Numero 9:7 - Ti Baro a Naimbag a Damag Biblia

⁷ Kinunada, “Maibilangkami a narugit ta nakasagidkami iti bangkay ngem dimi kadi mabalin ti agidaton iti Apo a kas kadagiti dadduma nga Israelita?”

Ti Biblia (1973)

⁷ Ket dagidiay a lallaki kinunada kencuana, Saancami a nadalus a gapu iti bangcay ti maysa a tao a natay: ania ti gapuna a matipdancami tapno dicami mangidatag iti daton ken Jehova iti natudingan nga aldawna iti tengnga dagiti annac ti Israel?

Numero 9:7 Iomraidhean Croise

Exodo 12:27

ibagayonto kadakuada, ‘Daytoy ti daton iti Paskua a pammadayaw iti Apo, gapu ta linabsanna dagiti balay dagiti Israelita idiay Egipto. Nagpapatay kadagiti Egipcio ngem dinakami inan-ano.’” Nagparintumeng dagiti Israelita ket nagdaydayawda.

Numero 9:2

“Iti sumipnget, iti maika-14 nga aldaw iti daytoy a bulan, mangrugi a ngilinen dagiti Israelita ti Fiesta ti Paskua, kas mayannurot iti amin a linteg ken alagaden iti pannakarambakna.”

Numero 9:6

Ngem adda lallaki a maibilang a narugit iti imatang ti linteg ta nakasagidda iti bangkay ti maysa a tao. Gapu iti daytoy, dida mabalin ti makipagrambak iti Paskua iti dayta nga aldaw. Dimmatagda ken ni Moises ken ni Aaron.

Numero 9:8

“Aguraykayo,” insungbat ni Moises, “ta ammoek ti bilin ti Apo.”

Deuteronomio 16:2

Inkay iti lugar a pinilina a pagdaydayawan kenkuana ket agpartikay iti karnero wenno baka nga agpaay iti pangrabii ti Paskua a pammadayaw iti Apo a Diosyo.