Paltiing 1:11 - Ti Baro a Naimbag a Damag Biblia

¹¹ “Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Ti Biblia (1973)

¹¹ A cuncunana: Ti makitam, isuratmo iti maysa a pagbasaan ket ipawitmo cadagiti pito nga Iglesia: idiay Efeso, ken idiay Smirna, ken idiay Pergamo, ken idiay Tiatira, ken idiay Sardis, ken idiay Filadelfia ken idiay Laodicea.

Paltiing 1:11 Iomraidhean Croise

Isaias 30:8

Imbaga kaniak ti Dios nga ilanadko iti maysa a libro ti pudno a kababalin dagiti tattao tapno agpaay daytoy a mataginayon a pammaneknek iti kinadakesda.

Habakuk 2:2

Ket daytoy ti sungbat ti Apo, “Isuratmo iti tapi a damili ti ipakaammok kenka tapno nalaka a basaen.

Dagiti Aramid 16:14

Mairaman kadagiti nagdengngeg kadakami ti maysa nga aglaklako iti nangingina a lupot. Lydia ti naganna ken taga-Tiatira ken agdaydayaw iti Dios; linuktan ti Apo ti panunotna ket naawatanna dagiti ibagbaga ni Pablo.

Dagiti Aramid 18:24

Dimteng idiay Efeso ti maysa a Judio a nayanak idiay Alejandria. Apolos ti naganna. Nalaing nga agbitla ken adu ti ammona maipapan kadagiti Nasantoan a Sursurat.

Dagiti Aramid 20:17

Idi adda ni Pablo idiay Mileto, pinaayabanna dagiti panglakayen ti iglesia idiay Efeso.

1 Taga-Corinto 15:32

Ania ti magunggonak, no kas iti pagsasaoda, “Nakirangetak kadagiti narungsot nga ayup” idiay Efeso? Ngem no di mapagungar dagiti natay, “Mangan ken uminumtayo, ta inton bigat, mataytayo,” kas kunada.

1 Taga-Corinto 16:8

Agyanak ditoy Efeso agingga iti aldaw ti Pentecostes.

Taga-Efeso 1:1

Kadagiti tattao ti Dios iti Efeso, isuda a mapagtalkan iti panagbiagda ken ni Cristo Jesus. Sapay koma ta parabur ken talna ti ited kadakayo ti Dios nga Amatayo ken ni Jesu-Cristo. Siak, ni Pablo, ti naggapuan daytoy a surat. Maysaak nga apostol ni Cristo Jesus babaen iti pagayatan ti Dios.

Deuteronomio 31:19

“Ita, isuratmo daytoy a kanta ken isurom iti entero nga Israel tapno agbalinto a pammaneknek a maibusor kadakuada.

Taga-Colosas 2:1

Kayatko a maammoanyo ti rigatko a nagtrabaho a tumulong kadakayo kasta met kadagiti taga-Laodicea ken amin a saan pay a nakakita kaniak.

1 Timoteo 1:3

Kas indawatko kenka idi agpa-Macedoniaak, kayatko nga agbatika idiay Efeso. Adda sumagmamano a tattao sadiay a mangisursuro kadagiti saan a pudno a doktrina ket masapul a pasardengem ida.

Paltiing 1:17

Idi nakitak, kaslaak la natay a napasag iti sakaananna. Impatayna kaniak ti makannawan nga imana ket kinunana: “Dika agbuteng! Siak ti Pangrugian ken ti Paggibusan.

Paltiing 1:19

Isuratmo ngarud dagiti makitam, dagiti mapaspasamak iti agdama ken iti masakbayan.

Paltiing 1:2

ket impakaammo ni Juan ti amin a nakitana. Daytoy ti pammaneknekna maipapan iti mensahe a naggapu iti Dios ken iti kinapudno nga impakaammo ni Jesu-Cristo.

Paltiing 1:20

“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.

Paltiing 1:8

“Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.

Paltiing 10:4

Idi malpas ti dulluog, agsuratak koman, ngem nangngegko ti maysa a timek a naggapu sadi langit. “Ilimedmo ti imbaga dagiti pito a gurruod,” kinunana. “Dimo isurat.”

Paltiing 14:13

Kalpasanna, nakangngegak iti timek a naggapu sadi langit. Kinunana kaniak, “Isuratmo daytoy: Manipud ita, nagasat dagiti matay iti panagserbida iti Apo.” “Wen, nagasat,” kuna ti Espiritu. “Makainanadan kalpasan ti nadagsen a trabahoda ta kumuykuyog kadakuada ti bunga ti panagserbida.”

Paltiing 19:9

Ket kinuna ti anghel kaniak, “Isuratmo daytoy: Nagasat dagiti naawis iti pannakarambak ti kasar ti Kordero.” Innayonna, “Pudno a sao ti Dios dagitoy.”

Paltiing 2:1

“Kastoy ti isuratmo iti anghel ti iglesia idiay Efeso: “Daytoy ti mensahe nga aggapu iti mangig-iggem kadagiti pito a bituen iti makannawan nga imana ken agpagnapagna iti nagbabaetan dagiti pito a pagsilawan a balitok:

Paltiing 2:12

“Kastoy ti isuratmo iti anghel ti iglesia idiay Pergamo: “Daytoy ti mensahe nga aggapu iti addaan iti natadem a kampilan a dua ti tademna:

Paltiing 2:18

“Kastoy ti isuratmo iti anghel ti iglesia idiay Tiatira: “Daytoy ti mensahe nga aggapu iti Anak ti Dios nga addaan kadagiti mata a gumilgil-ayab a kasla apuy ken kadagiti saksaka nga agranraniag a kas iti napasileng a gambang.

Paltiing 2:24

“Ngem ti dadduma kadakayo dita Tiatira, diyo sinurot daytoy dakes a pannursuro. Saanyo a nasursuro ‘ti nauneg a palimed ni Satanas,’ kas kuna ti dadduma. Kunak kadakayo a dikayton pabaklayan iti sabali nga awit.

Paltiing 2:8

“Kastoy ti isuratmo iti anghel iti iglesia idiay Esmirna: “Daytoy ti mensahe nga aggapu iti Pangrugian ken Paggibusan, isu a natay ken nagbiag manen:

Paltiing 21:5

Kinuna ti nakatugaw iti trono, “Pabaroekon ti amin a banag!” Kinunana pay kaniak, “Isuratmo daytoy: Mapangnamnamaan ken pudno dagitoy a sao.”

Paltiing 22:10

Kinunana pay: “Dimo ilimed dagiti padto iti daytoy a libro agsipud ta asidegen ti pannakapasamakda.

Paltiing 22:16

“Siak ni Jesus a nangibaon iti anghelko tapno saksianna dagitoy kadakayo nga adda kadagiti iglesia. Nagtaudak iti ramut ken kaputotan ni David. Siak ti naraniag a bituen ti agsapa.”

Paltiing 3:1

Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!

Paltiing 3:14

“Kastoy ti isuratmo iti anghel ti iglesia idiay Laodicea: “Daytoy ti mensahe nga aggapu ken ni Amen, ti matalek ken napudno a saksi, ti pangrugian ti amin a pinarsua ti Dios:

Paltiing 3:4

“Ngem ti sumagmamano kadakayo dita Sardis, pinagtalinaedyo a nadalus ti pagan-anayyo. Makipagnakayto kaniak a sikakawes iti puraw ta maikarikayo.

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana: