspasamak iti agdama ken iti masakbayan.

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 12:11

Pinarmek dagiti kakabsattayo babaen iti dara ti Kordero ken iti panangsaksida iti pudno. Siaayatda a mangipatli iti biagda gapu iti pammatida.

Paltiing 12:17

Gapu iti pungtot ti dragon, napanna ginubat dagiti nabati nga annak ti babai, dagiti amin nga agtungtungpal kadagiti bilbilin ti Dios ken mangsaksaksi iti pudno nga impaltiing ni Jesus.

Paltiing 20:4

Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.

Paltiing 22:21

Sapay koma ta magun-od ti amin a tattao ti Dios ti parabur ni Apo Jesus. Amen.

Paltiing 6:9

Inikkat ti Kordero ti maikalima a timbre. Nakitak iti sirok ti altar dagiti kararua dagiti napapatay gapu ta impakaammoda ti sao ti Dios ken napudnoda idi iti panagsaksida.