Numero 8:12 - Ti Baro a Naimbag a Damag Biblia

¹² Ipatay dagiti Levita ti imada iti ulo dagiti dua a baka; maysa ti maidatag a daton gapu iti basol ket ti maikadua kas daton a mapuoran kas annongen ti seremonia ti pannakadalus dagiti Levita.

Ti Biblia (1973)

¹² Ket dagiti Levitas ipataydanto dagiti im-imada cadagiti ol-olo dagiti vacvaca a lallaki: ket idatonmo ti maysa a maipaay a daton gapu iti basol, ket ti caduana maiservi a daton a mapuuran ken Jehova tapno maaramid a pacaabbongan dagiti Levitas.

Numero 8:12 Iomraidhean Croise

Exodo 29:10

“Ipanmo ti baka iti sangoanan ti Tolda ti Dios ket ibagam ken ni Aaron ken kadagiti annakna nga ipatayda dagiti imada iti ulona.

Levitico 1:4

Ipatayna ti imana iti ulo ti animal ket maawatto a kas daton a mangikkat kadagiti basbasolna.

Levitico 14:22

Mangisagana met iti dua a kalapati wenno dua a pagaw. Maysa ti agpaay a daton gapu iti basol, ket ti maysa a daton a mapuoran.

Levitico 16:11

Patayen ni Aaron ti toro a baka ket idatagna a daton gapu iti basolna ken iti familiana.

Levitico 16:21

Ipatayna ti dua nga imana iti ulo ti animal ket ipakaammona dagiti amin a kinadakes, basol ken kinasukir dagiti Israelita tapno mayakarda iti ulo ti kalding. Kalpasanna, itedna ti kalding iti a natudingan a mangibulos iti let-ang.

Levitico 16:6

Mangidatag ni Aaron iti toro a baka a daton a pangikkat iti basolna ken iti basol ti familiana.

Levitico 4:15

Ipatay dagiti pangulo ti sangkagimongan dagiti imada iti ulo ti animal, ket sadiay ti pakapatayanna.

Levitico 4:20

Aramidennanto iti daytoy a baka ti kas iti inaramidna iti baka a naidatag gapu iti basol, ket kalpasan ti panangannongna iti seremonia a pangikkat iti basol, napakawanen dagiti tattao.

Levitico 4:35

Kalpasanna, ikkatenna ti amin a taba ti animal kas iti panangikkatna iti taba dagiti animal a naidaton a pakikappia. Puoranna dagitoy iti altar a maigiddan iti daton a mapuoran a naidatag iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 4:4

Ipanna ti baka iti ruangan ti Tolda, ipatayna ti imana iti ulo ti animal, ket patayenna sadiay iti imatang ti Apo.

Levitico 5:7

No saan a kabaelan ti maysa a tao ti mangidaton iti karnero wenno kalding, mangidaton iti dua a kalapati wenno dua a sibong ti kalapati a kas multana—maysa ti daton gapu iti basol, ket ti maysa daton a mapuoran.

Levitico 8:14

Innala ni Moises ti bumaro a baka a maidaton gapu iti basol. Impatay ni Aaron ken dagiti annakna ti imada iti ulo ti animal.

Levitico 8:15

Pinarti ni Moises ti animal sa nangala iti dara ket babaen iti ramayna, pinulagidanna dagiti sinan-sara ti altar tapno maidaton ti altar. Imbuyatna iti puon ti altar ti natda a dara. Kastoy ti pannakaidaton iti altar ken ti pannakadalusna iti imatang ti linteg.

Levitico 8:18

Innala ni Moises ti kalakian a karnero a maidaton a mapuoran ket impatay ni Aaron ken dagiti annakna ti imada iti ulo ti animal.

Levitico 8:34

Imbilin ti Apo nga aramidentayo ti inaramidtayo ita nga aldaw tapno maikkat dagiti basolyo.

Levitico 9:7

Kinunana ken ni Aaron, “Inka iti altar ket idatagmo ti daton a maipaay iti basol ken ti daton a mapuoran a mangikkat kadagiti basolmo ken kadagiti basol dagiti tattao. Idatagmo met ti daton a mangikkat kadagiti basbasol dagiti tattao, kas imbilin ti Apo.”

Numero 6:14

ket mangidaton iti tallo a karnero nga awan depektoda; maysa a kalakian a maysa ti tawenna a kas daton a mapuoran; maysa a kabaian a maysa ti tawenna a daton gapu iti basol ken maysa a kalakian a daton a pakikappia.

Numero 6:16

Idatag ida ti padi iti Apo ket idatagna ti daton a maipaay iti basol ken ti daton a mapuoran.

Numero 8:13

“Idatonmo dagiti Levita a naisangsangayan a sagut kaniak ket dutokam ni Aaron ken dagiti annakna a mangimaton kadakuada.

Numero 8:8

Mangalada iti bumaro a baka ken ti naituding a daton a makan nga arina a nagamay iti lana ti olibo; mangalaka iti sabali a baka a maidaton gapu iti basol.

Hebreo 9:22

Kinapudnona, kas mayannurot iti Linteg, gistay amin a bambanag maugasanda babaen iti pannakaiparukpok ti dara, ket mapakawan ti basol babaen iti pannakaiparukpok ti dara.