Numero 6:3 - Ti Baro a Naimbag a Damag Biblia

³ masapul a di uminum iti arak wenno aniaman a makabartek. Maiparit kenkuana ti aniaman nga inumen a nagtaud iti ubas wenno mangan iti ubas wenno pasas.

Ti Biblia (1973)

³ Iyadayunanto ti bagina iti arac ken naingel nga inumen; saanto nga umin-inum iti suca ti arac, wenno suca ti naingel nga inumen, dinto met uminum iti tubbog ti uvas, wenno mangan iti naganus nga uvas wenno nagango.

Numero 6:3 Iomraidhean Croise

Levitico 10:9

“No sumrekka ken dagiti annakmo iti Tolda, kitaenyo a saankayo a nakainum iti arak wenno aniaman a makabartek amangan ta mataykayo. Linteg daytoy a masapul nga annuroten dagiti amin a kaputotanyo.

Amos 2:11

Dinutokak a profeta ti dadduma kadagiti annakyo a lallaki. Dinutokak met nga agbalin a Nazireo ti sumagmamano kadagiti agtutuboyo. Saan kadi a pudno daytoy, dakayo nga Israelita? Siak, ni Yahweh, ti agsasao.

Amos 2:12

Ngem pinainumyo dagiti Nazireo iti arak, ket binilinyo dagiti profeta a dida ipakaammo ti mensahek.

Numero 6:4

Iti las-ud ti tiempo ti sapatana, saan a mangan iti aniaman a naggapu iti ubas, uray pay iti bukel wenno ukisna.

San Lucas 1:15

Ta naindaklanto a tao iti imatang ti Apo. Masapul a dinto uminum iti arak wenno uray ania a makabartek. Mapnonto iti Espiritu Santo uray adda pay laeng iti tian

San Lucas 21:34

“Agannadkayo amangan no malmeskay iti nalabes a panagragragsak, pannangan, ken panaginum ken kadagiti pakasikoran ti biag, amangan no kellaat a dumteng dayta nga Aldaw ket tiliwennakayo

Taga-Efeso 5:18

Dikay agbarbartek ta isut' pakadadaelanyo. Ikagumaanyo koma ketdi nga agtaeng kadakayo ti Espiritu.

1 Taga-Tesalonica 5:22

ket liklikanyo ti amin a kita ti kinadakes.

1 Timoteo 5:23

Saan la a danum ti inumem, ngem gapu iti tianmo ken ti masansan a panagsakitmo, uminumka met iti sangkabassit nga arak.

Hebreo 9:10

Dagitoy nga alagaden maipapan iti taraon, inumen ken nadumaduma a seremonia ti pannakadalus, agpaayda laeng agingga a dumteng ti tiempo ti panagbalbaliw.

Uk-ukom 13:14

Maiparit a mangan iti uray ania nga agtaud iti ubas; saan nga uminum iti arak wenno naingel nga inumen wenno mangan iti aniaman a maiparit. Masapul a tungpalen ni asawam ti amin nga imbagak nga aramidenna.”

Uk-ukom 13:4

Manipud ita, saankan nga uminum iti arak ken dika met mangmangan iti uray ania a maiparit a taraon.