Paltiing 1:18 - Ti Baro a Naimbag a Damag Biblia

¹⁸ Siak ti sibibiag! Natayak idi, ngem kitaem, sibibiagak iti agnanayon nga awan inggana. Adda kaniak dagiti tulbek ni Patay ken ti Hades.

Ti Biblia (1973)

¹⁸ Ken ti Sibibiag; ket natayac idi, ket adtoy, sibibiagac iti agnanayon nga awan inggana; ket adda caniac dagiti tultulbec ni patay ken ti Hades.

Paltiing 1:18 Iomraidhean Croise

Ti Libro ni Job 19:25

Ngem ammok nga adda maysa sadi langit nga umayto iti kamaudianan a mangikalintegan kaniak.

Ti Libro ni Job 38:17

Naipakitan aya kenka dagiti ruangan a mangbantay iti nasipnget a lubong dagiti natay?

Dagiti Salmo 18:46

Agbiag ti Apo! Madaydayaw ti salaknibko! Ipakaammoyo ti kinatan-ok ti nangisalakan kaniak.

Dagiti Salmo 68:20

Dios a mangisalakan ti Diostayo; isu ti Apo nga Apotayo; ket iti patay, ispalennatayo.

Isaias 22:22

Itedkonto kenkuana ti naan-anay a turay iti babaen ti ari a kaputotan ni David. Addanto kenkuana dagiti tulbek ti ofisina. Aniaman a luktanna, awan ti makaiserra. Aniaman a serraanna, awan ti makalukat.

San Mateo 11:23

“Ket sika met, Capernaum, kayatmo kadi ti maitan-ok sadi langit? Saan a mabalin! Maitappuakkanto idiay infierno! No idiay koma Sodoma ti nakaaramidan dagiti milagro a naaramid iti yanmo, adda koma pay laeng ita ti Sodoma.

San Mateo 16:19

Itedkonto kenka dagiti tulbek ti Pagarian ti Langit. Ti aniaman nga iparitmo ditoy daga, maiparitto met sadi langit. Ket ti aniaman nga ipalubosmo ditoy daga, maipalubosto met sadi langit.”

San Lucas 24:5

Iti napalalo a butengda, nagdumogda ngem kinuna dagiti lallaki kadakuada: “Apay a birokenyo kadagiti natay ti tao a sibibiag?

San Juan 11:25

“Siak ti panagungar ken ti biag,” kinuna ni Jesus. “Ti siasinoman a mamati kaniak, uray no matay, agbiagto pay.

San Juan 14:19

Bassit laengen a tiempo ket dinakto makitan ti lubong, ngem dakayo, makitadakto. Ket gapu ta agbiagak, agbiagkayto met.

Taga-Roma 6:9

Ammotayo a napagungar ni Cristo ket saanen a matay. Awanen ti pannakabalin ti patay kenkuana.

2 Taga-Corinto 13:4

Ta uray no iti kinakapsut ti nakaigapuan ti ipapatayna iti krus, sibibiag babaen iti pannakabalin ti Dios. Iti pannakipagmaymaysami kenkuana, nakapuykami met ngem ti pannakilangenlangenmi kadakayo, makipagbiagkaminto kenkuana babaen iti pannakabalin ti Dios.

Taga-Galacia 2:20

Iti kasta, saanen a siak ti agbibiag, no di ket ni Cristo ti agbibiag kaniak. No kasano ti panagbiagko itan, agbiagak a maipaay iti pammati iti Anak ti Dios a nagayat kaniak ken nangted iti biagna gapu kaniak.

Taga-Colosas 3:3

Ta nataykayon. Naidulinen ti biagyo iti Dios iti pannakikaysayo ken ni Cristo.

Hebreo 1:3

Ti Anak ti mangipakita iti dayag ti Dios. Isu ti napaypayso a ladawan ti kinadiosna. Isu pay ti mangtartarawidwid iti amin a lubong babaen iti mannakabalin a saona. Kalpasan ti pananggun-odna iti pannakapakawan ti basol ti sangkataoan, nagtugaw sadi langit iti makannawan ti Kangatoan a Pannakabalin.

Hebreo 12:2

Ditay isinsina ti matatayo ken ni Jesus a pangulo ken mangpunno iti pammati. Saan a naupay ni Jesus gapu iti krus. Ngem gapu iti rag-o nga agur-uray kenkuana, dina pinampanunot ti pannakaibabain iti ipapatay iti krus. Adda itan a situtugaw iti makannawan ti trono ti Dios.

Hebreo 7:16

Nagbalin a padi babaen iti pannakabalin ti biag nga awan patinggana, saan a babaen iti paglintegan maipapan iti panagtaud iti maysa a kapuonan.

Hebreo 7:25

Isut' gapuna a kabaelanna nga isalakan dagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.

Paltiing 15:7

Maysa kadagiti uppat a sibibiag a parsua ti nangted kadagiti pito nga angheles iti pito a malukong a balitok. Napno dagitoy iti napalalo a pungtot ti Dios a sibibiag iti agnanayon nga awan inggana.

Paltiing 2:8

“Kastoy ti isuratmo iti anghel iti iglesia idiay Esmirna: “Daytoy ti mensahe nga aggapu iti Pangrugian ken Paggibusan, isu a natay ken nagbiag manen:

Paltiing 20:13

Inyula ti taaw dagiti natay nga adda kenkuana. Inyula met ni Patay ken ti Hades dagiti natay nga adda kadakuada. Naukomda amin kas mayannurot iti inaramidda.

Paltiing 20:14

Kalpasanna, naitappuak ni Patay ken ti Hades iti dan-aw ti apuy. (Daytoy a dan-aw ti apuy ti maikadua nga ipapatay.)

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana:

Paltiing 4:9

Ikanta dagiti uppat a sibibiag a parsua dagiti kanta ti dayag, pagdayaw ken pagyaman iti situtugaw iti trono nga agbiag nga agnanayon nga awan inggana. Bayat ti panagkantada,

Paltiing 5:14

“Amen,” insungbat dagiti uppat a sibibiag a parsua. Ket nagparintumeng dagiti panglakayen sada nagdaydayaw.

Paltiing 6:8

Adda nakitak a kabalio a nabessag ti kolorna. Patay ti nagan ti nakasakay, ket sumursurot kenkuana ti Hades. Naikkanda iti pannakabalin a mangituray iti apagkapat a paset ti daga, a pumatay babaen iti gubat, bisin, sakit ken kadagiti atap nga animal ti daga.

Paltiing 9:1

Pinuyot ti maikalima nga anghel ti trumpetana. Nakitak ti maysa a bituen a natnag manipud langit a nagdisso ditoy daga, ket naited kenkuana ti tulbek ti ruangan ti nakaun-uneg a yuyeng.

1 Samuel 2:6

Mangpapatay ti Apo ken mangted iti biag; ipanna ti tao iti lubong dagiti natay, pagungarenna ti natay.