Numero 7:10 - Ti Baro a Naimbag a Damag Biblia

¹⁰ Iti aldaw a pannakaidaton ti altar, nangyeg dagiti papangulo kadagiti datonda. Indatagda dagitoy iti sango ti altar

Ti Biblia (1973)

¹⁰ Ket dagiti pangolo nagdatonda iti maipaay iti pannacaisibbo ti altar iti aldaw a pannacalanana, a dagiti met laeng pangolo impaayda ti datdatonda iti sango ti altar.

Numero 7:10 Iomraidhean Croise

1 Ar-ari 8:63

Nangidatag ni Solomon iti 22,000 a toro a baka ken 120,000 a karnero a kas daton a pakikappia. Kastoy ti panangikonsagrar ti ari ken dagiti amin a tattao iti Templo a pagdaydayawan ken ni Yahweh.

2 Cronicas 7:5

Nangidaton ni Solomon iti 22,000 a baka ken 120,000 a karnero a daton a pakikappia. Ket indaton ni Solomon ken dagiti amin a tattao ti Templo.

2 Cronicas 7:9

Pito nga aldawda a nagrarambak iti pannakaidaton ti altar ket pito nga aldawda met a nagrarambak iti fiesta. Iti maudi nga aldaw, naggigimongda a kas pangserrada iti parambak.

Nehemias 12:27

Idi maidaton ti bakud ti siudad ti Jerusalem, naayaban dagiti Levita iti amin a lugar a pagnanaedanda tapno dumar-ayda iti parambak ti pannakaikonsagrar ti bakud a madanggayan iti kankanta ti panagyaman ken iti aweng ti piangpiang ken arpa.

Nehemias 12:43

Iti dayta nga aldaw, adu ti naidatag a daton, ket kasta unay ti rag-o dagiti tattao gapu iti kinaimbag nga impaay ti Dios kadakuada. Nakipagrambak met dagiti babbai ken ubbing, ket uray la mangngeg iti adayo a lugar ti ariwawada.

Dagiti Salmo 30:1

Idaydayawka, O Apo, gapu ta insalakannak, ket dimo impalubos nga agragsak dagiti kabusorko.

Numero 7:1

Iti aldaw a nalpas ni Moises a binangon ti Tolda ti Dios, kinonsagrar ken indatonna ti Tolda ken amin nga alikamenna, agraman ti altar ken amin nga alikamenna.

Numero 7:11

ket kinuna ni Yahweh ken ni Moises, “Ibagam kadakuada a tunggal aldaw iti las-ud ti 12 nga aldaw, maysa a pangulo ti mangidatag kadagiti sagutna iti pannakaidaton ti altar.”

Numero 7:84

Adtoy dagiti pagdagupan dagiti sagut dagiti sangapulo ket dua a papangulo nga agpaay iti pannakaidaton ti altar: 12 a pirak a malukong ken 12 a pirak a palanggana; agdagsenda iti 27.6 a kilo 12 a balitok a pinggan nga agdagsen iti 1.32 a kilo ken napno iti insenso 12 a baka, 12 a kalakian a karnero ken 12 a karnero a maysa ti tawenna, agraman dagiti daton a makan a maipasurot kadagitoy, para iti daton a mapuoran 22 a kalding para iti daton gapu iti basol 24 a baka, 60 a kalakian a karnero, 60 a kalding, 60 a karnero a maysa ti tawenna, para iti daton a pakikappia.

Deuteronomio 20:5

“Kalpasanna, kasaonto dagiti ofisiales dagiti tattao ket kunada: ‘Adda kadi kadakayo ti siasinoman a kaipatpatakderna ti balayna ngem dina pay inkonsagrar? No adda, masapul nga agawid amangan no matay iti paggugubatan ket sabali ti mangikonsagrar iti balayna.