Numero 3:6 - Ti Baro a Naimbag a Damag Biblia

⁶ “Ipanmo ken ni Aaron a padi dagiti kameng ti tribu ni Levi ket dutokam ida a katulonganna.

Ti Biblia (1973)

⁶ Yasidegmo ti caputotan ni Levi, ket ipanmo ida iti sango ni Aaron a padi tapno agservida kencuana.

Numero 3:6 Iomraidhean Croise

1 Cronicas 15:2

Kinunana, “Dagiti laeng Levita ti rumbeng a mangawit iti Lakasa ti Tulag ti Dios, gapu ta isuda ti pinilina a mangawit iti Lakasa ken agserbi kenkuana iti agnanayon.”

1 Cronicas 23:28

Annongda ti tumulong kadagiti papadi a kaputotan ni Aaron iti panagdaydayaw iti Templo. Aywananda met dagiti paraangan ken kuarto ti templo ken kitaenda a saan a matulawan dagiti amin a nasagradoan a banag.

1 Cronicas 23:32

Naipaannong kadakuada ti pannakaaywan ti Tolda ti Dios ken iti Templo, ken tumulong kadagiti kakabagianda, dagiti papadi a kaputotan ni Aaron iti panagdaydayaw iti Templo.

1 Cronicas 6:33

Adtoy dagiti familia a nagakem kadagitoy a saad: Ti familia ni Coat: ni Heman ti pangulo ti umuna a bunggoy dagiti kantores. Isu ti anak ni Joel. Nagtaud ti familiana ken ni Jacob: Heman, Joel, Samuel,

2 Cronicas 29:11

Annakko, dikay agtaktak. Dakayo ti pinili ti Apo nga agpuor iti insenso nga agpaay kenkuana ken mangidaulo kadagiti tattao iti panagdaydayawda kenkuana.”

ESDRAS 6:18

Binunggo-bunggoyda dagiti papadi ken dagiti Levita nga agserbi iti Templo idiay Jerusalem, kas mayallubog iti alagaden a nailanad iti Libro ni Moises.

Malakias 2:4

Iti kasta, maammoanyonto nga impaulogko daytoy a bilin kadakayo tapno saan a mawaswas ti nagtutulaganmi kadagiti papadi a kaputotan ni Levi.

Numero 18:21

Kinuna ni Yahweh, “Intedko kadagiti Levita ti amin nga apagkapullo nga idatag dagiti Israelita kaniak. Daytoy ti tangdanda iti panagserbida iti Tolda.

Numero 2:17

Sumaruno met nga agluas dagiti Levita a mangawit iti Tolda ti Dios. Agyanda iti nagbaetan dagiti umuna a dua a bunggoy ken iti maudi a dua a bunggoy. Magna ti tunggal bunggoy iti isu met la nga urnos a kas iti urnosda no agkampoda; addada iti lugarda ken iti babaen ti wagaywayda.

Numero 2:33

Kas imbilin ni Yahweh ken ni Moises, saan a nairaman dagiti Levita a nailista kadagiti dadduma nga Israelita.

Numero 3:5

Kinuna ni Yahweh ken ni Moises,

Deuteronomio 10:8

Iti bantay, dinutokan ti Apo dagiti lallaki iti tribu ni Levi a mangaywan iti Lakasa ti Tulag ken agserbi kenkuana a kas padi ken mamendision iti nagan ti Apo. Daytoy pay laeng ti akemda agpapan ita.