Paltiing 1:16 - Ti Baro a Naimbag a Damag Biblia

¹⁶ Ig-iggaman ti makannawan nga imana ti pito a bituen. Rimmuar iti ngiwatna ti maysa a kampilan a natadem ken dua ti tademna. Makasisirap ti rupana kas iti raniag ti init iti agmatuon.

Ti Biblia (1973)

¹⁶ Ket iti macanawan nga imana nagiggem cadagiti pito a bituen; ket iti ngiwatna rimmuar ti maysa a campilan, a dua ti tademna; ket daydi rupana cas la panaglawag ti init no caraniagna.

Paltiing 1:16 Iomraidhean Croise

Ti Libro ni Job 38:7

Iti parbangon dayta nga aldaw, sangsangkamaysa a nagkanta dagiti bituen ket nagdir-i iti rag-o dagiti nailangitan a parsua.

Dagiti Salmo 45:3

Ibarikesmo ta kampilanmo, nabileg nga ari; nadayag ken nadaegka.

Kanta ni Solomon 6:10

“Siasino daytoy pumalpalludip a kas iti parbangon? Napintas, naraniag; makapurar a kas iti init wenno bulan Nakaskasdaaw a kas armada nga addaan kadagiti bandera.

Isaias 11:4

Nalintegto ti panangukomna kadagiti napanglaw; salaknibannanto ti kalintegan ti awan gawayna. Agbilinto ket madusa ti daga; matayto dagiti managdakdakes a tattao.

Isaias 24:23

Agsipngetto ti bulan ket saanton nga aglawag ti init, agsipud ta agarinton ti Apo a Mannakabalin-amin. Agturayto idiay Jerusalem, iti Bantay Sion, ket makitanto dagiti pangulo dagiti tattao ti dayagna.

Isaias 49:2

Pinagbalinna dagiti saok a kas natadem a kampilan; babaen kadagiti imana, sinalaknibannak! Pinagbalinnak a kasla pana, natirad ken sisasagana a maibiat.

Daniel 12:3

Agraniagto dagiti mamasirib a kas iti lawag ti langit. Aglawagto nga agnanayon a kas kadagiti bituen dagiti nangisuro kadagiti adu a tattao nga agaramid iti naimbag.”

Daniel 8:10

Bimmileg iti kasta unay ket dinarupna ti armada ti langit, dagiti mismo a bituen. Impurruakna ditoy daga ti sumagmamano kadakuada sana binaddebaddek ida.

Malakias 4:2

Ngem kadakayo nga agtungpal kaniak, kaslanto init a lumgak ti pannakabalinko a mangisalakan ken mangyeg iti pannakapaimbag. Rumuarkayto a siraragsak a kas kadagiti urbon ti baka a naipupok.

San Mateo 17:2

Sadiay, nagbalbaliw ti langa ni Jesus iti imatang dagiti tallo nga adalan: nagraniag ti rupana a kas iti init, ket rimmangrang a kas lawag dagiti pagan-anayna.

Dagiti Aramid 26:13

Tengnga ti aldaw idi addaak iti dalan, Natan-ok nga Ari. Nakitak ti maysa a lawag—naranraniag pay ngem ti init—a naggapu sadi langit. Makasisirap ti lawag a nanglikmut kadakami a nagkukuyog.

Taga-Efeso 6:17

Awatenyo met ti pannakaisalakan a pannakahelmetyo ken ti sao ti Dios nga ited ti Espiritu a pannakakampilanyo.

Hebreo 4:12

Sibibiag ken nasamay ti sao ti Dios. Natadtadem ngem ti uray ania a kampilan nga agsumbangir ti tademna. Kabaelanna a salputen ti pagsabatan ti kararua ken ti espiritu, ti nagsusuopan ti tulang ken pata. Ukomenna dagiti tarigagay ken pampanunot ti tao.

Paltiing 1:20

“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”

Paltiing 10:1

Kalpasanna, nakitak ti sabali a mannakabalin nga anghel a bumabbaba manipud langit. Nabungon iti ulep ket adda bullalayaw iti ngatoen ti ulona. Naraniag ti rupana a kas iti karaniag ti init ket kasla adigi nga apuy dagiti sakana.

Paltiing 12:1

Nagparang iti langit ti sabali a nakaskasdaaw a pagilasinan. Adda babai a nagkawes iti init, ken agtugtugaw a naisaad dagiti dapanna iti bulan: iti ulona adda korona a binukel ti sangapulo ket dua a bituen.

Paltiing 19:15

Manipud iti ngiwatna, rimmuar ti maysa a natadem a kampilan a pangparmekna kadagiti pagilian. Iturayannanto ida babaen iti baston a landok, ket manipud iti pagpespesan iti ubas, pagayusennanto ti arak ti napalalo a pungtot ti Mannakabalin-amin a Dios.

Paltiing 19:21

Natay dagiti buyotda iti kampilan a rimmuar iti ngiwat ti nakasakay iti kabalio. Ket nagum-uma dagiti tumatayab a nangan kadagiti lasagda.

Paltiing 2:1

“Kastoy ti isuratmo iti anghel ti iglesia idiay Efeso: “Daytoy ti mensahe nga aggapu iti mangig-iggem kadagiti pito a bituen iti makannawan nga imana ken agpagnapagna iti nagbabaetan dagiti pito a pagsilawan a balitok:

Paltiing 2:12

“Kastoy ti isuratmo iti anghel ti iglesia idiay Pergamo: “Daytoy ti mensahe nga aggapu iti addaan iti natadem a kampilan a dua ti tademna:

Paltiing 2:16

Agbabawika ngarud kadagiti basbasolmo. Ta no saan, umayak kenka iti mabiit ket pukawek dagita a tattao babaen iti kampilan a rummuar iti ngiwatko.

Paltiing 3:1

Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!

Uk-ukom 3:16

Nangaramid ni Ehud iti kampilan a dua ti tademna ken maysa ket gudua a kadapan ti kaatiddogna. Insalikadna ti igam iti makannawan a bakrangna iti uneg ti badona.

Uk-ukom 5:31

Iti kasta, O Apo, matay koma amin a kabusormo, ngem agraniag a kas sumingising nga init dagiti gagayyemmo! Ket adda talna iti daga iti uneg ti 40 a tawen.