Paltiing 1:15 - Ti Baro a Naimbag a Damag Biblia

¹⁵ Agranraniag dagiti sakana a kasla napasileng a gambang a naglasat iti apuy. Ket ti timekna kasla daranudor ti agdissuor a danum.

Ti Biblia (1973)

¹⁵ Ket dagiti sacsacana, umaspingda iti bronce a napasileng a cas la naguguran iti apuy ti pagpandayan; ket ti timecna cas la daranudor dagiti adu a dandanum.

Paltiing 1:15 Iomraidhean Croise

Dagiti Salmo 93:4

Agturay a kangatoan ti Apo sadi langit nabilbileg ngem ti daranudor ti baybay, naturturay ngem dagiti dalluyon ti taaw.

Isaias 17:13

Agdadarison a sumungad dagiti pagilian a kas kadagiti aglulumba a dalluyon, ngem ungtan ida ti Dios ket agsanudda. Kasda la mayangin a tapok iti bakras ti bantay, kas iti garami nga itayab ti alipugpog.

Ezekiel 1:24

Nangngegko ti banesbes dagiti payakda iti panagtayabda. Kasla daranudor ti baybay, kasla arimbangaw ti dakkel nga armada, kasla timek ti Dios a Mannakabalin-amin. Idi sumardengda nga agtayab, nagkupin dagiti payakda,

Ezekiel 1:7

Nalinteg dagiti sakada ngem dagiti dapanda kasla kukod ti baka. Rumimatrimat dagiti parsua a kasla napasileng a bronse.

Ezekiel 40:3

Inyasidegnak ket nakitak ti maysa a lalaki a kasla bronse ti langana. Siiiggem iti linen a lubid ken kayo a pagrukod, ket sitatakder iti asideg ti maysa a ruangan.

Ezekiel 43:2

Sadiay, nakitak ti idadateng ti dayag ti Dios ti Israel manipud iti daya. Kasla daranudor ti dalluyon ti baybay ti timek ti Dios, ket nagraniag ti daga iti makapurar a lawag.

Daniel 10:6

Naraniag ti bagina a kas iti alahas. Naraniag met ti rupana a kasla kimat. Kasla gumilgil-ayab nga apuy dagiti matana. Kasla napasileng a bronse dagiti takkiag ken saksakana. Kasla met arimbangaw ti umariwekwek a tattao ti timekna.

Paltiing 10:1

Kalpasanna, nakitak ti sabali a mannakabalin nga anghel a bumabbaba manipud langit. Nabungon iti ulep ket adda bullalayaw iti ngatoen ti ulona. Naraniag ti rupana a kas iti karaniag ti init ket kasla adigi nga apuy dagiti sakana.

Paltiing 14:2

Manipud sadi langit, adda nangngegko a timek a kasla daranudor ti dissuor ti danum ken napigsa a gurruod. Immaweng a kasla musika nga agtaud kadagiti matoktokar nga arpa.

Paltiing 19:6

Kalpasanna, nangngegko ti kasla timek ti adu a tattao a kasla daranudor ti agdissuor a danum ken napigsa a gurruod. Kinunada: “Madaydayaw ti Dios! Ari ti Apo a Diostayo a Mannakabalin-amin!

Paltiing 2:18

“Kastoy ti isuratmo iti anghel ti iglesia idiay Tiatira: “Daytoy ti mensahe nga aggapu iti Anak ti Dios nga addaan kadagiti mata a gumilgil-ayab a kasla apuy ken kadagiti saksaka nga agranraniag a kas iti napasileng a gambang.