Numero 6:5 - Ti Baro a Naimbag a Damag Biblia

⁵ Bayat ti panagbalinna a Nazireo, saan nga agpukis wenno agibarbas. Bay-anna nga umatiddog ti buok wenno barbasna tapno di masalungasing ti sapata a pannakaidatonna iti Apo.

Ti Biblia (1973)

⁵ Amin dagiti al-aldaw ti carina a pannacayadayu, awan ti pangiskis a dumanonto iti olona: inggana ti aggibus dagiti al-aldaw ti pannacayadayuna a maipaay ken Jehova, isu nasantoanto; isu baybay-annanto nga agatiddug ti buoc ti olona.

Numero 6:5 Iomraidhean Croise

Ezekiel 44:20

“Saan nga agpakalbo dagiti papadi ngem dida met unay paatiddogen ti buokda. Kalalaingan laeng ti pukisda.

Numero 6:4

Iti las-ud ti tiempo ti sapatana, saan a mangan iti aniaman a naggapu iti ubas, uray pay iti bukel wenno ukisna.

Dagiti Aramid 18:18

Nakipagtaeng ni Pablo kadagiti kakabsat idiay Corinto. Kalpasan ti adu nga aldaw, nagbarko a kaduana da Priscila ken Akila a nagturong idiay Siria. Sakbay a naglayagda manipud Cencrea, nagpakalbo ni Pablo ta adda kari a sinapataanna.

Uk-ukom 13:5

Kalpasan ti pannakaipasngay ti anakmo, dimonto pukpukisan, agsipud ta manipud iti aldaw a pannakayanakna, maidatonto iti Dios a kas maysa a Nazireo. Isunto ti mangispal kadagiti Israelita iti ima dagiti Filisteo.”

Uk-ukom 16:17

isut' gapuna nga iti kamaudiananna, imbagana ti pudno. Kinunana, “Saanak a pulos a napukisan. Naidatonak iti Dios a kas Nazireo manipud pannakayanakko. No mapukisanak, mapukaw ti pigsak ket agbalinak a kas iti kadawyan a tao.”

Uk-ukom 16:19

Pinaturog ni Delila ni Samson iti saklotna. Kalpasanna, nangayab iti lalaki a mangkartib iti pito a punggos a buok ni Samson. Ket rinugianna a pinarigat ta napukawen ni Samson ti pigsana.

1 Samuel 1:11

Adda kari a sinapataan ni Ana: “O Apo a Mannakabalin-amin, ipangagnak kadi nga adipenmo. Kitaem ti parikutko ket lagipennak! Wen, dinak koma liplipatan! No ikkannak iti anak a lalaki, ikarik nga idaton kenka iti unos ti panagbiagna, ket pulos a dinanto papukisan ti buokna.”